Presentación da novela gráfica Cinza

O pasado 16 de febreiro tivo lugar no IES de Fene a presentación da novela gráfica Cinza, do ilustrador e editor Manel Cráneo, que é unha versión de todo un clásico da literatura galega como é a obra A nosa Cinza de Xavier Alcalá. Neste acto estiveron presentes os dous autores falándonos dos lugares onde transcorre a historia, a época, anos 50 e 60, como se xestou a idea de versionar este título  para convertilo en banda deseñada, os bocetos, as personaxes e a estreita relación que se estableceu entre os autores, que permitiu crear unha obra fiel á novela orixinal. Ao final da presentación adicáronnos as obras e asinaron no libro da nosa biblioteca. Agradecemos aos dous a súa presenza no IES de Fene así como ao concello que nos propuxo a celebración deste acto.

Deixámosvos unha imaxes así como o enlace ao documento elaborado por Xoán Vázquez, profesor de Lingua e Literatura Galega e director do IES de Fene, que serviu de fío condutor e contextualizador desta presentación.

Podes ver a presentación desde este aquí

Comezo das charlas da Escola de Pais

Este próximo venres 23 de febreiro terá lugar no IES de Fene ás 16:30 a primeira das sesións da Escola de Pais. Nela tratarase o tema do acompañamento dos adolescentes durante o estudo.

Agardámolos!!

"Teño cancro, pode ser hereditario?", título do relatorio desta semana no ciclo de relatorios ContandoCiencia

Será a cargo de Begoña Graña Suárez, licenciada en Medicina e doutora cum laude pola UDC. Especialista en Oncoloxía Médica do Servicio Galego de Saúde (SERGAS), as súas áreas de subespecialización son cancro hereditario e cancro gastrointestinal, patoloxías nas que ten traballado en diversos centros tanto en Galicia, como Cataluña e Estados Unidos. Apaixoada da ciencia e da literatura, no ano 2020 gaña o  XVII Premio de Literatura Infantil e Xuvenil “Pura e Dora Vázquez” e recentemente a mención de honor da XXVIII Edición del Certame Manuel Oreste Rodríguez López pola súa colección de poemas "Lethoeus".

A cita será este xoves 22 de febreiro ás 19:30 horas no salón de actos da Casa da Cultura de Fene.

 

Escola de familias

Durante os meses de febreiro, marzo e abril estará en funcionamento no IES de Fene unha escola de familias. Celebraranse varias charlas nas que se tratarán diversos temas que poden consultar no cartel adxunto, así como as datas e horarios das sesións.

Convocatoria AXUDASLE 2024

Destinadas ao alumnado quye cursa 1º e 2º de Bacharelato no curso 2023-24.

Prazo de solicitudes do 13 de febreiro ata o 12 de marzo.

Toda a información na seguinte ligazón:

http://www.edu.xunta.gal/axudasle

 

Día Internacional da Paz

O pasado 30 de xaneiro o alumnado de Música de 1º de bacharelato, dirixidos pola súa profesora, Bárbara, ofrecéronnos un pequeno concerto para conmemorar o Día Internacional para a Paz e a Non Violencia, onde o tema estrela foi Imagine. Entre as intérpretes tamén estiveron alumnas de 4º ESO e a nosa compañeira de Filosofía, Navia.

 

 

Actividades do mes de xaneiro

Durante o mes de xaneiro no IES de Fene desenvolvéronse diversas actividades tanto de orientación académica como sobre a utilización das novas tecnoloxías.

  • O día 10 estivo con nós Francisco Deive, subdirector da Escola de Recursos Enerxéticos e Mineiros da Universidade de Vigo. Francisco charlou co alumnado de 1º e 2º de bacharelato da modalidade de Ciencias e Tecnoloxía sobre o abano de empregabilidade das enxeñarías e en concreto da enxeñaría de minas e enerxía e animou sobre todo ás rapazas a cursar estudos STEM xa que as mulleres teñen moito que aportar neste tipo de graos e aínda son minoría.
  • O día 16 todo o alumnado da ESO participou nos obradoiros dirixidos por especialistas da asociación ALAR Galicia, sobre o novo espazo dixital, as novas tecnoloxías e os seus riscos.
  • Por último o 18 foi o alumnado de 1º de FP básica xunto a 4º ESO os que participaron nunha formación sobre a violencia machista dentro do novo entorno dixital. Este obradoiro correu a cargo de persoal de Pantallas Amigas e nel colaborou o concello de Fene. Deixamos o enlace á páxina web de Pantallas Amigas onde podedes atopar moitos recursos para traballar sobre todo o relacionado co entorno dixital.

Enlace á web de Pantallas Amigas

   
 Charla de Francisco Deive  Charla de ALAR Galicia sobre o novo entorno dixital Charla de pantallas Amigas

Xornada de portas abertas

Mañá xoves 1 de febreiro celebrarase no IES de Fene unha xornada de portas abertas dixirida ao alumnado que actualmente está en 4º da ESO e que no vindeiro curso vaia a comezar 1º de Bacharelato.

Estará aberta a todo o quen queira participar, a partir das 18:00 horas.

Relatorio de Erika Diz na Casa da Cultura

Baixo o título de “Todas as matemáticas á vez, en todas partes” e no marco do programa de relatorios Contando Ciencia, Erika Diz desenvolverá este relatorio o vindeiro xoves 18 de xaneiro ás 19:30 horas na Casa da Cultura de Fene.

Natural de Fene, Erika Diz Pita estudou Grao en Matemáticas e o Máster Universitario en Matemáticas na Universidade de Santiago de Compostela (USC) entre 2013 y 2018. Acadou premios Extraordinarios Fin de Grao e Fin de Máster na universidade, así como o Premio Fin de Carreira da Comunidade Autónoma de Galicia. Doutora en 2022 obtendo a cualificación de sobresaínte cum laude e a mención internacional. Entre agosto de 2022 e xaneiro de 2023 traballou como Profesora Titular na Universidade Intercontinental da Empresa, e desde xaneiro deste 2023 traballa como como Profesora Axudante Doutora no Departamento de Estatística, Análise Matemática e Optimización da USC. O seus traballos de investigación céntranse no estudio cualitativo de sistemas dinámicos e ecuacións diferenciais. Dende o ano 2019 ten impartido numerosas charlas divulgativas en Institutos de Educación Secundaria de Galicia.

 

Bo Nadal

O alumnado de Francés deséxavos BO NADAL e PRÓSPERO ANINOVO

 

Apertura do centro durante o Nadal

Durante o período de Nadal a oficina do centro permanecerá aberta  os días 2, 3 e 4 de xaneiro de 9:00 a 13:30.

Bo Nadal e feliz ano.

Segunda charla do ciclo ContandoCiencia

O vindeiro xoves 14 de decembro, ás 19:30 no salón de actos da Casa da Cultura de Fene contaremos coa presenza de Inés Sánchez Sellero, doutora en Medicina e Cirurxía, que tratará o tema "Sumisión química: máis aló dos titulares de prensa".

Inés Sánchez Sellero é profesora titular da área de Toxicoloxía da Universidade de Santiago de Compostela desde 1999. e investigadora do Instituto de Ciencias Forenses da USC.

Este ciclo de charlas está organizado pola biblioteca O Segrel do Penedo do IES de Fene e conta coa colaboración do concello.

Acto en contra da violencia cara ás mulleres

O pasado venres 24 de novembro conmemoramos o Día para a Eliminación da Violencia contra as Mulleres no IES de Fene. Alumnado e profesorado reunímonos nas pistas para decir NON a calquera tipo de violencia machista. Soou música, léronse poemas e portáronse pancartas en prol da eliminación da violencia contra a muller. Ademais uns días antes o alumnado da ESO aproveitou para facer bolboretas e confeccionar un mural espectacular no hall de saída ás pistas.

   
         
   

Teatro na Casa da Cultura

O pasado 13 de novembro o alumnado de 1º e 2º da ESO acudiu á casa da Cultura de Fene para presenciar a representación "Mozas nas redes" protagonizada pola actriz Estívaliz Veiga. A obra con formato de monólogo xira en torno aos perígos que presentan as redes sociais para os mozos e mozas. Abríanse así as actividades do 25N, data na que se conmemora a eliminación da violencia contra as mulleres, organizada pola concellería de Igualdade e Servizos Sociais do concello á que agradecemos o convite.

 
   
 

Apertura do ciclo contandoCiencia

Este próximo xoves 16 de novembro dará comezo a 3ª edición do ciclo contandoCiencia. A charla inaugural, que leva por título "Do corazón da materia ao interior das estrelas", terá lugar ás 19:30 no salón de actos da casa da cultura de Fene e correrá a cargo do doutor en Física pola USC Héctor Álvarez Pol.

A carreira científica de Álvarez Pol ten relación coa análise de detectores de partículas e reaccións nucleares así como as súas dinámicas e o desenvolvemento de estruturas computacionais para a simulación e análise dos resultados destes experimentos.

Pódese consultar máis información nos seguintes enderezos.

ContandoCiencia

Fenecidadán

Distribuir contido