Skip to Content

blogue deadmin

EXPOSICIÓN CONVERXENCIAS ARTE E CIENCIA. ÁGORA A CORUÑA.

Mar, 23/01/2018 - 05:17

O pasado venres, 19 de xaneiro de 2018, os alumnos de 1º de ESO fomos ao centro Ágora, da Coruña, a unha actividade titulada ‘Converxencia Arte e Ciencia’ organizada por Igaciencia, coa colaboración do Concello de A Coruña, co obxectivo fundamental de ilustrar e profundar no diálogo entre a ciencia, a arte e a tecnoloxía

Comezamos asistindo a una conferencia sobre o cubismo, centrada na obra do pintor Juan Gris, e as matemáticas e as rimas que existen na súa pintura. Ao rematar pasamos por una exposición de diversas pezas realizadas con impresión 3D, utilizando diversos modelos matemáticos, deseñadas polo artista Manuel Díaz Regueiro.

 

A continuación dividimos o grupo en dúas partes. A metade participou en varios talleres sobre ilusións ópticas e xeometría, mentres o resto coñecía á obra de M.C. Escher, e diversas curiosidades sobre algúns movementos artísticos , coma o Op Art, e a súa relación coas matemáticas.          Ao rematar intercambiamos os grupos, e regresamos ao IES con algúns coñecementos máis sobre a relación entra a arte e as ciencias.

MURAIS DE NADAL / CHRISTMAS POSTERS.

Mar, 26/12/2017 - 09:30

Estas últimas clases e  unha vez rematados os exames, os meus alumnos e alumnas de 1º da ESO A, B e C confeccionaron uns murais con vocabulario relacionado con esta festividade de Nadal que se aproxima.

 Con motivo das festas, os rapaces e rapazas aprenderon a definir os elementos en inglés e incluso engadiron algún verso de panxoliñas anglosaxonas nos que o elemento sobre o cal traballaron é protagonista ou se menciona de forma explícita. Deste xeito, ademáis de léxico, todos puideron coñecer unha parte da cultura e as tradicións propias dos países de fala inglesa. Sleigh, Tinsel, Reindeer, Gingerbread, Wreath…..entre moitos outros máis que podedes ver nas fotografías dos preciosos murais que fixeron os rapaces e rapazas e que adornan as paredes do noso centro.

 Tamén fixo unha estupenda colaboración Lucía Vázquez, alumna de 3º ESO A, quen fixo un mural cos seus propósitos de Aninovo moi recomendables para todos. Parabéns, Lucía!

 Quedaron todos preciosos e o máis importante, os alumnos e alumnas aprenderon moitas cousas novas sobre o Nadal.

 Felices festas a todos.

Merry Christmas and a Happy New Year 2018!

 Nuria Bello. Profesora de inglés.

 

 

CAMPAÑA SOLIDARIA GUINEA

Mér, 13/12/2017 - 09:28

Na liña de continuar con proxectos iniciados no curso anterior, a vindeira semana un grupo de alumnos de 2º de Bacharelato que cursan a materia de Psicoloxía, montarán nos recreos dos días 18 e 19 de decembro, un punto de información e donación na entrada do centro. O curso pasado fomos quen de enviar un montón de lámparas solares para a ONG “Miradas al Mundo” pero nesta ocasión impulsamos a Campaña “SEND SEEDS, GIVE LOVE”. As mulleres do pobo de Varela (Guinea) están a preparar un terreo para cultivar hortalizas e plantas medicinais.  Precisan semillas. A nosa proposta consiste en donar 10 céntimos para  que a horta de Varela poida medrar e dar de comer a moitos dos nosos amigos. 

 

VISITA A CASA DAS CIENCIAS E PLANETARIO DE A CORUÑA.

Lun, 04/12/2017 - 06:34

O día 27 de novembro todo o alumnado de 1ºESO realizou unha visita ao museo da Casa das Ciencias e o planetario da Coruña organizada polo departamento de Xeografía e Historia.

Ao chegar, repartímonos en dous grupos para alternar entre a sesión do planetario e os módulos interactivos do museo. Cando comezamos a sesión no planetario díronnos unha breve introducción sobre as distancias no Universo. Contáronnos que as fotografías que toman os telescopios espaciais serven para para coñecer como era o Universo fai miles de millóns de anos, posto que son imaxes que corresponden ao pasado. A proxección foi moi interesante aínda que algúns quedaron un pouco abraiados ao descubrir que  cando morra o Sol éste devorará  aos planetas interiores,  incluida a Terra!!

Xa de visita pola exposición, fixemos nosa a consigna de “prohibido non tocar” e experimentamos cos módulos interactivos repartidos por tódalas plantas do museo. Gustounos especialmente a exposición “Puro Swing” sobre péndulos, especialmente o columpio de péndulos acoplados que probamos todos, algún máis dunha vez…!

Temén deu tempo a debuxar, coa axuda de dous péndulos, uns chamativos trazos chamados curvas de Lissajous. Foi moi divertido!!

 

Begoña Bugía. Profesora de Ciencias Naturais.

CAMPEONATO DE CAMPO A TRAVÉS. MONDEGO (SADA)

Mar, 28/11/2017 - 06:21

O pasado sábado 25 de novembro un grupo de alumnos do centro representando ao equipo do instituto participou na actividade de deporte escolar, programa Xogade, na modalidade de campo a través.

A competición realizouse no circuíto do CEIP Pedro Barrié da Maza en Mondego (Sada). O día foi perfecto para este tipo de carreiras cun circuíto húmido e un tempo frío e seco.

Os alumnos participaron nas categorías infantil masculino (1.200m.), cadete feminino (1.200m.) e cadete masculino (2.500m.). Os resultados foron os seguintes:

INFANTIL MASCULINO.

24º.- Steven Rosario Méndez.

CADETE FEMININO.

12ª.- Lucía Barcia Rama.

17ª.- Raquel Parga Torres.

32ª.- Lucía Díaz Codina.

34ª.- Celtia Río Santos.

CADETE MASCULINO.

24º.- Shay Smith López.

25º.- Daniel Barcia Rama.

27º.- Xián Fernández Louzao.

33º.- Álvaro Astray Fernández.

44º.- Álvaro Abades Mourenza.

49º.- Sergio Vázquez Manteiga.

56º.- Manuel Herrero Guillén.

Parabén a todos!!!

Podedes atopar máis fotos e vídeos no facebook do Anpa IES Miraflores Oleiros e na seguinte ligazón:

https://photos.google.com/share/AF1QipMkwrdBkN4bpW-_T3OvQDYyjur5Ym5ltWVlLLmWrArMy3g99e9pU6911NqrvGHr9Q?key=VXZwTHBCTkkydlJtdTlBZ0FmcFBNUDMxRTVVRW13

 

 

Distribuir contido


by Dr. Radut