Na ligazón que segue pódese descargar a programación do departamento para o curso académico 2020/21

Foi longo, moi longo, este tempo de confinamento, pero no Laxeiro procuramos que non se perdese o humor. As profesoras Emilia Garea e Alicia Cordeiro do Dpto. de Lingua castelá, prepararon para o alumnado de 1º da ESO unha actividade que consistía na creación dun meme.

En 1º da ESO,de todas as tarefas  foron escollidos 16 memes e propúxose unha votación en liña para escoller os mellores. Os resultados son os que a continuación vos mostramos:

 1º posto: Selma Carballude de 1º ESO A (29 votos)

 2º posto: Sara Senande de 1º ESO C (20 votos)

 3º posto: Carmen Taboada de 1º ESO C (14 votos)

 4º posto: Dani Piloto de 1º ESO A (13 votos)

 5º posto: Jaime Vázquez de 1º ESO C (12 votos)

 Queremos dar as grazas a profesora Ester González, do Dpto. de Lingua galega, por compartir a idea da tarefa. Arriba o traballo cooperativo!!!

 Parabéns a todas e todos, rapazas e rapaces, por participar dun xeito ou doutro na idea e contribuír a que non se perda algo tan valioso como saber rir dun mesmo.

Moi orgullos@s da nosa rapazada!!!!!!!

Un grupo de dezaseis estudantes de 3º de ESO participa no intercambio co Auguste Viktoria Schule (AVS),  situado na localidade alemá de Itzehoe, no estado federado de Schleswig-Holstein. Esta pequena cidade duns 30.000 habitantes atópase a 50 km de Hamburgo e acolle aos estudantes dezaos do 2 ao 9 de marzo. Alí conviven coas familias e asisten a clase no Gymnasium AVS, o equivalente aos nosos institutos pero que só acolle estudantes que optan  á universidade ou outros estudos superiores. A escola conta coa materia de español como optativa e son estes estudantes acollen aos do Laxeiro. Esta experiencia educativa permite a inmersión na cultura e vida diaria das familias alemás pois conviven con elas e asisten ás clases cos seus anfitrións. O programa tamén contempla actividades culturais e deportivas e a visita á cidade de Hamburgo. O alumnado da Auguste Viktoria Schule (AVS) estará no IES Laxeiro do 11 ao 17 de maio.

O pasado venres 10 de maio o IES Laxeiro recibiu a visita de tres docentes e 28 estudantes de galego do IE Cañada Blanch de Londres que percorreron Galicia en viaxe de estudos. Son algo máis dun terzo dos 75 alumnos e alumnas que estudan o galego no centro educativo londiniense grazas ao convenio asinado, no ano 1991, entre a Xunta de Galicia, por medio da Consellería de Cultura e Turismo, e o Ministerio de Educación, Cultura e Deporte.
Ao igual que en anos anteriores, os alumnos e alumnas que estudan o galego no IE Cañada Blanch de Londres, da man da profesora Begoña González, chegaron á nosa comunidade para realizar a que denominan Viaxe da lingua, unha actividade que ten o obxectivo de perfeccionar o idioma propio de Galicia e a súa cultura.
Con este fin participaron nunha xornada de intercambio lingüístico e cultural co alumando das seccións bilingües de 3º de ESO do Laxeiro. O programa incluíu unha visita ao Castro Tecnolóxico e casa do concello, da man da concelleira de cultura Lara Peña, e a recepción por parte do alcalde Rafael Cuiñada vila pontevedresa; coñeceron ademais Castrodeza (Centro de interpretación da cultura castrexa), o Museo Etnográfico Casa do Patrón e participaron nun obradoiro de elaboración de pan. O día rematou nas Termas de Outariz, en Ourense.
Nesta viaxe da lingua coñeceron a praia das Catedrais, a cidade de Lugo coa súa muralla romana, a casa de Rosalía de Castro en Padrón e A Coruña, onde visitaron a Domus. O completo programa de actividades dos estudantes do centro londiniense complementouse co percorrido pola capital de Galicia onde tiveron a oportunidade de asistir a un partido do equipo de baloncesto Obradoiro e gozar da gastronomía galega.

Blog Galego en Londres
Facebook Galego en Londres

Lecturas obrigatorias e optativas propostas polo departamento de Lingua Castelán.

No documento adxunto está a relación de libros propostos por curso e por trimestre...

O LAXEIRO : PERIODISTAS E SOLDADOS.

Os alumnos de 3º y 4º PDC  e o grupo de 2º de ESO C visitaron o 14 de abril as instalacións da Voz de Galicia no polígono de Sabón. Pasearon pola redación do periódico, polos enormes almacéns de papel da empresa e contemplaron a rotativa de dúas plantas e de 24 metros de largo onde se crean cada noite os máis de 120.000 exemplares do periódico que diariamente saen desta planta coruñesa. Tamén visitamos o museo Santiago Rey Fernández La torre. Alí  os alumnos  puideron ver periódicos de todos os rincóns do  mundo  e cabeceiras de  épocas  remotas . Tamén botaron un ollo ao  periódico galego máis antigo: O Catón Compostelano de 1800, unha xoia periodística que o museo contén.

Pola tarde e tras unha breve concesión ao ocio por Marineda …ejem, ejem… aproveitamos o bo día de primavera e nos paseamos polo Paseo do Parrote e polo peirao de trasatlánticos. Ata vimos zarpar un…

Ás 4 da tarde armados cos nosos uniformes dezanos xogamos a ser soldadiños no Castelo de San Antón. O Castelo é pequeno, pero non quedou un recuncho sen visitar dende o alxibe ata o torreón.

O día deu para moito e ata fomos quen de perder unha pelota de fútbol que tivemos que deixar aboiando nas augas do porto da cidade. Os do Laxeiro somos únicos …

Para fotos do superevento, clica aquí.

A semana do 19 ao 23 de maio os alumnos de 1º ESO A viviron unha curiosa experiencia.

Tres membros do equipo directivo prestáronse moi amablemente  para ser entrevistados polos alumnos do primeiro curso da Eso. Armados os rapaces coas súas mellores armas lingüísticas  e armados os membros do equipo coa súa mellor sonrisa,  viviron  todos uns momentos distintos e  moi agradables. Un xeito diferente de ver o labor que se fai no centro dende a dirección e un modo distinto de aprender a aprender. Grazas a todos pola colaboración.

Curiosea pinchando aquí.

A última semana do curso  durante seis sesión de dúas horas, alumnos e alumnas de 3º e 4º PDC do noso instituto convertéronse en expertos monitores de consumo diante dos alumnos de 1º da ESO.

Despois de todo un curso de traballo e de asistir na Escola Galega de Consumo a unas sesión formativas sobre consumo e merchandising, na aula de 3º Diversificación montouse un improvisado supermercado ben abastecido e ben diseñado.

Neste super Superlaxeiro  grupos de 15 alumnos de 1º de Eso, baixo o maxisterio dos 19 alumnos de Diversificación, foron instruidos en etiquetado de productos  e incluso tiveron que simular unha compra muy real con diñeiro de verdade para demostrar que sabían  moverse polo difícil mundo das ofertas, promocións,etiquetase tiques. Os monitores estiveron fantásticos e os inquietos alumnos de 1ª da Eso deron un exemplo de saber estar. Felicidades a todos !!! (Galería de fotos)

A experiencia foi sen dúbida un punto de encontro diferente entre os alumnos. Unha maneira de facer consumidores responsables,  de aprender xogando e ademais, un xeito de intercambiar roles profesor-alumno que  fomenta a convivencia.

Este proxecto foi unha aprendizaxe integradora que esperamos  se repita mellorada nos seguintes anos.

Nesta ligazón podedes botar unha ollada ao noso super -> ligazón

"Ahora me doy cuenta de que no es todo oro lo que reluce y de que los caimanes tienen una sonrisa malvada", así termina o relato co que Elvira ven de acadar o premio nacional do Concurso de Jóvenes Talentos de Relato Corto organizado pola Fundación CocaCola España. Tras proclamarse como o mellor relato da nosa comunidade neste momento está entre os seis mellores relatos que van a dilucidar cal é o gañador desta edición. Noraboa a Elvira e tamén a María Viana que se proclamou sexta no sector de Santiago. Elas as duas , xunto con Clara, Lucía, Juan Manuel e Verónica representaron ao IES Laxeiro e unha vez máis o noso centro acadou un éxito rotundo. Elvira sucede así a Nerea Brey, Cristina Pichel e Antía Crespo que no seu momento levaron ao noso centro á élite nacional. Grazas a todas elas por a ledicia deses momentos que foron inolvidables.

O día 20 de xuño Londres espera coma agasallo e despois en Madrid, e na Residencia de Estudiantes, Almudena Grandes, Fernando Lalana e outros escritores de sona traballarán cos seis primeiros premios, entre os que estará Elvira, para tentar de gañar esta edición dun concurso do que entre outros partiparon e mesmo non gañaron: Antonio Muñoz Molina, Amenábar, Lucía Echevarría, Ageles Caso, Elvira Lindo, Gran Wyoming, Laura Casielles, Maite Carranza, Felipe Sahagún...

Disfrutade do relato e da galería de fotos do acto celebrado o día sete de xuño en Santiago