Skip to Content

Actividades

Monicreques 6º

Este ano fixemos uns monicreques terroríficos, queredes velos?

Monicreques Samaín

Este ano polo Samaín cambiamos as cabazas por monicreques!

E como o proxecto deste curso é Sabela, cámara acción! non podiamos facer outra cousa que un Samaín de cine..... de terror, claro.

Así que o cole encheuse de Freddy Krueger, Maléfica, Chucky, Jack Skeleton, Joker, Frankenstein, A noiva cadáver, bruxas, vampiros, momias, pantasmas e demais personaxes do xénero cinematográfico máis terrorífico.

Coma sempre temos que agradecer a colaboración das familias que derrocharon unha imaxinación e unha creatividade incrible.

Telexornal 2019

Un ano máis presentámosvos o Telexonal de Rubiáns, un resumo a modo de noticiero de todo o que pasa no cole durante o curso.

O alumnado de 6º é o encargado da súa elaboración, quedoulles moi chulo, non si?

Esperamos que vos guste!!

Contigo

Como cada ano por estas datas chega a canción do verán!

Nesta ocasión fixemos un repaso do máis representativo da nosa terra (lugares, gastronomía, música e lingua)

Tiñamos o listón moi alto despois dos éxitos dos veráns pasados (Que bonito é ser muller!, O Bosque de Sabela ou Coida o mar!  A máquina do tempo) pero a canción deste ano vai soar en todas as festas!

a

Festival de fin de curso!

Como cada ano pechamos o curso cun festival moi alegre cheo de música e ledicia.

Non podía faltar na cita actual o Telexornal (publicado xa na web). Resumo, da man do alumnado de 6º,  de todo o acontecido no cole durante o curso e que fai rir a grandes e pequenos.

Outro clásico do noso festival é a presentación do noso video clip musical, nesta ocasión "Contigo" unha canción coa que damos conta de todo o marabilloso que ten a nosa terra.

E despois de moitas actuacións musicais e ata unha obra de teatro moi divertida, pasamos ás despedidas; Os de 5 anos din adeus á súa etapa de infantil e despois o máis triste do ano: a despedida do alumnado de 6º e dos profes que xa non estarán con nós no vindeiro curso.

Podedes ver unhas imaxes de todo o acontecido no seguinte vídeo. Esperamos que vos guste e Felices Vacacións!!

Inauguración da Biblioteca e Letras Galegas

Ampliamos a biblioteca e quedounos chulísima!!!! Por iso, tiñamos que facer unha inauguración por todo o alto. Invitamos ata a Conselleira, que atrevidos!

Xa sabedes canto nos gustan as visitas, así que o cole encheuse de personalidades!

Recitamos o poema "A aventura de escribir", de Antón Fraguas - autor homenaxeado este ano no Día das Letras Galegas.

Historia de Galicia en 10 minutos

O proxecto deste curso é "Sabela coñece Galicia" por iso cando atopamos o excelente vídeo "Historia de Galicia en 10 minutos", non podiamos deixar pasar a ocasión de usalo nas aulas.

Pero en Rubiáns, sempre vamos un paso máis alá. Así que pensamos...... e se o gravamos en galego??

E como non podía ser doutro xeito lanzámonos á aventura. Despois de pedir os correspondentes permisos a Carki Productions, puxémonos mans á obra!!

Este é o resultado. A nós gústanos moito, e a ti.... que che parece??

Graciñas a Carki Productions por permitirnos facer este traballo!

Letras Galegas 2019

Para facer as actividades en pantalla completa, pica nos tres puntiños e logo nas flechas.
Demostra canto sabes!!!

Maios 2019

Como cada ano, traballamos arreo para facer os maios e ensaiar as coplas para cantar o día 1 en Vilagarcía.

Recollemos flores, fiuncho, margaridas, cocos, ovos, paus, xestas, follas de camelio... que adornarán os nosos preciosos maios. Pintamos os ovos, facemos colares de margaridas..... Moito traballamos!!!

Presentamos o cono tradicional, o horreo, a barca, a caixa e unha nova cruz. A que quedaron preciosos?

Día do libro 2019

O mal tempo nesta ocasión non nos permitiu gozar plentamente dunha das actividades que máis nos gustan, o apadriñamento lector.

Así que xa que non podiamos saír a ler polo patio, tivemos que facelo polos corredores do colexio. Aínda así, os maiores gozamos moito lendolles aos pequenos e os pequenos coma sempre ademais de divertirse coas historias que lles contaron fixeron uns marcapáxinas con moito cariño para agasallar aos seus "padriños".

Distribuir contido