Está aberto o prazo para a solicitude de bolsas e axudas dirixidas ao alumnado con Necesidades Específicas de Apoio Educativo (NEAE) para o curso 2023/2024 ata o 20 de setembro.
Toda a información sobre a convocatoria pode consultarse AQUÍ
As familias que desexen realizar a solicitude deben poñerse en contacto co Departamento de Orientación do centro. 

O IES Pl. Antón Losada Diéguez continúa coas actividades da Escola de Familias

A iniciativa da Escola de Familias naceu co obxectivo decrear un espazo  e un tempo de formación conxunta entre as familias e a escola, no que poidamos aprender xuntos, identificar os puntos fortes e débiles das nosas actuacións como educadoras e educadores, e acompañar o desenvolvemento do noso alumno (e dos nosos fillos e fillas) do xeito máis óptimo posible. A primeira actividade será:

Impacto da tecnoloxía na adolescencia. Claves para educar na era dixital
Antonio Rial Boubeta – Doutor e Piscoloxía e profesor titular da USC.
Data: 18 de maio de 2023
Hora: 19.00
Lugar: Biblioteca do IES P. Antón Losada Diéguez

A actividade están convidadas as familias da comunidade educativa do Losada, así como as familias do alumnado de 6º curso do CEIP Figueiroa, centro adscrito ao Losada. O convite faise estensivo ao profesorado tamén.
Na iniciativa, contamos coa colaboración da ANPA do noso centro.

Antonio Rial Boubeta. Doutor en Psicoloxía e Profesor Titular da Universidade de Santiago de Compostela. Director técnico da Unidade de Psicoloxía do Consumidor e experto en metodoloxía de investigación en ciencias sociais e da saúde. Responsable de numerosos proxectos de investigación do eido da mocidade, dende o Uso problemático de Internet, as redes sociais o ciberbullying, ao consumo de alcohol. Dirixíu en 2019 un dos maiores estudios realizados en España sobre o problema do Xogo en menores. É coautor do libro “Adolescentes y Nuevas Tecnologías: una responsabilidad compartida”. Ven de dirixir o Estudio sobre o impacto da tecnoloxía na adolescencia, levado a cabo por UNICEF cunha mostra de mais de 50.000 estudantes de secundaria. 

Aberto o prazo dende o 27 de marzo ao 17 de maio de 2023 para a solicitude das bolsas xerais do Ministerio de Educación e Formación Profesional. 

As axudas están dirixidas ao alumnado de: 

• Bacharelato
• Cursos de acceso e de preparación para probas de acceso á FP e cursos de formación específicos para acceso a ciclos formativos de grao medio e superior, impartidos en centros públicos e privados concertados
• Formación Profesional de grao medio e de grao superior
• Ensinanzas artísticas: profesionais e superiores
• Ensinanzas de idiomas en Escolas Oficiais, incluída a modalidade a distancia
• Ensinanzas deportivas
• Estudos relixiosos superiores
• Formación Profesional de Grao Básico

Resume da convocatoria AQUÍ

Podes ampliar información aquí ou poñerte en contacto co Departamento de Orientación do centro.

O martes 28 e o mércores 29 de marzo terá lugar, no pavillón 4 da Fundación de exposicións  a II Mostra da orientación da Estrada, na que o IES Plurilingüe Antón Losada Diéguez participa como entidade organizadora.

O obxectivo do envento é achegar ao alumnado dos centros da contorna as diferentes posibilidades e ofertas eductivas do ensino profesional, universitario e outras opcións. Nese marco o noso centro achegará, a través de diferentes stands, a súa oferta de ciclos formativos das familias profesionais:

FAMILIA PROFESIONAL DE MADEIRA MOBLE E CORTIZA

FAMILIA PROFESIONAL DE INFORMÁTICA E COMUNICACIÓNS

FAMILIA PROFESIONAL DE TRANSPORTE E MANTEMENTO DE VEHÍCULOS

FAMILIA PROFESIONAL DE ADMINISTRACIÓN E XESTIÓN

Ademais, o alumnado do centro participará en diferentes actividades da PROGRAMACIÓN que se ofrece.

O IES Pl. Antón Losada Diéguez pon en marcha a Escola de familias. Este luns terá lugar a primeira actividade.

A iniciativa pretende crear un espazo e un tempo de formación conxunta entre as familias e a escola, no que poidamos aprender xuntos, identificar os puntos fortes e débiles das nosas actuacións como educadoras e educadores, e acompañar o desenvolvemento do noso alumno (e dos nosos fillos e fillas) do xeito máis óptimo posible. A primeira actividade será:

Como acompañar a saúde emocional da comunidade educativa?
Manuel Armas Castro – Psicólogo, Doutor en Ciencias da Educación, Coordinador do EOE (A Coruña) e especialista en trastornos de conduta.
Data: 27 de febreiro de 2023
Hora: 19.30
Lugar: Biblioteca do IES P. Antón Losada Diéguez

A actividade están convidadas as familias da comunidade educativa do Losada, así como as familias do alumnado de 6º curso do CEIP Figueiroa, centro adscrito ao Losada. O convite faise estensivo ao profesorado tamén.
Na iniciativa, contamos coa colaboración da ANPA do noso centro.

Manuel Armas Castro: é psicólogo e Doutor en Ciencias da Educación pola Universidade de Santiago de Compostela. Actualmente é coordinador do Equipo de Orientación Específico (EOE) de A Coruña, un servizo con carácter provincial en Galicia que asesora e colabora cos Departamentos de Orientación no desenvolvemento das súas funcións. Asemade, é especialista na organización e desenvolvemento da atención educativa do alumnado que presenta trastornos graves de conduta. É un referente no campo da orientación educativa cunha ampla traxectoria profesional, investigadora e divulgativa en temas tan relevantes como a inclusión educativa, a convivencia, o benestar emocional e o enfoque sociocomunitario para a atención educativa do alumnado.

ACTIVIDADES DE FORMACIÓN EN LINGUAS ESTRANXEIRAS (ANO 2023) PARA ALUMNADO DE BACHARELATO 

A Consellería de Cultura, Educación, FP e Universidades convoca un total de 152 axudas para a realización de actividades de formación en linguas estranxeiras dirixidas ao alumnado de 1º e 2º de Bacharelato. O prazo remata o 14 de marzo. 
Pódese ampliar información aquí e tamén contactar co departamento de orientación do noso centro.

PROBAS LIBRES PARA A OBTENCIÓN DO TÍTULO DA ESO 
O alumnado maior de 18 anos poderá presentarse a unha proba libre para a obtención do título da ESO no mes de maio e setembro. 
Os prazos de matrícula son: 

• Convocatoria de maio: 6 de marzo ao 16 de marzo de 2023, ambos os dous incluídos.
• Convocatoria de setembro: 3 de xullo ao 10 de xullo de 2023, ambos os dous incluídos.

Pódese ampliar información aquí e tamén contactar co departamento de orientación do noso centro. 
 
PROBAS LIBRES PARA A OBTENCIÓN DO TÍTULO DE BACHARELATO 
O alumnado maior de 20 anos poderá presentarse a unha proba libre para a obtención do título de Bacharelato. O período de inscrición na proba estará comprendido entre o 6 e o 15 de marzo de 2022. 
Pódese ampliar información aquí e tamén contactar co departamento de orientación do noso centro.

Lembrámoslles as familias do noso alumnado que está aberto o prazo para presentar solicitude de axuda para o alumnado con necesidades específicas de apoio educativo para o curso 2022-2023. Este prazo remata o venres 30 de setembro.

Pode consultarse a convocatoria e demais información AQUÍ.

Para calquera dúbida relacionada con estas bolsas poden dirixirxe ao departamento de orientación do centro.

Xa están publicadas as datas das probas ABAU do curso 2021-2022.

 A convocatoria ordinaria será os días 7, 8 e 9 de xuño.

 A convocatoria extraordinaria será os días 12, 13 e 14 de xullo.

 Podes consultar toda a información sobre as probas na páxina da CIUG: https://ciug.gal/gal

Video informativo: