Taboleiro

ACTO DE DESPEDIDA DO ALUMNADO DE 2º DE BACHARELATO. PROMOCIÓN 2022

O pasado venres, 10 de xuño, tivo lugar o acto de despedida do alumnado de 2º de Bacherelato. Despois de dous anos de restriccións por causa da pandemia por fin se pudideron xuntar os rapaces e rapazas, as súas familias e o profesorado  no centro para compartir a despedida e moitas emocións.

Tivemos tamén un mágnífico preludio musical á cargo do grupo FAVORITA.

Tamén puidemos compartir un aperitivo ao final do evento.

Aí queda un resume coas mellores imaxes do evento (picando na imaxe podes ver as imaxes máis grandes, no flickr):

 

Despedida Promoción 2022 2º Bac. do Losada

E tamén podes ver o vídeo que recolle os mellores momentos do seu paso polo Losada:

 

RECLAMACIÓNS DE 1º BACHARELATO

O prazo de reclamación das cualificacións da avaliación ordinaria de 1º Bacharelato comprende dende a publicación das cualificacións ata o día 8 de xuño de 2022.

AXUDAS PARA MATERIAL ESCOLAR E LIBROS DE TEXTO

O prazo para solicitar as axudas de material escolar e libros de texto remata o 22 de xuño (incluído).

Pode consultarse toda a información e documentación AQUÍ.

O alumnado matriculado na etapa da ESO no IES Plurilingüe Antón Losada Diéguez está excluído da participación do fondo solidario de libros de texto ao estar implantado no centro o proxecto E-DIXGAL na ESO. Non obstante, poderá solicitar a axuda para adquirir material escolar.

CALENDARO FIN DE CURSO 2021-2022 DE 2º BACHARELATO

Podes consultar e descargar o calendario fin de curso de 2º BACHARELATO AQUÍ

TODA A INFORMACIÓN SOBRE AS RECLAMACIÓNS, PRAZOS, E MODELOS DAS MESMAS NESTE ENLACE.

PROBA ABAU 2022

Xa están publicadas as datas das probas ABAU do curso 2021-2022.

 A convocatoria ordinaria será os días 7, 8 e 9 de xuño.

 A convocatoria extraordinaria será os días 12, 13 e 14 de xullo.

 Podes consultar toda a información sobre as probas na páxina da CIUG: https://ciug.gal/gal

Video informativo:

PRESÉNTASE "RADIO XOVEN" A RADIO DA FP BÁSICA DO LOSADA

Xa está nas ondas o primeiro programa da "Radio Xoven" do alumnado da FPB do Losada. Trátase do realizado polos rapaces e rapazas do primeiro curso do ciclo básico de carpintaría e moble que publican un interesante percorrido con entrevistas e contidos amenos polos estudos da familia profesional que se ofrecen no centro. Aí deixamos o mesmo, que se realizou no ámbito da materia de Comunicación e sociedade, co profe Esteban e coa colaboración de Pablo Chichas, que está a facer as prácticas de mestrado no centro. Parabéns  pola iniciativa! Escóitao:

NOVIDADE!!! PODES ESCOITAR TODOS OS PROGRAMAS REALIZADOS PICANDO AQUÍ

ABERTO O PRAZO PARA A SOLICITUDE DE BOLSAS DE ESTUDOS PARA BACHARELATO E FORMACIÓN PROFESIONAL

Esta aberto o prazo para a solicitude de bolsas de estudos para o curso académico 2022-2023 para o alumnado que vai cursar estudos de BACHARELATO OU CICLOS FORMATIVOS MEDIOS E SUPERIORES.

O prazo de solicitude remata o 12 de maio. Debe facerse a solicitude obrigatoriamente neste período, aínda que non se abrise o prazo de matrícula nos estudos que se pense realizar.

A convocatoria publicada no BOE pode consultarse AQUÍ

Poden consultarse os requisitos AQUÍ

A solicitude debe facerse de xeito virtual na páxina web do Ministerio de Educación

 

ADMISIÓN DE ALUMNADO PARA O CURSO 2022-2023

Está aberto o prazo de admisión de alumnado en centros docentes sostidos con fondos públicos para o curso 2022/2023. O procedemento é o seguinte:

Prazo de presentación de solicitudes: do 1 ao 21 de marzo.

  • Solicitudes:
    • A través da aplicación https://www.edu.xunta.gal/admisionalumnado. A solicitude debe ser impresa e unha vez asinada presentala no centro xunto  coa documentación que se indica máis abaixo.

    • En Sede electrónica, mediante Chave365 ou Certificado Dixital. A solicitude faise na sede, onde se sobe a documentación escaneada, e neste caso non é necesario entregar nin a solicitude nin a documentación no centro.

    • No centro. Hai que recoller o impreso ED550B, cumprimentalo, asinalo e presentalo no instituto xunto coa documentación que se indica a seguir.

  • Documentación que se debe achegar:
    • Fotocopia do DNI ou do libro de familia (páxina na que figure o alumno que solicita praza).

    • Certificado do expediente académico, expedido polo centro no que está actualmente matriculado/a o alumno/a que solicita praza.

    • De se dar o caso, sentenza xudicial de separación ou divorcio e/ou convenio regulador onde conste a custodia do menor.

 


 

DÍA DA MULLER NO LOSADA. EXPOSICIÓN MULLERES VALENTES

Inaugúrase no Losada unha selección de 20 traballos pertencentes a Exposición MULLERES VALENTES da autoría da deseñadora estradense Rosa de Cabanas. Esta actividade inclúsese dentro da celebración do Día da Muller no centro. A mostra encóntrase no corredor da biblioteca e estará aberta ata o 25 de marzo.

Podes consultar máis info no Blog da Biblioteca.

 

CURSOS FORMATIVOS DIRIXIDOS A PERSOAS DESEMPREGADAS NO LOSADA.

Entre os próximos meses de marzo e xuño, serán impartidos no IES Antón Losada Diéguez dous cursos de formación para o emprego (AFD).

Estes estarán destinados preferentemente a persoas desempregadas.

Estes cursos serán os seguintes:

TRABALLOS DE CARPINTARÍA E MOBLE (378 horas)

Do 14/03/2022 a 30/06/2022.

Este curso inclúe un módulo Básico de prevención de riscos laborais de 60 horas.

A proba de selección será o 09/03/2022 ás 10:00 horas no IES  Plurilingüe Antón Losada Diéguez.

Información completa sobre o curso AQUÍ

OPERACIÓNS AUXILIARES DE MANTEMENTO EN ELECTROMECÁNICA DE VEHÍCULOS (328 horas)

Do 16/03/2022 a 22/06/2022

A proba de selección será o 10/03/2022 ás 10:00 horas no IES Plurilingüe Antón Losada Diéguez

Información completa sobre o curso AQUÍ

As persoas que superen satisfactoriamente estes cursos obterán un CERTIFICADO DE PROFESIONALIDADE, que permite a inserción no mundo laboral, nos sectores sobre os que tratan os cursos.

Ademais o alumnado disporá de bolsas e axudas reguladas pola correspondente convocatoria.