Este martes 23 de maio reuníronse os mozos e mozas do Club de Lectura pola Diversidade de 1º e 2º ESO para poñer en común tres relatos sobre o acoso escolar tomados do libro 21 relatos sobre el acoso escolar. A partir dos contos "Pasarse de la raya”, “Luciérnaga” e “Las dos caras de la moneda” os participantes do club traballaron por grupos e compartiron as impresións que lles provocaron as historias lidas.
Posteriormente, debateron sobre a problemática do acoso escolar, tema que foi traballado ao longo do curso. Así, puxéronse na pel dun neno illado polo grupo e recoñeceron que se dá esta situación no día a día… Para finalizar, reflexionaron sobre por que o acoso escolar está a aumentar na sociedade e que podemos facer nós para combatelo.
|
|||||||
