Skip to Content

Voceiro da Escola Nº 31 2023-24

Formalización de matrícula para novo alumnado para o curso 2024/2025

A partir de hoxe, martes 18 de xuño, xa estarán dispoñibles no centro os sobres coa documentación necesaria para a formalización da matrícula do novo alumnado admitido para o vindeiro curso 24 - 25.

PRAZO DE PRESENTACIÓN: do 20 ao 30 de xuño, no propio centro.

HORARIO: a partir do luns 24 de xuño, de 10 a 13 h.

Solicitude de axuda para libros de texto, material escolar e fondo libros para o curso 2024/2025

A continuación preséntase toda a información de interese relativa á convocatoria de axudas para adquisición de libros de texto e material escolar, así como do Fondo de libros de texto. 

É moi importante ler a información con atención e cubrir os documentos correctamente.

NOTA: naqueles casos de separación, divorcio, non convivencia ou situación similar, a solicitude deberá vir asinada POLOS DOUS PROXENITORES.

A continuación da seguinte presentación pódese descargar a información e os Anexos I e II.

O horario de entrega da documentación será de luns a venres, de 09:50 a 10:40 e de 14:00 a 14:50.

ENLACES:

APLICATIVO FONDO LIBROS

SEDE ELECTRÓNICA

 

 
 
 
 
 
 
 

Listaxe definitiva de alumnado admitido para o curso 2024/2025

Todas as solicitudes de admisión de novo alumnado presentadas para os niveis de INFANTIL e 1º de PRIMARIA do próximo curso 24-25, foron admitidas.

  • 4º Educación Infantil: 14 solicitudes.
  • 5º Educación Infantil: 1 solicitude.
  • 1º Primaria: 2 solicitudes.

O prazo de formalización da matrícula será do 20 ao 30 de xuño. Publicaranse as instrucións en canto sexan remitidas pola Consellería de Educación.

Maios

Para celebrar os Maios, todo o cole participou na elaboración das figuras. O cono, a barca, a caixa, a cruz e o artístico quedaron espectaculares. Tamén preparamos as coplas e fomos a cantalas na praza da Peixería a mañá do 1 de maio.

 

 

 

 

Coñecemos o atletismo da man de Jean Marie Okutu e Santi Ferrer

Hoxe tivemos a sorte de recibir no cole a dous auténticos campións do atletismo. Santi Ferrer e Jean Marie Okutu, saltadores de pértiga e lonxitude respectivamente (e participante en Río 2016 este último).

Falaron connosco sobre a súa carreira deportiva e guiáronos nunha práctica para coñecer as súas especialidades.

Foi unha experiencia fantástica. Moitas grazas aos dous!

 

Coñecendo os deportes

Listaxe provisional de alumnado admitido para o curso 2024/2025

4º de infantil: todas as solicitudes están ADMITIDAS.

5º de infantil: todas as solicitudes están ADMITIDAS.

1º de primaria: todas as solicitudes están ADMITIDAS.

As listaxes só poden expoñerse dentro do centro cumprindo coa normativa relativa á Lei de Protección de datos. Tamén poden consultar o estado da solicitude de maneira telemática, única e exclusivamente a través da aplicación admisionalumnado empregando a Chave365 ou certificado dixital.

Coñecendo os instrumentos grazas ao Conservatorio Municipal

Grazas a unha campaña de promoción do Conservatorio Municipal o alumnado de 1º a 4º puido achegarse aos instrumentos de vento e madeira a través de pezas ben coñecidas para eles.

Que gran experiencia!

 

 

Celebramos o Día do Libro máis olímpico

Como cada ano realizamos o Apadriñamento lector, unha actividade que lle encanta a lectores e espectadores e que coma sempre resultou un éxitazo.

Ademais fixemos un reto olímpico literario, no que todos os cursos, cada un na súa quenda, superou uns retos con trabalinguas, poesía, debuxo..., para chegar á proba final na que tiveron que vestir a Sabela de tenista e obter unhas pelotas coas que xogaremos en canto o tempo o permita, a diferentes modalidades paralímpicas.

O último reto, consistiu en resolver unha adiviña de Gloria Fuertes o que nos serviu de excusa para coñecer á poeta amiga dos nenos e das nenas.

 

 

 

Distribuir contido


by Dr. Radut