O Equipo de Dinamización da Lingua Galega e os departamentos da área de Ciencias (Física e Química, Matemáticas, Tecnoloxía, Bioloxía e Xeoloxía, e Sanitaria) do IES de Chapela propoñen unha semana chea de actividades para mostrarlle á nosa comunidade educativa diversas investigacións e resultados científicos que deixarán claro o papel da Ciencia como motor de avance da nosa sociedade. Ciencia feita e explicada na nosa lingua, que é válida como calquera outra para o traballo científico.