IES Castelao

     Aquí podes ver algunhas fotos das Lecturas que desenvolveron o luns 23 de Abril, Día do Libro, os alumnos de 1º ESO A e C:

Álbum: Curso 2017/2018 -> Lecturas do Día do Libro (luns)

O pasado 24 de abril visitou o noso centro don Xesús Alonso Montero para dar unha charla ao alumnado de 1º de bacharelato sobre Mª Victoria Moreno, autora á que se lle adica este ano o Día das Letras Galegas. O alumnado, que este trimestre leu Anagnórise, unha das súas obras máis representativas, seguiu con atención e interese a disertación do que foi presidente da RAG ata o 2017 sobre a vida e obra desta autora estremeña de nacemento  mais galega de corazón e lingua.

Pica na imaxe para ver  fotos do acto

Álbum: Curso 2017/2018 -> Alonso Montero e María Victoria Moreno

    Como cada ano desde 1930, celebramos en España esta festa para homenaxear a ese gran compañeiro que pode ser en tantas e tan diversas circunstancias un LIBRO. Posteriormente incorporouse tamén a defensa dos dereitos de autor, ignorados en tantas ocasións.
    Igual que outros anos desde hai xa algúns, no instituto celebramos esta festa do libro e a lectura realizando unha serie de actividades para animar e incentivar ao alumnado ao coñecemento de autores clásicos e á lectura en xeral.
    Este é o programa de actividades que desenvolve o Departamento de Lingua e Literatura Castelá:

A lura xigante
(20 de abril de 1868)
[Jules VERNE, Vinte mil leguas baixo dos mares, XV-XVIII, 2ª parte]

     O 22 de marzo comezaron os preparativos da partida do Polo Sur. Tivemos que sortear grandes dificultades pois o Nautilus encallou de novo. Desta vez non foi un incidente como no Estreito de Torres, senón un auténtico accidente xa que un enorme iceberg virou sobre si mesmo e nos pechou toda saída.
    Bloqueados deste xeito, houbemos quedar sen aire. Pero por fin puidemos emerxer e encher de aire puro o Nautilus. Debía ser 28 de marzo.
     O Nautilus navegaba a vertixinosa velocidade.
     - Por certo –dixo Conseil-, imos en boa dirección?
     - Imos –respondín-, porque imos cara ao sol, e aquí o sol é o norte.
    - Sen dúbida –seguiu Ned Land-. Mais falta saber se imos para o Pacífico ou para o Atlántico, é dicir, a mares frecuentados ou desertos.

Hora zulú  Santiago Lopo

 Neste mes de abril comentamos en varios recreos a novela de Santiago Lopo  Hora zulú, Premio García Barros 2012.

Un home –o Profesor- aparece ferido e nu ao pé dun acantilado en Galicia. Ninguén, nin el mesmo, sabe quen é. Ao longo da novela iranse dando pistas para coñecermos o que lle sucede ao protagonista e como é que aparece nas nosas costas. En Hora zulú combínanse textos de orixe e tipo diversos a través dos cales iniciamos unha busca, coma se se tratase dun xogo que o autor nos  propón. Mediante esa orixinal estrutura, Santiago Lopo mantennos intrigados e en tensión narrativa de principio a fin.

Nesta novela Lopo móstranos as súas inquietudes sobre o tempo e a escravitude á que nos condena.  Tamén vemos o seu amor pola terra, a sensibilidade con ela, o ecoloxismo e  o diferente activismo dos personaxes na súa defensa.

     O Ies Castelao estivo representado o pasado venres nos Encontros do Plan de Mellora de Bibliotecas Escolares 2017/2018 celebrados no Palacio de Congresos de Santiago de Compostela entre as 10 da mañá e as 8 (máis ben 8:30 da tarde).

     Os días 20, 22 e 23 de marzo o alumnado de 1ºESO realizou unha interesante actividade sobre almorzos saudables e saúde bucodental. Agradecemos a colaboración da ANPA e do Supermercado Froiz da peatonal, que nos proporcionou sen custe os produtos empregados.

     O pasado 21 de marzo alumnos do noso centro visitaron Tui, coñeceron o arquivo diocesano e realizaron unha visita guiada por esta fermosa vila. Aquí vos deixamos algunhas fotos desta actividade:

Álbum: Curso 2017/2018 -> Visita a Tui