blog BiblioAnisiaMiranda
PDI 2021-2022 ARTE
PeitiMuseo d`ARTE
Un proxecto que pretende tender pontes entre aulas burbulla co fío conductor da Arte traballada dende distintos enfoques: figuras galegas e internacionais relevantes, estilos e correntes, disciplinas artísticas, creacións artísticas recoñecidas, técnicas e ferramentas,…
Todas estas creacións de arte quedaron recollidas na revista "Arco da Vella" e neste vídeo:
Investigamos os autores e autoras que dan nome a cada aula do Centro. Cada titoría investigou o seu persoeiro e creou un “lapbook” para presentar a información que se compartíu na semana das Letras Galegas.
Elaboración de obras representativas de cada etapa da Historia combinando materiais e técnicas. Despois de investigar cada unha das etapas e pescudar información da arte dos nosos antepasados comezamos a facer as nosas.
Presentamos este concurso con 6 convocatorias ao longo do curso. Retos para atopar libros, revistas e outros fondos. O alumnado debe contestar ás preguntas sobre o libro (na caixa do correo á porta da biblio ou no blog).Se as respostas son correctas gañan un selo para o seu “pasaporte artístico”.Cada tres selos teñen premio!
O proxecto de ARTE deste curso impregnou ás conmemoracións e actividades complementarias. Comezou o Meco a dar ordes e o alumnado estivo atento a vir como mandaba!!!
Descubrimos a música que hai nos versos de Rosalía de
Castro, estudando como os mesmos poemas e textos poden ser musicados en distinto estilos musicais.
Construímos un maio e compuxemos rimas en tono de broma ou chiste, para falar das cousas que pasaron durante o ano.
Para conmemorar o 5 de xuño, todo o alumnado fixo distintas
pezas escultóricas e pinturas; tanto individuais como en
pequenos grupos; con moi variados elementos e materiais recuperados.
CONTO ILUSTRADO POLO ALUMNADO DE 3º
Aqui temos este precioso conto escrito polo mestre Rober e ilustrado polo alumnado de 3º.
Moitas grazas por enriquecer a nosa biblioteca con esta marabillosa historia e estes fermosos debuxos.
Enquisa sobre a biblioteca
Bos días,
Peiti e Eiros queren saber a vosa opinión sobre a biblioteca do colexio, para iso só tendes que responder a algunhas preguntas.
Grazas pola vosa colaboración!
LETRAS GALEGAS 2022
O 13 de maio de 2022 celebramos unha gran festa de cultura, folclore e literatura galega. Literatura galega coa exposición ao autor Florencio Delgado Gurriarán ao que se lle adicou as Letras Galegas 2022, grazas a esta exposición e ao traballo de clases coñecimos a súa biografía e obras.
Exposición de lapbooks, libros cheos de información de cada autor e autora que levan o nome de cada clase do colexio. Rosalía de Castro, Fina Casalderrrey, Carlos Casares…
A cultura e o folclore galego visitounos con Ártur Puga e Xurxo Terrible.
Ártur Puga docente de xornadas de música e danza por colexios e institutos do país, músico, coreógrafo e bailarín da compañía de Danza de Fran Sieira, na Xira Midas ou no Benidorm Fest coas Tanxugueiras.
Xurxo Terrible é multinstrumentista da Cultura Musical Galega dende os 6 anos, profesor de música e canto tradicional, membro de grupos como Os Terribles de Donas, Airiños novos de Pinzás, Ecos e Agarimos de Peitieiros, … Colaborador no proxecto “Ponte nas Ondas” e proxectos propios como TradiSón e Xurxo Terrible.
Para rematar a celebración tivemos a actuación do alumnado do primeiro ciclo eo o seu poema “Aí ven o maio “de Florencio Delgado Gurriarán.
DÍA DO LIBRO
Para festexar o día do libro realizamos diferentes actividades no centro:
- Agasallo dun marcapáxinas para todo o alumnado.
- Apadriñamento lector lectura ao aire libre por parellas.
- Formación de usuarios na biblioteca.
- Canción do alumnado de 1º A
- Proxección dun impress para os cursos máis altos sobre os dereitos de autoría.