Para conmemorar o Día do Libro

O Alumando de Infantil, coas súas titoras, elixiron na biblioteca un libro para recomendar.

Preséntannos orgullosos a súa portada.

Pola súa parte, o alumnado do 1º ciclo, coas súas titoras, escriben un acróstico do seu nome coas cualidades cos definen.

Dúas fermosas experiencias chulísimas coas que aprendemos moito.

XENIAL!!!

O derradeiro venres do mes de abril tivemos a sorte de ter entre nos unha lectora moi especial e solidaria, a mamá de Martin, que nos leu un dos contos do seu fillo, A vaca que puxo un ovo.

Primeiro, durante o recreo, ao alumnado de primaria na biblioteca

E logo no parque de infantil durante a hora de ler:

MOITAS GRAZAS POR COMPARTIR UN MOMENTO DE LECTURA CON NOS

XENIAL!!!

No mes de abril o alumnado de 1º A e a súa profe Ana, comparten na biblioteca un novo experimento.

Esta vez trátase dun volcán.

GRAZAS POR COMPARTIR

Grazas tamén aos nosos Colaboradores, sempre dispostos. 

E grazas a nosa Auxiliar de Conversa que colaborou traducindo ao inglés os materiais e o proceso de realización deste experimento, así como respostando ás dudas dos asistentes.

Como sabedes todos estes experimentos que se realizan na biblioteca vánse incorporando ao Libro Nós Somos Científicos, ubicado na biblioteca para ser consultado cando se queira.

Parabéns, un fermosa experiencia de solidaridade múltiple.

XENIAL!!!

Coa chegada da primavera e o bo tempo comezamos o ¡ Apadriñamento lector realizado polo alumnado voluntario de 5º e 6º no parque de infantil.

Unha actividade moi valorada polas partes implicadas. Tan pronto chega o bo tempo xa nos piden reiniciar o apadriñamento e sacar os libros ao patio.

MOITAS GRAZAS AO NOSO VOLUNTARIADO

XENIAL!!!!

Coa ilusión de explorar novos camiños cos que fomentar a lecto-escritura, a investigación, a expresión oral e a inclusión en 2019 xorde Radio Forte.

Comeza a súa andaina grabando cun móbil e/ou portátil, con poucos recurso pero coidando cada momento, sabedores da importancia deste recurso na mellora formativa, competencial e vivencial do noso alumnado e na súa repercusión na comunidade educativa.

No curso 2020-21 este ilusionante proxecto, Radio Forte, entra a formar parte de Radio Na Biblio.

E, recentemente, fomos seleccionados como un dos centros escolares, dentro do programa de mellora de bibliotecas escolares, PLAMBE, Radio na Biblio, merecedor de dar a coñecer a súa experiencia nos Encontros PLAMBE 22-23

,

encontros de recoñecido prestixio, o que supón un claro referente e recoñecemento ao labor desenvolvido ao longo destes anos e, por suposto, no curso actual.

Experiencia presentada por Cristina,  actual dinamizadora de Radio Forte.

(Encontros PLAMBE 22-23)

Grazas as familias e ao persoal non docente, sempre dispostos a colaborar, ao alumnado, ao profesorado e a Cris, que tanto se está implicando con este proxecto.

Grazas a todos e a desfrutar deste recoñecemento de todos.

Parabéns!!!!

PRIMAVERA DE POETAS

    Un ano máis contamos coa colaboración do noso profe-poeta LUÍS AHIJADO GÓMEZ quen, na semana previa a celebración do día da poesía, realizou na biblioteca, durante a hora de ler, un obradoiro de poesía co alumnado de 5ºde primaria.

    Nesta ocasión trabállase a creación de tercetos coa temática da árbore.

   Realizadas as correccións necesarias, toca escribir os tercetos en forma de caligrama nas árbores.

   Organizándose para pegar as árbores cos poemas no corredor da biblioteca.

O resultado é espectacular, una verdadeira Primavera de Poetas, rexurde nas árbores con caligramas que decoran o corredor xunto a biblioteca, xunto a un poema do profe Luís, escrito para esta ocasión.

Ademais das creación literaria e artística os nosos poetas acompañaron ,lendo os seus poemas ,ao alumnado de 6º na tradicional plantación dunha ou varias árbores no DÍA DA ÁRBORE.

Como remate a ilustradora Julia, de 6º, le o poema do profe Luis.

Desexamos que este acto conxunto de poesía e plantación de árbores sexa o comezo de grandes poetas e persoas comprometidas coa natureza.

Agradecemos ao alumnado de 6º e ao equipo de Voz Natura a súa invitación. Fermoso momento!

DÍA INTERNACIONAL DE LAS MATEMÁTICAS

HISTORIA DE LOS NÚMEROS

UN LIBRO

LA MOSCA FOSCA

SIETE RATONES CIEGOS

EL PATO DONALD EN EL PAÍS DE LAS MATEMÁTICAS

CUENTOS MATEMÁTICOS LA RETA Y EL PUNTO

POESÍA LAS MATEMÁTICAS

O día 9 de marzo, pola tarde, dentro do proxecto Lectura e Familias, Sonia Hermida imparte un obradoiro de animación a lectura en familia.

Dun xeito práctico transmite técnicas para fomentar a competencia matemática dos nenos a través de actividades moi sinxelas e a presentación dunha ampla selección de libros para todas as idades, libros moi atractivos que despertaron o interese de todos os asistentes, adultos e pequenos..

En breve incorporaremos algúns destes libros ao noso catálogo.

Un obradoiro moi interesante

Grazas a todos pola vosa ilusión e colaboración.

A nosa biblioteca foi seleccionada para recibir a visita formativa e dinamizadora de Radio Voz.

• Agradecementos:

  Agradecidos porque a nosa biblioteca, a través da súa radio, reciba un impulso máis para converterse nun verdadeiro centro de recursos de información e lectura, nun espazo de aprendizaxe inclusivo, creativo, de comunicación, educación en medios e información e lecturas, integrado no noso día a día e aberto a toda a comunidade educativa e ao mundo.

 RadioForte, grazas ao apoio formativo e económico de Bibliotecas Escolares, día a día está medrando fiel aos seus piares orixinais; formación, dinamización, información e participación e converténdose nunha ferramenta de grande utilidade a nivel pedagóxico, grazas a colaboración de toda a comunidade educativa e a gran labor dinamizadora da profe Cristina

Grazas a todos ,

• Visita formativa Radio Voz

O día 9 de marzo Antía e Sonia de Radio Voz visitan a nosa biblioteca, onde o alumnado de 4º e 5º recibe unha breve charla formativa

e posteriormente, no locutorio de RadioForte, colaboran e asesoran a gravación dun programa de investigación sobre o tren en Monforte, realizado por alumnado de 4º, 5º e 6º.

Aquí podedes escoitar o resultado de un traballo de investigación previo e a súa posterior gravación

Grazas Antía e Sonia

.

Un pracer contar con vos

Como ven sendo habitual a nosa biblioteca aposta por fomentar a igualdade de xénero fomentando a presenza de persoas destacadas nos distintos eidos.

Nesta ocasión tivemos a sorte de contar con:

• Antía Díaz, a coñecida locutora de Radio Voz, grazas a xentileza da Consellería de Educación e Bibliotecas Escolares.
• Sonía Hermida, periodista especializada en temas de educación e fomadora en comunicación, literatura infantil e fomento da lectura. Formación incluída no programa de Lectura e Familias.

Foi un pracer contar con vos. Grazas

Grazas tamén a todos os organismo que apoian a dinamización das bibliotecas e a formación dos seus usuarios.