Estimadas familias, xa están dispoñibles os cheques para a adquisición de material escolar para o vindeiro curso académico.
Poden consultar a listaxe de admitidos e excluídos na web de "fondolibros" (necesaria a chave 365 ou certificado dixital), ou no taboleiro do centro.
Teñen 10 días hábiles para reclamar (ata o 24 de Xullo).
Poden pasar a recoller os cheques no centro en horario de 9:00 a 14:00h.
Debe recoller o cheque o titular do mesmo (pai/nai/titor legal da alumna/o) e presentar o DNI, en caso de total imposibilidade de acudir pode autorizar a alguén mediante impreso, que pode descargarse na web do centro ou solicitalo o propio alumnado na secretaria do centro.
Este ano o IES de Meaño cumpre 25 anos de existencia, 25 anos traballando xuntos (alumnado, familias, profesorado, persoal non docente, etc) para formar en coñecementos, habilidades e valores aos rapaces e rapazas de Meaño.
Para celebralo estamos a organizar unha festa a que está convidada toda a comunidade do concello de Meaño, así como antigo profesorado, antigo alumnado e autoridades.
O festival, “AchanKa fest”, terá lugar o vindeiro venres 21 de xuño no IES de Meaño a partires deas 17h.
Neste festival entregaranse os premios “Creando Futuro”, uns premios que pretenden recoñecer a antigo alumnado do noso centro que contribúe dalgún xeito a crear unha sociedade cun futuro mellor.
Estades todas/os convidados, o acceso é libre, podedes acudir coas vosas familias.
25 de abril Listaxes provisionais de admisión. Podedes consultar no CENTRO ou na aplicación Admisioalumnado(reclamacións 5 días hábiles)
15 de Maio Listaxes definitivas de admisión. Podedes consultar no CENTRO ou na aplicación Admisioalumnado
XORNADA DE ACOLLIDA:
Para o alumnado que se incorporará ao centro no vindeiro curso escolar. (Xoves 30 de Maio, ás 9:45 horas).
MATRÍCULA:Todo o alumnado ten que formalizar a matrícula.( 23 de xuño ao 7 de xullo).
Rógase acudir no horario establecido a continuación, para unha mellor organización do centro: (de 9:00h a 14:15h).
1º ESO - Martes 25 de Xuño
2º ESO - Mércores 26 de Xuño
3º ESO - Xoves 27 de Xuño
4º ESO - Venres 28 de xuño
Normativa sobre o proceso de admisión
Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Orde do 21 de outubro de 2022pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
No IES de Meaño realizamos todos os anos unha actividade de APS (Aprendizaxe e servizo á comunidade) para concienciar ao noso alumnado da importancia da labor social.
Este ano, a actividade consistiu na limpeza dos roteiros entre os Pasales e a praia da Lanzada, unha ruta de arredor de 8km a pé, fomentando así a actividade fisica entre o alumnado. Na actividade participou todo o alumnado do noso IES.
Recollemos moito refugallo, axudando asi a manter a contorna limpa.
Agradecemos a axuda dos servizos de bombeiros e polícia local dos concellos de Meaño e Sanxenxo pola súa axuda na realización desta actividade.
No IES de Meaño realizamos todos os anos unha actividade de APS para concienciar ao noso alumnado da importancia da labor social.
Consistiu na limpeza dos roteiros entre os Pasales e a praia da Lanzada, arredor de 8km a pé.Recollemos moito refugallo, axudando asi a manter a contorna limpa.
Agradecemos a axuda dos servizos de bombeiros e polícia local dos concellos de Meaño e Sanxenxo pola súa axuda na realización desta actividade.
ACREDITACIÓN DAS COMPETENCIAS DIXITAIS DO ALUMNADO
A Resolución do 28 de febreiro de 2024, da Dirección Xeral de Ordenación e Innovación Educativa, dita as instrucións para a acreditación das competencias dixitais do alumnado que cursa ensinanzas de educación secundaria obrigatoria e bacharelato na Comunidade Autónoma de Galicia no curso 2023/24.
No Decreto 123/2021, do 2 de setembro, se regula o Marco galego de competencias dixitais e a certificación galega en competencias dixitais(ComDix) e que ven a concretar o Marco europeo de competencias dixitais (DigComp).
O alumnado que obteña o título de graduada ou graduado en educación secundaria obrigatoria recibirá o certificado que acredite o nivel de iniciación.
O alumnado matriculado en 4º de educación secundaria obrigatoria poderá presentarse a unha proba específica co obxectivo de acreditar os coñecementos, habilidades e actitudes propias do nivel intermedio.
A acreditación do alumnado terá unha validez de cinco anos.
A proba específica que acredita o nivel intermedio realizarase durante o mes de maio.
As probas realizaranse nos centros docentes
A obtención do título de bacharel acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais.
O alumnado matriculado en 2º de bacharelato poderá presentarse a unha proba específica co obxectivo de acreditar os coñecementos, habilidades e actitudes propias da área de dominio 4 do nivel intermedio.
Solicitude e inscrición nas probas específicas: O alumnado de 4º de educación secundaria obrigatoria que desexe realizar a proba específica solicitará a súa inscrición empregando o modelo establecido no anexo IV
O alumnado menor de idade contará coa autorización das persoas proxenitoras ou das persoas titoras legais para poder inscribirse na realización da proba.
Un curso máis o alumnado de Relixión realiza unha visita ao Belén de Valga para disfrutar das escenas máis orixinais e novidosas. Como cada ano, é un día moi especial.
