Actividades

PARCHÍS "O MAR DE SABELA"

Boa tarde!

Na aula de 5 anos estamos pintando o noso novo xogo de mesa "PARCHÍS: O mar de Sabela".

Despois de pegalo en cartón e plastificalo, aprenderemos as súas regras para poder xogar con el.

Gustaríanos deixalo aquí para todos os que queirades imprimilo e colorealo na casa. Así tamén podedes xogar con el na casa!

Engadir novo comentario.

MURAL "O PORTO"

A semana pasada rematamos o noso mural "O PORTO", xa que diariamente, despois de facer as nosas tarefas, dedicámonos a debuxar, pintar e decorar o mural.

Agora mesmo está exposto na entrada da Biblioteca e da aula da ANPA para todos aqueles que queiran observar as partes dun porto, o tipo de embarcacións e outros aparellos que podemos atopar no mesmo.

Esperamos que vos guste e que vos sexa de gran interese!

Engadir novo comentario.

EXPOSICIÓNS DO 1º TRIMESTRE: "AS PARTES DOS PEIXES" E OS "TIPOS DE AUGA"

Engadir novo comentario.

Magosto 2016

O venres celebramos a tradicional festa do Magosto!

Que ricas estaban as castañas que Julio nos asou co seu novo trebello! Graciñas Julio!

Despois pasámolo en grande coas "Ondas de Xogos". Divertidos xogos ambientados no mar, no Mar de Sabela claro está.

Os maiores do cole fixeron de perfectos capitáns e guiáronnos aos demais nos diferentes xogos. O marisqueo, a pesca con cana e con redes, a pesca de "arrastre" e as nasas non faltaron neste día festivo, achegándonos a estes aparellos que imos coñecer. En fin, que entre castaña e castaña convertémonos por un rato en autenticos "lobos de mar".

Guardar

Samaín 2016

Como cada ano o cole encheuse de cabazas para conmemorar o Samaín.

Incrible o enxeño que teñen as familias para deseñar cabazas terroríficas dentro do PDI: O mar de Sabela

Moitas grazas a todas as familias pola implicación con que participades en todos os proxectos do cole.

Despois de pasar polo túnel do terror, onde máis de un/unha a pesares de facerse o valente levou máis dun susto, escoitamos historias arrepiantes, lemos os nosos propios relatos de terror e saboreamos unha apócema noxenta.

Guardar

Engadir novo comentario.

Exposición etnográfica

Para achegarnos un pouquiño máis ao bosque e coñecer os usos que se pode facer del, organizamos unha exposición etnográfica, na que as familias e a Asociación Micolóxica Cantarela fixeron aportacións moi interesantes.

Grazas a eles coñecemos ferramentas e utensilios que se empregan no bosque ou no aproveitamento dos seus produtos, aprendemos os seus nomes e para que serven.

Moitas grazas a todos!

Engadir novo comentario.

Letras Galegas 2016

Para conmemorar as Letras Galegas 2016 dedicadas a Manuel María tivemos unha representación de títeres de "Os soños na gaiola" a cargo da compañía AlaKRAN.

Gustounos moito e gozamos un montón con Alicia, o Río Miño, a Lúa e o seu namorado o Sol, os labregos, o barquiño e ata o lobo. Mesmo Manuel María en persoa se achegou a nós para contarnos cousas moi interesantes.

Despois recibimos libros de Manuel María que grazas á ANPA formarán parte das bibliotecas de aula. Graciñas!

Por último, o alumnado de 5º representou o traballo que vai a realizar na actividade "Cantando a Manuel María" o vindeiro mércores, onde os colexios de Vilagarcía recitarán obras do autor homenaxeado este ano na Plaza de España.

Nós, amosaremos un fermoso libro que fixemos entre todas as aulas no que salientamos as datas máis significativas na vida de Manuel María e as efemérides que ocorreron nesa data no mundo.