Complementarias

Obradoiro: "A miña primeira xoia" Primaria

O alumnado de primaria non quería quedarse sen experimentar co fimo despois de ver as marabillas que o alumnado de infantil fixo coa artista vilargarciana Ana Miguéns .

O pasado xoves puidemos gozar deste obradoiro e realizamos as nosas primeiras xoias coa arxila polimérica.

Foi unha experiencia moi interesante e houbo deseños fantásticos!

Leer máis

Obradoiro "O Sabor da Aventura está no Mar"

No noso cole, a alimentación ten un papel moi importante por iso participamos nos programas que oferta a Consellería relacionados cos hábitos saúdables.

Nesta ocasión, dentro do Proxecta "Aliméntate ben" realizamos o obradoiro "O sabor da aventura está no mar"

Fixemos uns xogos moi divertidos cos nosos amigos os arroases e lembramos os seus superpoderes.

Leer máis

Coñecendo Pontevedra e o Museo Provincial

O alumnado de 4º a 6º visitaron o Museo Provincial para coñecer a cultura galega, os primeiros converténdose en periodistas e 5º e 6º da man de Castelao.

Aproveitamos ben a viaxe percorrendo o casco antigo da cidade acompañados dunha guía que nos foi explicando moitas curiosidades que descoñecíamos: a forma da igrexa da Virxe Peregrina, a orixe das galerías, o nome antigo de moitas prazas e rúas...

Curioso xeito de convivir xuntos. Convivimos cos parásitos.

Estar dentro do programa O Faro da Escola permitiunos un ano máis achegarnos á ciencia da man do CSIC (Centro Superior de Investigación Científica).

Elena Rodríguez Domínguez, investigadora no Instituto de Investigacións Mariñas deste organismo, explicounos que son os parásitos e como hai casos nos que tanto el coma o hóspede poden beneficiarse mutuamente.

Coñecemos unha orea de datos interesantes. Grazas!

Día Internacional da Muller

Como cada 8 de marzo celebramos o Día Internacional da Muller (esta vez cun día de adianto) cunha interesante charla.

Nesta ocasión tivemos o pracer de contar con 3 fantásticas mulleres.

Covadonga Salgado, directora do INTECMAR de Vilaxoán (que conta cun equipo de traballo formado maioritariamente formado por mulleres) explicóunos un montón de cousas interesantes sobre o mar, os residuos, os mexilóns... fíxonos recordar unha chea de cousas que aprenderamos cando coñecimos o mar da man de Sabela.

Sara Gómez, xogadora internacional de baloncesto do CLB Vilagarcía. Que nos amosou as grandes diferenzas que hai entre o deporte feminino e o masculino.

María De La Barrera, bombeira de protección civil que nos explicou que a pesares de ser a única traballadora muller do parque, non hai diferenzas cos seus compañeiros á hora de levar a cabo o seu traballo (salvo por cuestións meramente físicas).

Foi unha charla moi agradable na que aprendemos un montón e fixemos unha morea de preguntas.

Este acto serviu para "estrear" a nosa "Wall of Fame" unha parede chea de mulleres loitadoras, valentes, famosas, anónimas, aventureiras, intelixentes, deportistas, traballadoras, nais, pioneiras.... e que nos servirá para aprender moito máis sobre todas esas mulleres esquecidas pola historia.

Mil grazas ás nosas invitadas pola súa visita, esperamos que pasarades un rato tan agradable coma nós.

Leer máis

Entroido 2019

Un ano máis o cole de Rubiáns converteuse nunha gran festa para conmemorar o Entroido.

Sabela coñece Galicia é o proxecto que estamos a desenvolver neste curso, así que o Entroido foi unha mostra de elementos típicos da nosa terra.

Non faltaron as pulpeiras do Carballiño representadas pola clase de 3 anos. Os de 4 vestiron o traxe tradicional feito con material de refugallo. Os de 5, creceron de súpeto e transformáronse en velliños e velliñas. 1º lembrounos unha das profesións tradicionais da nosa cultura, os afiadores. Os nenos e nenas de 2º representaron unha parte esencial da nosa terra, os gandeiros.... e ata levaban as vaquiñas! Os de 3º amosaron unha importante atracción turística e fixeron o "Camiño" vestidos de peregrinos e peregrinas. 4º achegounos unha das lendas máis antigas do floclore galego e "asustáronnos" vestidos da Santa Compaña. 5º recreu un dos entroidos tradicionais como son as Madamas e Galáns de Vilaboa. E non podía faltar unha homenaxe a tantos homes e mulleres que tiveron que deixar o fogar en busca de oportunidades, por iso os de 6º disfrazáronse de emigrantes.

Despois de recorrer o camiño entre o cole e a centro cultural da Parroquia, cantamos as coplas que cada clase compuxo a corde co seu disfraz ante un público entusiasta. Seica non o fixemos moi mal, pois non caeu unha gota!!

De volta ao cole, degustamos unha estupenda merenda chea de doces típicos destas datas.

Grazas ás familias polas achegas!

Día de Rosalía 2019

Hoxe conmemoramos o día de Rosalía con diferentes actividades de aula e de centro.

Grazas a un dos papás do cole e á profe María coñecimos as partes do traxe tradicional galego.

Tamén nos explicaron as partes da gaita e nos falaron doutros instrumentos do noso folclore.

Despois baixamos ao patio e alí amenizáronnos cunhas pezas ben bonitas, tanto que algunha espontánea arrincou a bailar!!!

Carla, alumna de sexto, recitou un poema de Cantares Gallegos de Rosalía e todos xuntos cantamos a canción "Eu ben vin estar o moucho".

Nas clases tamén fixemos diferentes traballos sobre a escritora máis universal da nosa terra.

Visita da Directora de Turismo de Galicia

O pasado xoves a Directora de Turismo de Galicia visitou o noso centro e presentounos Galicia coma destino turístico. Explicounos que hai moito que ver e disfrutar en Galicia: o Ca,iño de Santiago, o termalismo, a natureza, os monumentos, as cidades, a ruta das camelias, a do viño...

Aprendemos que é un sector moi importante para a economía de Galicia e que todavía se poden explotar os nosos recursos moito máis.

Despois, o alumnado de 6º fíxolle unha entrevista na que se interesou pola posibilidade de expltar máis os recursos de Vilagarcía, polos alugueres turísticos ou pola Igualdade de xénero no seu departamento e as dificultades que tivo polo feito de ser muller.

Moitas grazas pola súa visita!

Día da Paz 2019

Este ano para conmemorar o Día Escolar da Non Violencia e a Paz fixemos a palabra paz no teito do patio cuberto con CDs coas fotos de cada neno. Quedou moi chulo non si?

Tamén cantamos/bailamos todos xuntos a Cantarela dos Nenos. Lástima que choveu e non puidemos facelo no patio.