ERASMUS+360º
Enviado por loli o Lun, 17/10/2022 - 05:56
------------------------------------------------------------------------------------------------------------------------------------------------------------------------------------------------------------------------------------------------------------------
O venres 14 de outubro no IES Monte Castelo participamos nos #ErasmusDays celebrando unha xornada de difusión cos nosos compañeiros da Asociación Saúde Mental A Mariña. A súa Xerente e Directora Técnica Xeral, María José Nóvoa Rodríguez, participou como convidada experta na mobilidade para Persoas Adultas que, por primeira vez, tivemos neste curso co proxecto "Segunda Oportunidade".
Nesta agradable tarde, na que contamos con representantes da administración e dos cidadáns, de asociacións colaboradoras como Cruz Roja Burela, Fundación Eu Son, Asociación Camiña; membros do Consello Escolar e o Claustro, alumnos e familias, puidemos comunicar os resultados desta mobilidade, compartir as experiencias vividas tamén a través do job shadowing, valorar as posibles opción de continuidade que se establecen para este proxecto e, incluso, pechar a xornada cunha charla informal acompañada dunha deliciosa degustación de produtos gourmet preparados para a ocasión pola chef da Unidade Residencial de Cervo, Lola Rouco.
Nesta xuntanza non só reafirmamos o noso compromiso de colaboración interinstitucional orientado a eliminar as barreiras que separan á escola da sociedade, senón que establecimos novas vías para que a integración e inclusión continúen sendo os piares fundamentais da nosa loita efectiva pola igualdade de oportunidades.
 |
 |
 |
 |
 |
|
»
