No seguinte video explícase a maneira de xustificar as faltas de asistencia do alumnado a través da aplicación abalar móbil para as familias. Do mesmo xeito explica como solicitar titoria co profesorado do alumnado.

A Consellería de Educación vai repartir mascarillas entre o alumnado matriculado en primaria. Vanas recibir directamente o alumnado beneficiario das axudas de material escolar. O alumnado que non solicitou a axuda de material escolar tendo dereito a ela pode entregar unha solicitude no colexio desde o 16 de novembro ata o 27 de novembro en horario de 9:30 a 10:30 ou de 12:30 a 13:30.

Alumnado destinatario:

1. Alumnado beneficiario da axuda para adquirir material escolar neste curso (NON TEN QUE PRESENTAR SOLICITUDE)
2. Alumnado que non foi beneficiario (por distintas razóns) e pertence a unha familia con renda per cápita igual ou inferior a 6.000 € (PRESENTAR SOLICITUDE)
3. Alumnado matriculado en EE, baixo tutela ou garda da Xunta de Galicia, ou teña unha discapacidade igual ou superior ao 65% (PRESENTAR SOLICITUDE)

Poden consultar a documentación desta axuda nos seguintes enlaces:

• Publicación no DOG da axuda
• Anexos I e II para facer a solicitude
• Resumo feito polo colexio

SO TEN QUE ENTREGAR A SOLICITUDE O ALUMNADO QUE NON SOLICITOU A AXUDA DE MATERIAL ESCOLAR

Recordamos ás familias que segundo se recolle no calendario escolar do curso 2020- 2021 (Orde do 25 de xuño de 2020 pola que se aproba o calendario escolar do curso 20-21 (DOG. Nº 136 do xoves 9 de xullo de 2020) no seu Artigo 7, punto 2, o CEIP Felipe de Castro escolleu como día non lectivo o venres 9 de outubro de 2020, polo tanto o vindeiro venres 9 de outubro non haberá actividade lectiva e o colexio permanecerá pechado.