Blog de biblioteca

O 2 de abril conmemórase o día do Libro infantil e xuvenil. 

Dende a Asesoría de Bibliotecas Escolares de Galicia achégaronnos a seguinte información:

 Como en anos anteriores (aínda que este sexa diferente) o IBBY (International board on books for young people) chama á conmemoración do Día do Libro Infantil o 2 de abril, data de nacemento de Hans Christian Andersen. O obxectivo é promocionar os bos libros infantís e xuvenís e a lectura entre os máis novos. 

A sección patricinadora deste ano é Eslovenia que difunde a mensaxe de Peter Svetinai lustrada por Damijan Stepancic: Fame de palabras. 

GÁLIX, Asociación do Libro Infantil e Xuvenil, facilítanos a tradución ao galego de  Héctor Cajaraville. (fonte: blogue de Asesoría de Bibliotecas Escolares de Galicia)

 A continuación podedes ver o cartaz deste ano, cunha pequena aportación:

No lateral esquerdo hai uns pequenos símbolos de cor amarela e negra, son as nosas aportacións, consistentes nunha pequena escolma de libros infantís e xuvenis que nestes momentos teñen acceso libre. ( Premede neles e levaranvos ós mesmos)

E lembrade que tamén podedes acceder a moitísimos libros dende a plataforma GALICIA LE.  

BOA LECTURA!!!!!!

As nenas e nenos da clase de 3 anos visitamos o ESPAZO MAKER para coñecer e empregar a RADIO XUVE por primeira vez.

Aquí vos deixamos un pequeno vídeo sobre como foi a nosa primeira toma de contacto. 

Agardo que vos guste.

Nós seguro que repetimos, aos nenos e nenas ENCANTOULLES!!

O equipo de biblioteca fixo unha selección de contos e audiocontos para estes dias que temos que pasar na casa. Tendes que picar na imaxe e xa se abre o PDF, despois picades en calquera das pestañas e xa tendes o acceso directo aos materiais.

PREMEDE NA IMAXE PARA ACCEDER Á NOTA DE PRENSA, CON CONTIDOS PARA

TODA A FAMILIA.

 Os museos, centros de interpretación, bibliotecas ou arquivos xestionados polo Goberno galego potencian os seus recursos e materiais online...

Pequena explicación , tirada do comunicado da páxina web da Xunta de Galicia:

(sic) A través de todos os seus departamentos e centros dependentes da Consellería de Cultura e Turismo, propón para o período que dure o estado de alarma por mor do coronavirus unha programación con abondosas actividades de lecer cultural a través de Internet.

Propostas pensadas para toda a familia que poden seguirse a través da campaña #aculturasegue en todas as redes sociais das súas dotacións.

Trátase dunha etiqueta á que a Xunta convida a sumarse ás institucións culturais, aos nosos creadores e a toda á cidadanía para compartir a nosa cultura.

A iniciativa pretende recoñecer o papel sobresaínte que os nosos creadores e axentes culturais tiveron e teñen na construción social de Galicia, ao tempo que ofrece opcións de ocio dixital de calidade e plural no ámbito do fogar, que propicien a creación e consolidación de bos hábitos e prácticas culturais.

Ademais, prestarase atención individual ás próximas datas conmemorativas, comezando polo Día Mundial da Poesía, que se celebra hoxe mesmo, continuando polo Día do Teatro (27 de marzo) e seguindo polo Día das Artes Galegas (1 de abril) e o Día Internacional do Libro Infantil e Xuvenil (2 de abril). (fin de sic)