Logo CPI

Gratuidade libros de texto

FONDO SOLIDARIO DE LIBROS DE TEXTO

Xov, 19/05/2022 - 11:58 — bavives

Desde hoxe está aberto o prazo para participar no fondo solidario de libros de texto e axudas de material escolar para o curso 2022/23.

O modelo impreso da solicitude está a disposición na secretaría. Asemade, premendo no seguinte enlace https://www.edu.xunta.gal/fondolibros/ poden facer a solicitude electrónica ou descargar o modelo para presentar no centro.

A documentación que acompañará á solicitude é:

Copia do libro de familia ou documento equivalente, onde figure o alumno/a e os demais membros da unidade familiar. En caso de separación ou divorcio, ademais, deberán achegar a sentenza xudicial e/ou convenio regulador onde conste a atribución da custodia do/a menor.

Outra documentación que dependerá das particularidades de cada familia que se recolle no Anexo I no apartado DOCUMENTACIÓN QUE SE PRESENTA.

O prazo remata o 22 de xuño.

AXUDAS PARA ADQUIRIR LIBROS DE TEXTO E MATERIAL ESCOLAR CURSO 2021/22

Ven, 21/05/2021 - 12:10 — bavives

O prazo para participar no fondo solidario de libros de texto e as axudas para adquirir libros de texto e material escolar para o alumnado de EP e ESO é desde o día 21 de maio ata o 22 xuño.

Ademais da presentación presencial no centro, igual que no curso anterior, os cidadáns poderán realizar a solicitude accedendo á aplicación Fondolibros, e unha vez que teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:

• Presentación no centro: Neste caso imprimirán a solicitude e o anexo II e presentaranos no centro (debidamente asinados), xunto coa documentación (A solicitude xa terá asignado un número pola aplicación).

• Presentación na Sede Electrónica da Xunta de Galicia. Neste suposto o centro recibirá un aviso no seu correo electrónico que lle informará de que ten solicitudes presentadas por esta vía.

Premendo no seguinte enlace https://www.edu.xunta.gal/portal/node/34002 accederase a toda a información.

Horario de atención ao público na Secretaría: 9:45 a 11:15 e de 12:10 a 14:00.

AXUDAS PARA ADQUISICIÓN LIBROS DE TEXTO

Ven, 17/07/2020 - 13:47 — bavives

Lembramos que xa están dispoñibles no centro os vales de libros (1º EP e 2º EP) e vales de material para o alumnado (EP e ESO). Poden recollelos na secretaría do Centro en horario de 10:00 a 13:00 horas.

LISTAXES PROVISIONAIS FONDO SOLIDARIO LIBROS DE TEXTO E MATERIAL 2020-2021

Xov, 09/07/2020 - 14:02 — bavives

Informamos que mañá será publicada a listaxe provisional do fondo solidario de libros de texto e material escolar. As familias que teñan a chave 365 ou certificado dixital, poderán facer a consulta a través da aplicación fondo libros. As familias que non dispoñan destes medios terán que facer a consulta no Centro, en horario de 10:00 a 13:00 horas. O prazo de reclamacións son os días 13 e 14 de xullo.

CONVOCATORIA FONDO SOLIDARIO LIBROS TEXTO E AXUDAS LIBROS DE TEXTO E MATERIAL ESCOLAR

Mar, 19/05/2020 - 13:09 — bavives

MOI IMPORTANTE

Convocatoria do fondo solidario de libros de texto e axudas para libros de texto e material escolar para o alumnado de primaria, ESO e educación especial para o curso escolar 2020/2021.

Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21 (código de procedemento ED330B).

PRAZO PRESENTACIÓN SOLICITUDE: Do 20 de maio ao 19 de xuño.

En documentos adxuntos poden ver a Orde do 12 de maio de 2020, resumo das Instrucións e ANEXO I e II.

Horario de atención ao público de 10:00 a 14:00 horas.

As familias que se acheguen ao centro para a presentación de documentación, deberán cumprir coas medidas de seguridade e protección establecidas pola Consellería de Sanidade contra o Covid 19 ( protocolos de distancia e protección persoal).

3 adxuntos

AXUDAS PARA ADQUISICIÓN LIBROS DE TEXTO 1º E 2º EP E MATERIAL ESCOLAR

Xov, 11/07/2019 - 13:00 — bavives

Están dispoñibles os vales para a adquisición de libros de texto de 1º-2º EP e de material escolar EP e ESO, para aqueles/as que lles corresponda por renda.

O alumnado da ESO con materias pendentes deberán recollelos no mes de setembro, ao inicio de curso.

Lembramos que os vales deberán ser recollidos polos/as solicitantes, ou traer autorización de recollida.

FONDO SOLIDARIO LIBROS DE TEXTO E AXUDAS MATERIAL 2019- 2020

Mar, 21/05/2019 - 11:18 — bavives

Premendo no seguinte enlace poderán acceder a orde do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2019/20 (código de procedemento ED330B).

Premendo pódese descargar a solicitude ( anexo I e anexo II).

O prazo para presentar as solicitudes remata o 21 de xuño.