Novas e avisos

Estimadas familias,

Informámosvos de que a recollida e entrega do material escolar queda distribuída da seguinte maneira:

Luns 22 de xuño 3º EP

Xoves 25 de xuño 4º EP

Venres 26 de xuño 1º, 2º, 5º e 6º EP

O horario será de 10h a 13h para todos os grupos. Farase a xestión nos porches da entrada do centro.

O alumnado de 3º e 4ºEP entregará os libros de préstamo de Fondolibros do centro, quitándolles previamente o forro e nunha bolsa de plástico.

O alumnado de 5ºEP poderá quedar cos ordenadores no verán (ou deixalos no centro). Non así o alumnado de 6ºEP que terá que entregalos o venres 26. O material completo é ordenador, maletín, correa e cargador.

Todo o alumnado debe comprobar se ten algún libro de préstamo da biblioteca, ou calquera outro material do centro, que deberá entregar o día correspondente co resto de material.

Para garantir as medidas de seguridade, acudirá ó centro un único membro da familia (agás excepcións que chamarán ó centro para confirmar). Será obrigatorio o uso de mascarilla.

Un saúdo,

Equipo directivo

Estimadas familias,

A Consellería publicou hoxe as seguintes instrucións en canto a prazos administrativos:

● Prazo de presentación de solicitudes de admisión: iniciarase o día 11 de maio de 2020 e rematará o día 18 do mesmo mes. No noso caso o 18 de maio é día non lectivo, polo que o prazo de admisión rematará o 19 de maio.

● Presentación da documentación acreditativa dos criterios de baremo: ata o día 26 de maio de 2020.

● Publicación das listaxes provisionais do alumnado admitido e non admitido: antes do 9 de xuño de 2020.

● Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.

● Publicación das listaxes definitivas do alumnado admitido e non admitido: ata o 26 de xuño de 2020.

● Formalización da matrícula en educación infantil e primaria: do 1 ao 10 xullo de 2020

As familias que xa están matriculadas no centro non teñen que facer ningún trámite, é un proceso automático. Para actualizar ou modificar algún dato, podedes descargar este arquivo "Actualización de datos", que estará dispoñible tamén no apartado web de Secretaría, en Informes.

Ficha de permanencia "Actualización de datos"

Para as novas familias, deben facer o proceso de admisión soamente aquelas que non o fixeron antes do 16 de marzo. Tedes os Anexos tamén no apartado de Secretaría, Impresos "Anexo II. Admisión matrícula". Ademais, recordade incluír unha fotocopia do DNI do/a alumno/a ou libro de familia, un certificado de matrícula do colexio anterior, e fotocopia da Resolución xudicial ou convenio, se fose o caso. Podedes presentar esta documentación no centro a partir do luns 11 de maio ata o 18 de maio, en horario de mañá.

"Anexo II. Admisión matrícula"

Aquelas novas familias que xa fixeran o proceso de admisión soamente lles quedaría formalizar a matrícula en xullo.

Para poder acceder ó documento completo: 

https://www.xunta.gal/dog/Publicados/2020/20200506/AnuncioG0244-050520-1_gl.pdf

Fai clic na imaxe para acceder ao díptico