O alumnado de 3º ESO que participa no intercambio co Gymnasium Agustinianum de Greven, atópase dende o pasado mércores 17 de marzo en Alemaña, acompañado polas profesoras Carmen García (coordinadora do programa) e Leticia Caamaño, onde estará ata o vindeiro xoves 25 de marzo.

O alumnado de Greven que participa no intercambio visitará Brión a comezos do vindeiro curso escolar 2010-2011.

Programa que desenvolve a USC para dar a coñecer a universidade ao alumnado de 2º de Bacharelato

O departamento de Bioloxía e Xeoloxía organiza un itinerario xeolóxico-ambiental para o alumnado de Ciencias da Terra e ambientais de 2º de Bacharelato durante os días 25, 26 e 27 de Marzo.

No itinerario realizaranse diversas actividades de Xeoloxía e Medio Natural nos seguintes lugares:

- na estación Hidrobiolóxica: Encoro do Con en Vilagarcia

- nas Illas Ons

- na península do Morrazo

- na enseada do Umia-O Grove

Baixo o título "Rosalía de Castro: poeta da liberdade e da independencia", a profesora e poeta Carmen Blanco fará unha lectura comentada  de poemas de Rosalía de Castro sobre o tema da liberdade de Galicia e das mulleres no contexto da liberdade humana en xeral. Mostra da Rosalía poeta viva para a loita pola liberdade no noso tempo.

Asistirá a esta lectura o alumnado de 1º Bacharelato o vindeiro luns 22 de marzo na 5ª sesión de clase.

O departamento de Bioloxía e Xeoloxía organiza unha charla do profesor e divulgador científico Daniel Soutullo. Terá lugar  na aula de usos múltiples para o alumnado de 1º de Bacharelato, dentro da materia de Ciencias para o mundo Contemporáneo, e o de 2º de Bacharelato de Bioloxía.

O departamento de Lingua Castelá organiza unha saída á representación da obra para 3º de ESO e 1º de PDC. Os actores manteran despois da representación un coloquio co público.

O departamento de Lingua Galega organiza un recital poético de Carlos Negro na aula de usos múltiples para o alumnado de 3º de ESO.

O poeta recitará versos do libro MAKINARIA e fará un coloquio co alumnado.

O departamento de Lingua Castelá organiza a asistencia á representación teatral dunha adaptación da obra de Dumas para o alumnado de 1º e 2º da ESO. A obra terá lugar no Teatro Principal de Santiago de Compostela