Skip to Content

Sociais

PROGRAMACIÓN XEOGRAFÍA E HISTORIA 2020

Para ver a programación preme na imaxe

----------

FOTO PREMIADA NO CONCURSO DA ASOCIACIÓN DE XEÓGRAFOS DE ESPAÑA

Cristina Asensi, alumna de 2º Bacharelato,  é a autora dunha das fotos premiadas na VI edición do concurso Explica Xeografía coas túas fotos convocado pola Asociación de Xeógrafos de España (AGE). O obxectivo deste concurso é promover o coñecemento xeográfico e unha mellor comprensión do territorio e da paisaxe. Parabéns!

VER ALBUM DE FOTOS

O ALUMNADO DE CARRIL REMATOU A SÚA PARTICIPACIÓN NO PARLAMENTO XOVE

As carrilexas e os carrilexos que participaron na IXª edición do Parlamento Xove acudíiron a Compostela o 4 e o 5 de maio para debatir na fase final. O tema foi: "A experiencia acumulada nun ano sabático pode ser de gran axuda para orientar os intereses académicos e laborais da xuventude europea antes de que inicien a súa etapa universitaria: ¿debería existir un plan de financiamento europeo destinado a tal fin?".

O equipo de Carril tivo que posicionarse en contra da tese mentres que o alumnado do instituto de Becerreá co que debateron, a favor. Primeiro cada equipo presentou as súas argumentacións  Nunha segunda parte do debate Rubén e Ismael refutaron os argumentos do equipo de Becerreá. Finalmente os representantes dos dous institutos, Becerreá e Carril, tiveron que expor as súas conclusións. A encargada do noso instituto foi Alba Conde. O equipo de Becerreá saíu victorioso desta batalla dialéctica.

Iria López, unha das nosas representantes falounos sobre a súa experiencia persoal. Dixo que estaba demasiado nerviosa e intimidada polo equipo de Becerreá, que xa levaba gañando oito anos e notábase que estaban moi relaxados e seguros de si mesmos. "Tremía, trabábame falando, cando eu normalmente non o fago", dixo Iria.

Alba Conde tamén comentou que había moita presión pero destacou como aspecto positivo que tivo a oportunidade no seo do seu propio grupo de debatir ideas contrarias argumentando e que esa discrepancia sempre era respectuosa e construtiva.

Esta primeira participación no Parlamento Xove podería servir aos participantes de futuras edicións como unha boa experiencia de traballo en equipo para tentar defender unha postura grazas ao diálogo e ao consenso.  Unha proveitosa lección para todos. 

 

       

Nas imaxes os nosos cinco representantes: Iria López, Alba Conde, Isaac, Rubén e Brais González (non está nas fotos)

O BACHARELATO PARTICIPA NO PARLAMENTO XOVE

Por primeira vez o noso centro participa cun grupo de debate no Parlamento Xove.

Parlamento Xove trátase dunha competición na que os diversos equipos inscritos investigarán, escribirán e debaterán acerca dun tema. Realizarase en dúas fases: unha clasificatoria da que xurdirán oito equipos gañadores que se enfrontarán nunha segunda fase: a final. Paralelamente a elo, os equipos poderán entregar artigos de investigación que contarán cun premio especial ao mellor documento.

http://www.parlamentoxove.com

 

Este certame que xa vai pola súa novena edición propón un tema de debate para cada fase. Os día 2 e 3 de marzo un grupo de 1º de Bacharelato formado por Brais González Herraez, Ismael Fontán Pérez, Yaiza Torrado Loureiro e Rubén Villanustre Loureiro pasou a primeira rolda que tiña como tema "A educación ambiental nos centros educativos significaría evitar incendios como os acaecidos en outubro de 2017 en Galicia?". Podes consultar as táboas de clasificación aquí. 

Sabemos que é unha boa oportunidade de aprender a buscar e a seleccionar a información e utilizala despois para facer argumentacións razoadas traballando en equipo e respectando sempre as ideas dos demais. Animamos aos nosos participantes a que sigan traballando para a seguinte fase que se celebrará o 4 e o 5 de maio co tema: 

"A experiencia acumulada nun ano sabático pode ser de gran axuda para orientar os intereses académicos e laborais da xuventude europea antes de que inicien a súa etapa universitaria: ¿debería existir un plan de financiamento europeo destinado a tal fin?"

DE MUSEOS: LEÓN, SEGOVIA, TOLEDO E MADRID

 

(clic na imaxe para agrandar)

Entre o 20 e 0 22 de decembro o alumnado de 2º de Bacharelato, acompañado de Esther Dasilva e de Augusto Guedes (profesor emérito do noso instituto) fixeron unha viaxe do que achegamos unha galería de imaxes e un  fantástico resumo: 

     "Facía sono eran case as as cinco da madrugada. Na parada, xunto o IES esperábannos os pais xunto cos  alumnos de 2º de Bacharelato. O bus de Pereira,que seria a nosa casa durante os tres vindeiros días, xa ronroneaba suavemente. Ilusión nas caras, mentres a mirada escollía o sitio para sentarse ao lado dos colegas. Diante a estrada longa que nos levaría a Madrid. Despedidas e os derradeiros consellos e por fin na noite foi desaparecendo Carril mentres o autobús gañaba velocidade. O motor era como unha vella nana que nos agarimaba invitándonos a durmir. Tras os cristais aínda non amañecera.
     Unha parada biolóxica en Valcarce e  a claridade do día xurdiu alá polas terras ponferradinas. León foi a seguinte parada. Cruzar a muralla e rapidamente San Isidoro,  que visitamos acompañados pola guía que nos mostrou o Museo e a Cripta. Unha pequena descrición das portadas e da igrexa e imos a Catedral.
     Despois de repoñer forzas ás 13,30 de volta no bus. O destino era Segovia e queríamos chegar antes do peche da Catedral. Despois dun duro ascenso chegamos a catedral, dimos unha volta e admiramos os seus orgullosos pináculos. Parece que as catedrais puxéronse de acordo para cobrar unha entrada por visitalas. Baixamos ata o Acueduto para dar un agarimoso saúdo as súas pedras milenarias. Ceábamos en Segovia, despois da cea, camiño de Pinto, onde estaba o noso hotel. Cansados despois desta xornada fumos para as habitacións fixando a hora do almorzo nas oito da mañá
     Saímos para Toledo, despois de rodear a cidade para degustar a fermosa vista de imperial Toledo desde os Cigarrales, baixamos do bus fronte a porta Bisagra. Ascendemos ata a Praza de Zocodover e desde alí  fumos á Catedral. Un tempo para perderse nas rúas toledanas e recuperar folgos.
     As 15,15 baixamos da cidade e despois de atravesar o Texo pola Ponte de San Miguel  saímos de Toledo para ir ao Reina Sofía. Tíñamos unha cita coa Arte Contemporánea. Alí, con certa frustración, soubemos que parte da obra surrealista do museo estaba en París. En fin cousas que pasan. Tocaba cear no Pinto.
     O día seguinte despois do almorzo tocábanos a visita ao Prado. Formamos dous grupos para poder visitar o museo. Vimos parte da colección do museo en especial a obra de Velázquez e Goya. O autobús recóllenos  no Paseo do Prado e  lévanos á rúa Sevilla para poder achegarse ata á Porta do Sol. As 16,00 uns poucos fomos a ver a exposición temporal de Gauguin no Museo Thyssen.
De alí o autobús Pereira volvería a ser o noso niño ata Vilagarcía."
 
GALERÍA DE IMAXES
DE MUSEOS: LEÓN, SEGOVIA, TOLEDO E MADRID

Botticelli

se queres ver a presentación pincha : Botticelli

Goya

Distribuir contido


by Dr. Radut