Complementarias

Cada día da semana teredes que seguir estas premisas: 

O LUNS, día máis traballador, ven á escola cunha flor.

O MARTES, se guapo/a queres estar, unha gravata debes levar.

Se o MÉRCORES te queres divertir, cun mandil tes que vir.

O Magosto no foi a festa que tanto nos gusta pero, a pesares das circunstancias, non deixamos de celebrar esta tradición galega e degustamos sabrosas castañas que o profe Peque asou para nós. Que ben nos souberon!! Moitas grazas!

Como non puidemos facer xogos, a profe María, Borja e Lucio (o conserxe que substitúe a Julio) amenizáronos cunhas pezas de música tradicional. Que ben soaba!!

Ademais contamos cunha preciosa exposición sobre instrumentos tradicionais, que podedes ver no seguinte vídeo, cedida pola asociación "Pésdebarro" Mil grazas!! 

Cada ano conmemoramos o 8 de marzo, Día Internacional da Muller, cunha charla con algunha muller relacionada co noso proxecto anual.

Este ano dedicado ao cine, non era doado atopar unha muller relevante que viñese ao cole. Por sorte, Isabel Blanco, actriz e produtora aceptou a nosa invitación aínda sendo a véspera da gala dos Mestre Mateo, os Óscars galegos, dos que foi gañadora por partida dobre en pasadas edicións.

Isabel non só falou da sua traxectoria no mundo do cine e da televisión se non que tamén contou anécdotas da súa vida coas que arrincou gargalladas a todos os presentes.

Tamén nos fixo reflexionar sobre a igualdade a cultura e a importancia da educación.

Respondeu a todas as nosas preguntas, que non foron poucas, con cariño e sentido do humor e ata tivo tempo de asinarnos autógrafos e facer unhas fotiños de recordo para as profes que son fans dende os seus comezos como María Ares en Mareas Vivas.

Foi unha ledicia ter a Isabel no cole!! Mil grazas!!

Repercusión nos medios:

Faro de Vigo| A actriz Isabel Blanco visita el colegio de Rubiáns

Dentro do proxecto O Faro da Escola, tivemos a sorte de contar coa visita da escritora Ledicia Costas

Ledicia veu a falar do seu libro "Conexión macarrón" pero ademais falounos de un montón de extraterrestres que nos impresionaron moitisimo.

Contestou a todas as nosas preguntas con moito cariño e dedicounos os nosos exemplares. Pasamos un rato moi agradable con ela!

Graciñas Ledicia por falar para todo o cole!

Como cada 30 de xaneiro celebramos o Día Escolar da Non Violencia e da Paz.

Nesta ocasión recitamos unha poesía que expuxemos nunha mega pancarta colgando da fachada do cole e cantamos a canción "De ellos aprendí" relacionada tamén co noso proxecto anual "Sabela, cámara e acción"

Aproveitamos para estrear as camisetas co debuxo realizado por Kevin, gañador do concurso "Deseña a túa camiseta de igualdade". Quedaron preciosas, non si?