Onte reunímonos as integrantes do Club de Lectura de Familias e profesorado para falar da nosa última lectura:
![](/centros/ceipnosasenhoradexuvencos/system/files/u57/9788491519768.jpg)
"A historia de Sara" de Francisco Castro.
Un libro fermoso, sensible, que fai reflexionar e ao mesmo tempo duro .
Conta coas magníficas ilustracions de Luz Beloso que son o complemento idóneo para esta breve e engaiolante historia, que non deixa indiferente.
![](/centros/ceipnosasenhoradexuvencos/system/files/u57/WhatsApp%20Image%202023-06-01%20at%2008.02.42.jpeg)
Como podedes observar nas imaxes, onte na nosa "peculiar mesa redonda" na que falamos sobre as lecturas, tivemos entre nós ao autor da obra: Francisco Castro.
![](/centros/ceipnosasenhoradexuvencos/system/files/u57/WhatsApp%20Image%202023-06-01%20at%2008.02.32_0.jpeg)
Queremos agradecerlle que se achegase ao noso cole, e compartise con nós o seu tempo, falando do seu libro, da sensibilidade coa que está escrito, de facernos ver que hai novela gráfica para adultos.
E que nos falase con franqueza, nos fixese reflexionar profundamente sobre un tema que por desgraza está máis presente do que quixéramos.
E que tamén está nas nosas mans tratar de previr , apoiar e sensibilizar.
Foi moi ilusionante telo con nós, e non queremos deixar de agradecerlle que se achegase ao noso centro.
Aínda que onte non estabamos todas as que somos, si unha representación importante e non quixemos deixar pasar a oportunidade de tirar unha foto todas xuntas.
![](/centros/ceipnosasenhoradexuvencos/system/files/u57/WhatsApp%20Image%202023-06-01%20at%2007.47.56.jpeg)
Reiteramos novamente o agradecemento ao autor polo seu tempo e sensibilidade e tamén á librería OZOCOgz que foi a que mediante a presentación do seu libro nos puxo en contacto.