CEIP FELIPE DE CASTRO |

RECOLLIDA DE VALES PARA MATERIAL E LIBROS

Mar, 07/05/2022 - 09:36

Recordamos que os días para recoller os vales para material de Educación Primaria e os vales para libros de 1º e 2º de Primaria son o 4 e 5 de xullo

LISTAXE PROVISIONAL DE ADMITIDOS NO FONDO DE LIBROS

Mér, 06/29/2022 - 12:23

Xa está publicada a listaxe provisional de admitidos para o reparto de libros do fondo para 3º e 4º de primaria. Esta lista poden consultala no tablón de anuncios de colexio.

Tamén poden consultala individualmente se están admitidos ou non na aplicación FondoLibros utilizando a Chave365 ou certificado dixital.

LISTA DE LIBROS PARA O CURSO 2022-2023

Mar, 06/28/2022 - 13:06

A lista de libros para o curso 2022-2023 poden consultala pulsando aqui.

O mércores 22 celebramos a festa de fin de curso. Este ano realizamos diferentes actividades como xogar nos inchables, practicar xogos medievais, participar no obradoiro de chapas e chaveiros, bodyjump, minigolf, datchball, hockey......

Obradoiro de BEATBOX con Narci Rodríguez

Xov, 06/23/2022 - 12:22

O luns 20 de xuño visitounos o cantante e beatboxer noiés Narci Rodríguez para impartir varios obradoiros de BEATBOX ao noso alumnado na biblioteca do colexio. Esta foi unha das diferentes actividades que realizamos para despedir o curso.

O 21 de xuño tivo lugar na biblioteca do noso colexio a representación do espectáculo "Coa ledicia de voltar", realizado polo autor noiés Serafín Marcos para difundir entre as novas xeracións a vida e obra do autor homenaxeado no Día das Letras Galegas. Houbo tres representacións duns 50´ cada unha.

No espectáculo ‘Coa ledicia de voltar’ Serafín Marcos fixo un percorrido pola vida do autor a través da súa poesía levando ás persoas asistentes dende o Valdeorras natal ata México co humor característico das súas montaxes.

O evento parte dun verso tomado dunha obra de Delgado Gurriarán e pretende descubrir a traxectoria que fai ao escritor ser merecedor do recoñecemento das Letras Galegas deste ano. Será unha “viaxe de volta ao seu Córgomo natal revivindo a travesía marítima de fuxida no Ipanema e gozando pausadamente da natureza valdeorresa, un relato dinámico e participativo no que os versos de Florencio cobran vida”, explicou o autor noiés.

VER FOTOGRAFÍAS DESTE EVENTO

Axudas do Concello de Noia para Libros, Material e Comedor Escolar

Mér, 06/15/2022 - 13:48

Dende o Concello de Noia informan que saiu publicada no Boletín Oficial da Provincia da Coruña a convocatoria para o curso 2022-2023 das axudas para adquisición de libros de texto e material didáctico e para o financiamento do servizo de comedor escolar para educación infantil e primaria .

O prazo para presentar as solicitudes de ditas axudas comenza o 16 de xuño ata o 7 de xullo de 2022 (ambos incluídos)

A continuación adxuntamos a resolución que aproba a convocatoria para o curso 2022-2023 das axudas para adquisición de libros de texto e material didáctico e para o financiamento do servizo de comedor escolar para educación infantil e primaria , así como o modelo de solicitude . Recordar que no caso de que as axudas se soliciten para dos ou máis irmáns, deberá presentarse unha solicitude por cada alumno.

As solicitudes deberán presentarse, correctamente cubertas e coa documentación obrigatoria completa, a través do Rexistro de entrada ou da sede electrónica do Concello de Noia.

Convocatoria

Solicitude

AXUDAS PARA LIBROS, MATERIAL ESCOLAR E FONDO DE LIBROS PARA O CURSO 2022/2023

Mér, 05/18/2022 - 13:22

Publicouse no DOG do mércores 18 de maio de 2022 a orde para solicitar as axudas para libros do alumnado de 1º e 2º de Primaria, o fondo solidario de libros para o alumnado de 3º e 4º de Primaria e as axudas para mateiral escolar do alumnado de toda primaria. Poden descargar o DOG pulsando aqui.

Para o curso 2022/2023 os alumnos de 5º e 6º de Primaria non teñen fondo de libros xa que están incluidos no proxecto E-dixgal e recibiran un ordenador ao principio de curso.

As solicitudes presentaranse preferentemente vía telemática a través da aplicación Fondolibros da Consellería de Educación. O plazo de presentación de solicitudes é do 19 de maio ata o 22 de xuño ambos incluidos. Tamén se pode presentar presencialmente no colexio.

Poden descargar as follas informativas que realizou o colexio pulsando en cada unha delas:

Axudas para libros para o alumnado de 1º e 2º de Primaria

Fondo de libros para o alumnado de 3º e 4º de Primaria

Axudas para material escolar para todo o alumnado de Primaria

Tamén poden descargar a solicitude pulsando aqui e presentala presencialmente.