Skip to Content

Taboleiro de anuncios

CONSELLOS PARA O VERÁN

Corriendo por la playa de J. Sorolla.

Querido alumno ou alumna:

Os e as profes quérenche dar uns consellos.

Hoxe empezan as vacacións. Esforzácheste ao longo do curso así que agora vén a recompensa. A gozar do verán!

Iso si, lembra que sempre podemos mellorar. Alégrate ti tamén de todo o que levas conseguido e de que cada día máis e mellor aprenderás. E o que saia mal vólveo tentar!

Unha enorme aperta e unha chea de bicos.

Imaxe aquí.

As vacacións son para gozalas!!!

  • Le todo o que poidas (polo día ou á noitiña).
  • Tenta escribir un diario (o que máis me gustou/alegrou e o que me fastidiou).
  • Fai castelos ou un agocho na area... ou na casa con sabas, toallas, coxíns…
  • Xoga coa túa familia e os teus amigos (á pelota, ao 3 en raia, ao parchis, ás palas, a adiviñar un debuxo, ao aforcado, a carreiras…).
  • Nada, e se non sabes… tenta aprender!
  • Comparte as tarefas da casa. En equipo mellor!
  • Axuda a facer a compra: fai unha  lista, leva cartos, paga e revisa as contas con libreta e lapis ao chegar á casa.
  • Anda en bici, en patíns, patinete, monopatín…
  • Observa por onde sae o sol e por onde se pon e algún día déitate tarde e mira as outras estrelas cando se faga noite.
  • Pasea e fíxate o que hai interesante alá por onde vas.
  • Baila e canta.
  • Practica algún deporte.
  • Fai novos amigos e amigas (Ola, como te chamas? Eu son... Queres xogar comigo?).
  • Goza dunha peli de debuxos en galego, en inglés... con flocos de millo e con amigos e amigas ou familiares.
  • Aprende algún xogo novo de mesa...

Parécenche demasiadas? Aínda podes engadir as que che pareza!

Preme na imaxe para máis consellos (desta volta para estimular a linguaxe do teu fillo ou filla).

 

PUBLICACIÓN RECTIFICACIÓN LISTAXES EMENDA DE SOLICITUDES DE BOLSA COMEDOR CURSO 2023/2024

Hoxe, 28 de xuño de 2023, publicouse no enderezo web do taboleiro de anuncios e edictos do Concello da Coruña, unha rectificación das listaxes de emenda das solicitudes presentadas á convocatoria para a concesión de bolsas municipais para o pago de comedores escolares no curso escolar 2023/2024.

Pódense consultar aquí.

Amplíase o prazo para a presentación da documentación requirida ata o 12 de xullo, incluído, e poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora, Franxa e do CCM Mesoiro), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

REUNIÓNS DE SETEMBRO COAS FAMILIAS

Velaquí as datas e horas das xuntanzas coas familias no vindeiro setembro:

Educación Infantil

  • 4º EI: 6 de setembro ás 16 horas.
  • 5º EI: 6 de setembro ás 17 horas.
  • 6º EI: 6 de setembro ás 18 horas.

Educación Primaria

  • 1º EP: 7 de setembro ás 16 horas.
  • 2º EP: 5 de setembro ás 16 horas.
  • 3º EP: 7 de setembro ás 17 horas.
  • 4º EP: 5 de setembro ás 17 horas.
  • 5º EP: 7 de setembro ás 18 horas.
  • 6º EP: 5 de setembro ás 18 horas.

REQUIRIMENTO DE EMENDA DE DOCUMENTACIÓN DAS SOLICITUDES DE BOLSAS DE COMEDOR

Desde o 22 de xuño de 2023, está publicadas no enderezo web do taboleiro de anuncios e edictos do Concello da Coruña a listaxe de requirimento de emenda de documentación das solicitudes da convocatoria para a concesión de bolsas municipais para o pago de comedores escolares no curso escolar 2023/2024.

Pódense consultar en:

O prazo para a presentación da documentación requirida é do 23 de xuño ao 6 de xullo, ambos incluídos, e poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora, Franxa e do CCM Mesoiro), no rexistro telemático da sede electrónica municipal (https://sede.coruna.gob.es).

Distribuir contido


by Dr. Radut