Existen dous edificios, un principal para as clases de Educación Primaria, Educación Infantil e outras dependencias, e un edificio anexo para aulas de Educación Infantil exclusivamente.
No edificio principal atópanse:
Na planta baixa: conserxería, oficinas de dirección, xefatura de estudios, secretaría; sala de profesores, ximnasio, comedor, sala de caldeiras de calefacción, unha clase de Educación Primaria e os correspondentes servicios.
Primeiro andar: aulas xerais de alumnos, aula de Música, aula de Informática, biblioteca, sala de reunións dos membros do Claustro de Profesores e Consello Escolar, sala de proxeccións e de reunións para os que a soliciten, departamento de orientación, clases de Educación Primaria e os correspondentes servizos.
Segundo andar: aulas xerais de alumnos, aulas de apoio e Audición e Linguaxe e aulas de Pedagoxía Terapéutica.
No edificio anexo ou de Educación Infantil atópase:
A planta baixa que está dedicada a patio de recreo, sala de caldeiras da calefacción, oficina de titoría, e sala de psicomotricidade.
Na planta alta ou primeiro andar atópanse catro aulas e un servizo.
Segundo a Orde da Consellería de Educación de 22 de xullo de 1997 (D.O.G. do 2-7-97) " Non se poderá acceder ós espazos didácticos pedagóxicos, incluídos corredores, durante as horas de clase, sen a debida autorización"