Estas últimas semanas estivemos traballando no noso horto para comezar a plantar as primeiras colleitas: cebolas e leitugas. As primeiras parece que xa empezan a asomar así que iremos vendo como medran.

Todo isto queremos enmarcalo no noso proxecto Pegadas Verdes, relacionado co coidado do medio ambiente e a sostenibilidade. É por isto que non só nos dispuxemos a plantar, como unha forma de obter alimentos saudables de xeito sostible e tendo en conta as características da nosa zona xeográfica e as necesidades das plantas, senón que tamén aproveitamos obxectos reciclados, como as botellas de plástico, para crear unhas condicións óptimas para o crecemento das plantas e como medida de protección ante algunhas visitas, como as dos caracois, sen facerlles ningún dano.

Queremos agradecer infinitamente ás familias por axudarnos e colaborar con nós.

Veremos cal é o resultado, vos iremos contando!

Con motivo do PDI sobre sostenibilidade e coidado do medio ambiente, en Educación Infantil estivemos a traballar un aspecto moi importante: o aforro e coidado da auga, un ben que cada vez é máis escaso.

Por este motivo, decidimos levar a cabo un decálogo de boas prácticas sobre o que fomos aprendendo ao longo deste trimestre sobre o consumo responsable de auga co fin de garantir que o seu uso sexa adecuado e evitar a seca, un problema que medra día a día.

Neste derradeiro mes do segundo trimestre as propostas estiveron moi relacionadas co día da poesía,de aí que unha proposta fose "O arco da vella"con diferentes instrumentos,contos,xogos,etc.onde experimentaron e potenciaron a súa creatividade.

• Construcción de casas,castelos,torres,etc..
• Areeiro con coadores e diferentes envases para poder observar a textura da area(exfoliaciónda pel) e a capacidade para encher ditos envases (volumen que ocupa).
• Vida práctica:cortar kiwis da localidade aproveitando que están en tempada para preparar un bol ou  brocheta e saborear a súa acidez .
• Cortar o repolo en anacos para facer un caldiño.
• Trasvase de líquidos utilizando a esponxa e de sólidos como os garavanzos.
• Motricidade fina con pinza para colocar canicas no poppit.
• Resaques metálicos Montessori:trazo da figura xeométrica" o cadrado"para decorar a modo de arco da vella.
• Reto Lego:construir un campo de fútbol como o de Fene " Os Pinares"
• Taller de construcción familiarizándose co torno,polea e martelo.
• Plantar sementes de herba en macetas recicladas de cartóns de papel hixiénico.
• Trazo de números na pizarra,chegando ata o 120.

 O máis interesante e ver como comparten intereses nenas e nenos de diferentes idades,cada vez fan máis cohesión e respétanse uns aos outros.