Plamb

22 DE MARZO. CONMEMORACIÓN DO DÍA MUNDIAL DA AUGA.

Como cada ano, a Deputación Provincial de Ourense agasalla ao alumnado cun libro cuxa temática está relacionada coa conmemoración da auga, e tamén coa semana escolar da árbore. Por iso aproveitamos a sesión diaria dedicada ao Proxecto Lector, para desfrutar da lectura destes exemplares, que posteriormente cada neno e nena puideron levar pasa a súa casa. Este ano o libro é o conto: "No país das augas" de Xosé A. Perozo e Viki Ferre. Ademais nas aulas tamén se levaron a cabo outras tarefas relacionadas co coidado e co ciclo da auga.

 

SEMANA DA PRENSA 2021

Do 8 ao 12 de marzo, conmemorouse a Semana escolar da Prensa. Para ver as actividades levadas a cabo no noso centro, accede á entrada do Blog da Biblioteca: PREMENDO AQUI

CONMEMORACIÓN DO DÍA INTERNACIONAL DA MULLER

A orixe desta conmemoración está na proposta realizada por Clara Zotkin na II Conferencia Internacional de Mulleres Socialistas, celebrada en Copenhague no 1910 coa finalidade de destacar a loita da muller pola súa participación dentro da sociedade, a prol da súa emancipación e do seu desenvolvemento íntegro como persoa. No ano 1972, a Asamblea Xeral das Nacións Unidas declarou o ano 1975 como Ano Internacional da Muller, quedando institucionalizada a data do 8 de marzo como Día Internacional polos dereitos da muller e a Paz Internacional.

Dende a nosa humilde aportación, traballamos nas aulas ao longo da semana previa, a biografía e o papel no que destacaron algunhas mulleres que non aparecen de xeito habitual nos libros de texto, e en consecuencia, quedan esquecidas na Historia, á cal fixeron grandes contribucións.

O luns tamén en colaboración coa ANPA  e atendendo ás pertinentes medidas de prevención, hixiene e seguridade establecidas no protocolo Covid-19, realizarase unha actividade de contacontos: "Contamos en igualdade", a cargo de Eduvia, así como a exposición do traballo nas aulas.

Atoparedes máis información sobre esta actividade no blog da biblioteca .

25N. CONMEMORACIÓN DO DIA CONTRA A VIOLENCIA DE XÉNERO.

Para conmemorar o día contra a violencia de xénero, o persoal do centro e o alumnado, participamos na elaboración dun video coma homenaxe a todas as víctimas da violencia machista, tomando prestada unha canción de Rozalén: "La puerta violeta".

Un traballo de equipo no que se integra a expresión corporal, musical e plástica, edentro dos proxectos do centro da Biblioteca, TIC e plurilingüismo.

Para ver o resultado, podedes facelo a través do noso Blog da Biblioteca: PREME AQUI

ACTIVIDADE COMPLEMENTARIA: TEATRO DE MONICREQUES

O venres 2 de outubro tivemos teatro de monicreques na escola. A compañía Mircromina Títeres representou "Cousas de casa", un espectáculo que realiza un percorrido por aqueles conceptos que nos permiten reflexionar acerca da igualdade entre mulleres e homes nos distintos ámbitos.

Grazas por organizar a GDR7 Valdeorras e ao Concello de Rubiá por colaborar. Pasámolo xenial!

Despois realizouse un sorteo de libros a cargo dos organizadores.

MÁIS FOTOS E VÍDEOS NO BLOG: A NOVA BIBLOGUETA INCLUSIVA

LECTURAS RECOMENDADAS

LECTURAS RECOMENDADAS POR TRAMOS DE IDADE E TAMÉN PARA AS FAMILIAS

DESCARGA O FICHEIRO PDF

23 DE ABRIL DÍA DO LIBRO

Aínda que temos unhas condicións excepcionais, os rapaces seguen a traballar nas súas casas, esta vez tratábase do Día do Libro. Fixeron diferentes actividades segundo o ciclo o que pertencían:

EDUCACIÓN INFANTIL:

A actividade consistía en escoller o seu conto preferido ou o personaxe protagonista e disfrazarse para tratar de imitar o máis posíbel a portada ou escena que se elixa.

 

 

 

 

 

PRIMEIRO E SEGUNDO:

A xogar cos contos en casa, xogaron a dicir un trabalinguas sen fallar, tiñan que recitar un trabalinguas e gravalo en vídeo. 

 

 

TERCEIRO E CUARTO:

A actividade consistía en inventar unha historia, así que os nenos e nenas de 3º e 4º de E.P. puxéronse mans á obra!.  

O titor Miguel comezaba unha historia e un alumno/a tiña que seguila, e así sucesivamente ata que todos inventaban un anaquiño do conto. 

Finalmente seleccionaron unhas imaxes acordes ca historia e crearon un vídeo-conto.

 

 

 

 

 

 

 

 

 

 

 

 

 

 

 

 

 

 

QUINTO E SEXTO:

A actividade consiste na gravación de vídeos ou audios contando un conto ou relato pequeno.

 

Ademais fixeron outra actividade o visionado de un corto e a continuación realizaron unha ficha.

  

 

 

 

 

 

 

 

 

 

 

 

 

 

Os humoristas galegos e o #díadolibro – Brétemas

 

FELIZ DÍA DO LIBRO 2020

 

 

A AULA MISTERIOSA DE 3º E 4º. CELEBRACIÓN DO DÍA DO LIBRO.

Hoxe é o día do libro, e que mellor maneira de celebralo que creando un conto entre todos.

A actividade consistía en inventar unha historia, así que os nenos e nenas de 3º e 4º de E.P. puxéronse mans á obra!.

O titor Miguel comezaba unha historia e un alumno/a tiña que seguila, e así sucesivamente ata que todos inventaban un anaquiño do conto.

Finalmente seleccionamos unhas imaxes acordes ca historia e creamos un video-conto.

Aquí vos deixo o resultado, espero que vos guste!

 

 

 

DIA DA MULLER 8 DE MARZO 19/20

Dende o centro hoxe luns 9 de Marzo fixemos a celebración do Dia da Muller,  os alumnos mais maiores do noso centro investigaron a vida das mulleres representadas na nosa Biblioteca, mural feito pola artista Laura Duben, pero os pequenos tamen fixeron traballo de aula para tomar conciencia sobre a necesidade de ter unha sociedade igualitaria.

 

 

 

 

 

Destacar que en prensa da comarca sale a autora dos nosos murais en unha entrevista:

 

A artista Laura Duben celebra o 8M cun mural adicado ás mulleres que “arriscan a vida por un mundo máis xusto”

Realizaba esta obra no interior do CEIP Plurilingüe Virxe do Camiño de Rubiá

 

A través da pintura e usando un entorno cotiá como lenzo (un armario de parede), a artista arxentina Laura Duben, afincada no Barco, celebraba este 8M, Día Internacional da Muller. Creaba unha pintura mural cunha serie de retratos de figuras femininas de referencia a nivel mundial (dende Rosalía de Castro e Frida Khalo ata Teresa de Calcuta) e dedicada a “todas as mulleres que no só soñan cun mundo máis xusto, senón que arriscan as súas vidas, loitan nas adversidades, traballan e arríscano todo”.

Esta é unha escolma simbólica de mulleres, xa que son “tantas” que “só puiden plasmar e unir na obra a unhas poucas, nelas están reflexadas milleiros de loitadoras”, di a artista. Entre elas destaca a Berta Cáceres “de Centroamérica, ecoloxista asasinada e líder na loita por reivindicar ás mulleres aborixes lencas”.

Este fermoso mural pode verse no interior do CEIP Plurilingüe Virxe do Camiño de Rubiá.

Fotos cedidas.

 

COLABORADORES BIBLIOTECA

Co novo trimestre arranca unha nova etapa na biblioteca do colexio, neste caso son os nosos colaboradores, os cales moi emocionados axudando a manter orde: colocan os libros, revisan que estean en perfecto estado, que todos estean rexistrados, unha ardua tarefa que están a realizar xenial.

 

 

 

Distribuir contido (C01 _th3me_)