Erasmus+ en DiverLanhoso

Enviado por iesproval o Ven, 2020-11-06 20:06

A nosa alumna Rosa Iglesias, do ciclo medio de Xestión administrativa en oferta modular, está realizando o módulo de FCT cunha bolsa de mobilidade Erasmus+ en DiverLanhoso, un parque de aventuras (senderismo, escalada, tirolina, rafting, paintball...), preto do Parque Nacional Peneda Gerês. Aprendizaxe e diversión inesquecible alén Miño!

( categories: )

Concurso "Contos do Samaín"

Enviado por iesproval o Sáb, 2020-10-31 17:39

Animádevos a participar no “Concurso de contos do Samaín” organizado polo Equipo de Dinamización da lingua galega do Proval. Podedes escribir un relato de medo, gravar un vídeo ou un audio e enviárnolo ao enderezo “equipoedlproval@gmail.com”. Hai tres categorias: a) 1-2 ESO; b) 3-4 ESO e FPB; c) bacharelato, ciclos e ESA. Valorarse a creativadade, orixinalidade e calidade das creacións. Lembrade que tedes de prazo até o 9 de novembro. Sorte!  

 

Día non lectivo: 2 de novembro

Enviado por iesproval o Sáb, 2020-10-31 11:13

Informamos á comunidade educativa de que o próximo luns o centro estará pechado e non haberá clases.

Convocatoria de bolsas Erasmus+ para Ciclos Medios e Superiores de FP (outubro, 2020)

Enviado por iesproval o Lun, 2020-10-26 01:51

Convocadas as bolsas para mobilidades Erasmus + de alumnado de ciclos medios e superiores de FP. Prazo de solicitude ata o 16 de novembro.

Consulta toda a información neste enlace.

Inicio curso ciclos formativos

Enviado por iesproval o Mér, 2020-09-23 11:26


Para consultares o calendario de presentación e inicio de curso de todos os ciclos formativos de Administrativo e Electrónica preme no enlace.

 

 

 

 

 

 

 

Para visualizar os horarios dos respectivos ciclos de Xestión administrativa e Instalacións de telecomunicacións preme nos enlaces da táboa:

BLOQUES HORARIOS

OFERTA MODULAR PRESENCIAL 

ADULTOS (NOCTURNO)

   Xestión administrativa

 

   Instalacións de telecomunicacións  

 

( categories: )

Plan de acollida 2020-21

Enviado por iesproval o Mar, 2020-09-22 20:01

Para consultar o Plan de acollida do IES Escolas Proval para este próximo curso 2020-21, premede no enlace.

( categories: )

Aprazamento presentación ciclos

Enviado por iesproval o Mar, 2020-09-22 14:45

A presentación de ciclos medios e superiores de Administración e Electrónica, tanto de diúrno como nocturno, adíase para o próximo luns día 28 de setembro. 

( categories: )

Inicio de curso 2020-21

Enviado por iesproval o Ven, 2020-09-18 22:58

Desde o IES Escolas Proval informámolos de que por fin comezamos o novo curso escolar 2020-2021 mantendo a presencialidade en todos os niveis. Como saben, o inicio das clases realizarase de forma escalonada os días 23, 24 e 25 de setembro e no horario lectivo habitual (8:45-14:30 horas).

Este ano comezamos con moitas ganas e algunha incertidume, pero asegurámoslles que levamos moitas semanas traballando para garantir un regreso seguro ás aulas e poder mantermos un ensino de calidade. Habilitamos todos os espazos do centro, tanto interiores como exteriores, conforme ao protocolo COVID, asegurando a máxima protección do noso alumnado e de toda a comunidade educativa. 

Con todo, precisamos da súa colaboración para reforzar as normas de seguridade desde o ámbito familiar. Ademais, é imprescidible que entreguen na conserxería do centro, debidamente asinada e antes do día 23 (en horario de 9:00-14:00 e de 16:00-20:00), a Declaración responsable pola que se comprometen a realizar a diario a Enquisa de Autoavaliación clínica da COVID e a NON enviar ao centro o seu fillo ou filla se presenta síntomas compatibles coa COVID-19.

Estes dous documentos poden descargalos nos enlaces anteriores ou pedilos no centro; tamén se lles entregará a todas as familias que acudan á reunión do próximo luns 21 de setembro. Así mesmo, achegamos outros dous documentos relacionados co protocolo Covid: "Guía-resumo das instrucións para a adaptación dos centros educativos" e "Guía de volta segura as aulas".

Grazas de antemán pola súa comprensión, e desexámoslle moito ánimo e saúde!

 
( categories: )

Reunión familias ESO e FPBásica

Enviado por iesproval o Ven, 2020-09-18 19:06

Desde a dirección do Proval convocamos as familias do noso alumnado de ESO e FPBásica a unha reunión informativa de inicio de curso para o próximo luns 21 de setembro no claustro do edifício antigo: 1º e 2º ESO ás 16:30; 3º e 4º ESO ás 17:30 e FPBásica I e II ás 18:30 horas. Por motivos de aforo, recomendamos que só acuda un membro de cada familia. Agradecemos a súa comprensión e asistencia!

Fondo libros 2020-21

Enviado por iesproval o Mér, 2020-09-16 12:15

Publicada a listaxe de beneficiari@s do fondo de libros e vales para material escolar que pode consultarse na Secretaría do centro ou na sede electrónica da Xunta. Os vales teñen que recollerse na Secretaría a partir de hoxe en horario de 9:00 a 14:00 horas.

 

 

Distribuir contido