Proceso de admisión 2021-22

Enviado por iesproval o Xov, 2021-01-07 13:03

O próximo luns dará comezo o procedemento de admisión do alumnado que cambia de etapa. Así que, o alumnado deste instituto e dos nosos centros adscritos terá que solicitar a súa reserva de praza entre o 11 de xaneiro e o 8 de febreiro do 2021, ambos incluídos.

A consulta das listaxes de alumnado admitido, que se publicarán antes do día 28 de febreiro, debe realizarse no centro no que está matriculado no presente curso ou na aplicación admisionalumnado. Poden descargar os impresos de solicitude premendo nos enlaces: Anexo1 e Anexo1bis

Prazos:

  • Reseva de praza (ED550A) no centro de orixe: Presentación de solicitudes do 11 de xaneiro ao 8 de febreiro.
  • Solicitude de admisión (ED550B): Presentación de solicitudes do 1 ao 22 de marzo
  • Lista provisional de admitidos e non admitidos: antes do 25 de abril.
  • Lista defintiva de admitidos e non admitidos: antes do 15 de maio.
  • Formalización da matrícula (ESO e bacharelato): do 25 de xuño ao 10 de xullo.

Máis información: Consellería de Educación e Orde do 18 de decembro de 2020.

 

Comezo das clases

Enviado por iesproval o Xov, 2021-01-07 12:42

 

 

Lembrámosvos que as clases retomaranse o próximo luns 11 de xaneiro xa que o venres 8 foi o día escollido polo centro como non lectivo.

CONCURSO DE DEBUXO "CASTELAO"

Enviado por iesproval o Mér, 2020-12-23 01:00

O 30 de xaneiro é o Día de Castelao, o Día da Ilustración e o Día da Paz, e para celebralo organizamos un concurso de debuxo inspirándonos na figura do escritor rianxeiro. Animádevos a participar porque haberá fabulosos premios: colección de libros de banda deseñada e pezas de artesanía galega!

 

CATEGORÍAS: 

  •   A) 1º/2º/3º ESO-FPBI 
  •   b) 4º ESO-FPBII-BAC-CICLOS e ESA

 

 

MODALIDADES:

  •  Banda Deseñada. Elaboración dun cómic de 8 viñetas inspirada nos Retrincos de Castelao: "Peito de Lobo" e "O retrato".
  •  Ilustración. Debuxo de medio folio para ilustrar as Cousas de Castelao: "Ramón Carballo", "Como Bieito quedou orfo", "O bruxo da     montaña", "Unha rúa dun porto lonxano" e "O pai de Migueliño".
  •  Viñeta. Debuxo acompañado dun lema dunhas 8 palabras que reflicta algún aspecto relacionado cos conflitos mundiais co gallo do Día da Paz.


Bo Nadal!

Enviado por iesproval o Mar, 2020-12-22 23:19

Felices festas a toda a comunidade educativa do Proval, e en especial ao noso alumnado que, co seu esforzo diario, nos axudou a superar este difícil comezo de curso. Moitas grazas e bo Nadal!

 

 



 

"Doulle voz ás silenciadas"

Enviado por iesproval o Dom, 2020-12-13 15:29

Como cada 25 de novembro, polo Día contra a violencia de xénero, desde o Equipo de Igualdade do Proval realizamos diversas actividades de concienciación encamiñadas a lembrar a figura de tantas mulleres vítimas de violencia machista. Este ano decidimos "darlle voz ás silenciadas" recreando as súas biografías en forma de relatos, tanto escritos como gravados.

Agradecemos enormemente a alta participación do nso alumando en todas as modalidades, e animámosvos a ler os relatos gañadores premendo no enlace.

Alumnado de ciclos FP admitido na Convocatoria Erasmus+

Enviado por iesproval o Mar, 2020-12-01 20:49

Publicadas as listas de alumnado de ciclos medios e de ciclos superiores admitidos na Convocatoria Erasmus+ para a realización de prácticas en empresas europeas.

25 DE NOVEMBRO

Enviado por iesproval o Lun, 2020-11-23 17:52

Como cada 25 de novembro, polo "Día contra a violencia de xénero", desde o Equipo de Igualdade do Proval promovemos diversas actividades co fin de concienciar a comunidade educativa e, asemade, visibilizar a realidade de moitas mulleres que o machismo deu en silenciar. É, por iso, que a nosa proposta deste ano leva por título "Doulle voz ás silenciadas" e consiste na elaboración dun relato escrito (200-250 palabras) -ou en formato de audio ou vídeo (cunha duración máxima de 3 minutos)- que complete a historia vital dalgunha das vítimas da violencia de xénero que podedes consultar no enlace.

Nesta actividade pode participar todo o alumnado do centro en tres categorías diferentes: a) 1º/2º ESO; b) 3º/4º ESO/FPB; c) Bacharelato, ciclos e ESA.  Enviade as vosas creacións ao correo igualdadeproval@gmail.com antes do 30 de novembro e dádelle voz ás silenciadas!

 

 

Protocolos de actuación despois de realizar o test Covid

Enviado por iesproval o Lun, 2020-11-23 01:41

Protocolo dispoñible neste enlace

( categories: )

Distribución de máscaras entre o alumnado

Enviado por iesproval o Mar, 2020-11-17 13:13

A Consellería de Cultura, Educación e Universidade vén de publicar a Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado   nos niveis de ensino obrigatorio e educación especial.

Beneficiarios

1. O alumnado ao que se lle condeceu a axuda para adquirir material escolar no curso 20/21 (non necesita facer solicitude, pois o centro xa lle asigna as máscaras directamente no prazo establecido). 
2. O alumnado que non foi beneficiario da axuda para material escolar, conforme aos criterios
    a) Pertencente a familias cunha renda per cápita igual ou inferior a 6.000 €.
    b) Estar matriculado en educación especial, estar suxeito á tutela da Xunta de Galicia ou ter unha 
        discapacidade igual ou superior ao 65%.

Prazo para de solicitude: Do 16 ao 27 de novembro (Secretaría do centro 9:00-14:00 h.)

Procedemento:

1. Descargar e cubrir o impreso de solicitude (Anexo I) e entregalo no centro (tamén poden recollelo en papel no centro).
2. Entregar documentación complementaria (sempre e cando non fora xa entregada xunto á solicitude de material escolar do curso 2020/21): 
a) Impreso cos datos dos membros computables da unidade familiar (Anexo II)
b) Copia do libro de familia ou equivalente (todos os membros da unidade familiar)
c) Certificado do grao de discapacidade
d) Documentación xustificativa da situación de violencia de xénero no ámbito familiar
e) Resolución xudicial de incapacitación con patria potestade prorrogada ou rehabilitada 
f) Resolución administrativa ou xudicial acreditativa da situación de acollemento 
g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor ou titores carezan de DNI e NIE. 

IMPORTANTE: O centro comezará coa repartición de máscaras a partir do día 27 de novembro directamente entre os beneficiarios da axuda de material escolar; o restante alumnado solicitante terá que agardar á resolución da Xunta.

( categories: )

Concurso "Contos do Samaín"

Enviado por iesproval o Ven, 2020-11-13 23:36
Este venres 13 entregamos os premios do concurso “Contos do medo: Do Samaín ao San Martiño andan as ánimas polo camiño”, organizado polo noso Equipo de Dinaminación Lingüística. Valaquí os gañadores/as:
Primeira categoría (1-2 ESO): na modalidade de relatos, Marco Casas con “O libro encantado”, Hernán Bruno con “A casa embruxada” e Noelia Carro con “A matanza”; e nas modalidades de audio e vídeo, Jorge Conde con “Para morrer” e Isis Acea con “Unha aparición da Santa Compaña”.
Segunda categoría (3-4 ESO e FPB): Noa Pazos con “Campamento terrorífico”,
Terceira categoría (bacharelato, ciclos e ESA): Diego Rodríguez con “Presaxio da desgraza” e Sergio Gil con “A revelación”.
Parabéns aos premiados/as e moitas grazas a todos os participantes por irdes sementado o medo… con tanta creatividade!

 

Distribuir contido