Equipo directivo

Distribución de máscaras a alumnado da ESO do IES Laxeiro

Segundo a Orde do 6 de novembro de 2020 e de acordo coas instrucións recibidas desde a Dirección Xeral de Centros da Consellería de EDucación, desde o día 16 ao 27 deste mes de novembro é o prazo para solicitar máscaras para o alumnado que segundo a citada orde teñen dereito.

A solicitude será presencial e realizarase cubrindo os Anexos 1 e 2 da citada orde.

IMPORTANTE:

1º.- O alumnado destinatario é o da ESO  e educación especial do centro

2º.- O alumnado que obtivo axuda de libros ou de material a través do Fondo solidario, non teñen que realizar a solicitude, xa que xa se consideran admitidos.

3º.- O demáis alumnado pode solicitala sempre que a renta per cápita da familia non exceda do umbral de 6000€

4º.- Terán dereito os matriculados en educación especial ou con discapacidades igual ou superior ao 65%

Para máis información consultar os arquivos adxuntos:

 

- Orde do 06 de novembro  de 2020(DOG do 13 de novembro)

- Instrucións da Dirección Xeral de Centros da Consellería de Educación

RECORDAR:

Prazo de solicitude: 16 a 27 de novembro

Cubrir os Anexos 1 e 2 e entregalos na Secretaría do centro coa documentación que se precisa na ORDE.

Os anexos pódense solicitar na Conserxaría do centro ou a través desta páxina Web no seguinte arquivo:

 

- ANEXOS I e II Solicitude de máscaras

 

 

Plan de continxencia_Covid19_IES Laxeiro actualizado con horarios espello para casos de ensino non presencial

En aplicación da Resolución da Secretaría Xeral de Educación e Formación Profesional pola que se ditan instrucións para a elaboración de horarios nos centros docentes para o desenvolvemento de ensino a distancia en períodos de peche de aulas ou centros coma consecuencia da pandemia COVID19, publícase de novo o Plan de continxencia actualizado nunha nova versión e na que se inclúen os horarios-espello que seguiríanse no caso de peche de grupo ou centro.

Nos arquivos adxuntos publícanse tanto o Plan de Continxencia actualizado coma o documento de horarios-espello.

a) Plan de Continxencia actualizado

b) Horarios -espello para ensino á distancia

Renovación parcial do Consello Escolar do IES Laxeiro Novembro 2020

De acordo coa Resolución do 30 de setembro de 2020, DOG do 8 de outubro, da Secretaría Xeral de Educación e Formación Profesional da Consellería de Educación establécese o calendario para a celebración de eleccións de membros dos consellos escolares de centros docentes sostidos con fondos públicos.

Por este motivo, desde a Dirección do centro comunícase que durante o mes de novembro vai ter lugar o proceso de renovación de membrops do Consello Escoplar do IES Laxeiro. Nesta renovación parcial de 2020 se van elixir: seis postos de profesorado, dos cales dous serán vacantes, un membro do sector Pais/Nais representando a ANPA do centro, dous membros do sector do alumnado e un membro de Administración e Servizos.

O día 4 de novembro vai ter lugar a constitución da Xunta Electoral, órgano que regulará todo o proceso de renovación e que estará formada polo Director do centro e catro representantes dos diferentes sectores da Comunidade que serán elixidos por sorteo público o día 26 de outubro no Salon de Actos do IES Laxeiro.

Na súa primeira convocatoria aprobará o calendario do proceso e publicará os correspondentes censos dos diferentes sectores que participan no citado proceso de renovación.

Os listados do censo estarán expostos no taboleiro do centro.

A partires dese día iranse publicando, nesta mesma canle, as diferentes informacións que a Xunta Electoral vaia anunciando.

_ Constitución da Xunta Electoral

- Calendario de eleccións ao Consello Escolar

- Información dos diferentes sectores que participan no proceso

- Proclamación de candidaturas

- Circulares informativas

- Candidatos electos

- Constitución do renovado Consello Escolar

Comezo do Curso

COMEZO DE CURSO

 Temos a previsión de comezar o día 23, 24 e 25 de setembro cunhas xornadas de adaptación COVID. Serán tres días nos que o alumnado virá unhas horas de forma escalonada por cursos para familiarizalo coas novas medidas da COVID que rexirán todo o curso no noso centro.

  •  Día 23 de setembro: 1º e 2º ESO, 1º Bacharelato, 1º Ciclo Medio de X.Administrativa, Electromecánica e Electricidade, 1º Ciclo Superior de Administración e Finanzas e Mecatrónica
  • Día 24 de setembro: 3º ESO, 2º Bacharelato, 2º Ciclo Medio de X.Administrativa, Electromecánica e Electricidade, 2º Ciclo Superior de Administración e Finanzas e Mecatrónica

  • Día 25 de setembro: 4ºESO e 1º e 2º de Formación Profesional Básica

 

Horario das Presentacións:

 

 

23 DE SETEMBRO

 

24 DE SETEMBRO

 

25 DE SETEMBRO

 

 

11.00H-12.00H

 

BACHARELATO

 

BACHARELATO

FORMACIÓN PROFESIONAL BÁSICA

 

12.00H-13.00H

CURSO CICLOS FORMATIVOS

CURSO CICLOS FORMATIVOS

 

 

13.00H-14.30H

 

e ESO

 

ESO

 

ESO

 

  

O alumnado da ESO terá transporte escolar ás 14.30h para regresar ao seu domicilio.

 

As clases para todo o alumnado do centro empezarán o luns 28 de setembro.

 

Carta aberta ás familias

 

Estimadas familias:

 

Como seguramente xa saben pola prensa, o curso vén de se adiar unha semana. Crerán saber os motivos, pero a realidade é única: o abandono total por parte da Consellería de Educación.

O noso sentir agora mesmo é de indignación. Levamos todo o verán traballando para que a volta ás aulas sexa o máis segura posible, pero non somos responsables do desaguisado continuo que as autoridades educativas teñen a ben realizar. Necesitamos profesorado para que as mínimas condicións de distancia se cumpran, e se non se nos concede negámonos a comezar o curso.

Basta xa de informacións falsas e cambiantes, basta xa de mentiras. Pedimos honestidade e pedimos solucións. A administración non nos facilita o noso labor e nós debémonos ao noso alumnado.

Queremos deixar constancia de que o noso obxectivo é manter a calidade do ensino e a seguridade do alumnado e profesorado, polo que non descartamos tomar decisións máis contundentes como a nosa propia renuncia a seguir sendo comparsas dunha institución que claramente nos despreza.

Non aseguramos que día comezará o curso, polo que daremos máis información en canto poidamos a través da páxina web.

 

O equipo directivo do IES LAXEIRO de LALÍN.

 

Presentación dos documentos COVID - IES Laxeiro 2020-2021

Dacordo aos Protocolos e Instruccións conxuntas da Consellería de Sanidade e da Consellería de Educación e Formación Profesional, debido a situación actual de pandemia do COVID19. Dende o noso centro, presentamos os seguintes documentos:

 De xeito complementario e organizativo, aportamos a seguinte documentación dirixido ás Familias, aos Titores, ao Profesorado e Alumnado:

 Ademáis, aconsellamos consultar como referencia a seguinte guía:

 Para máis información consultar en https://edu.xunta.gal

Calendario de exames de setembro 2020

Publícanse nos seguintes arquivos os calendarios de exames de setembro do curso 2019-2020 no IES Laxeiro

 

Calendario de exames da ESO e FP Básica

 

Calendario de exame de bacharelato e adultos

 

Matrícula 2020-2021 no IES Laxeiro

Comeza o período de matrícula na ESO e BACHARELATO para o curso 2020-2021

Comeza o período de matrícula para todo o alumnado con reserva 2020-2021 e que promocionara ao seguinte curso.   

Preme neste icono para iniciar o teu rexistro e a túa  matrícula 

 
 Matrícula 2020-2021

O proceso de matrícula é telemático, onde consta dun primeiro paso de rexistro/acceso e dun segundo paso para a escolla de curso/materias.

Se o proceso está ben realizado recibirás na túa conta de correo electrónico o resgardo da túa matrícula.

Se o proceso está incompleto ou defectuoso recibirás un aviso para revisala e volvela a enviar.

O período de matrícula ordinaria abrangue do 1 ao 10 de xullo

O período de matrícula extraordinario vai do 1 ao 10 de setembro

Por se tendes algunha dúbida durante o proceso podedes chamar aos teléfonos seguintes:

  886151941 ( Xefatura) - 886151942 (Xefatura) - 886151943 (Dirección)  - 886151947 (Administración)

 

 

Horario de recollida de notas finais xuño 2020

De acordo coa Resolución do 12 de xuño de 2020 da Secretaría Xeral Técnica de Consellería de Sanidade sobre medidas de prevención necesarias para a transición a unha nova normalidade publicadas no DOG do 13 de xuño, publicamos neste enlace e no arquivo adxunto o calendario de recollida dos boletíns de notas finais do curso 2019-2020.

Os/as titore/as de cada grupo serán os encargados/as de entregar a cada alumno/a o boletín de notas finais e dese xeito poderán despedirse presencialmente dos seus titorandos logo du curso tan accidentado como o que vai rematar.

Pregamos, para cumprir coas normas de sanidade, que todo alumnado veña provisto da correspondente mascarilla no momento da recollida de notas, acto que terá lugar no Salón de actos do centro para cumprir coas nomas de distanciamento estipuladas.

Fai clik para descargar -> Horarios de recollida de notas finais xuño 2020

Distribuir contido