Skip to Content

CURSO 2016-2017

CELEBRACIÓN DO SAMAÍN NO ILLA DE SARÓN

O pasado martes 31 de outubro, celebrouse no noso centro a festa do Samaín, a máis importante do período precristián, marcaba para os celtas o comezo dun novo ano. Nesa data prendíanse lumes sagrados frotando pólas de capudre e teixo. Con esta cacharela inicial alimentábanse as lareiras de todas as casas.

Polo samaín era costume baleirar nabos de gran tamaño –posteriormente cabazas- para porlles dentro candeas.

Varios séculos despois esta tradición ten continuidade nas festas de Halloween (adaptación do samaín á cultura americana, sendo máis semellante a un entroido), que poderían ter sido exportadas aos Estados Unidos de América polos irlandeses no século XIX.

Con motivo desta data o alumnado de 4º de ESO organizou o Festival de Halloween e Samaín con desfiles de disfraces, xogos e venta de doces caseiros, co fin de recadar fondos para a viaxe de fin de curso.

A Biblioteca escolar  tamén está presente nesta celebración cunha exposición de libros de tremer  e o alumnado colabora na decoración ambiental da entrada do centro.

 

 

PULSANDO AQUI PODEDES ACCEDER A MAIS FOTOS DESE DÍA.

VIDEO INTERCAMBIO FRANCIA CURSO 2016/2017

LER CONTA MOITO 2017: MAXIA LAB

Gracias ó Programa Ler Conta moito 2017 para a dinamización á lectura nas Bibliotecas públicas integradas na Rede de Bibliotecas Públicas de Galicia,  o concello de Xove invita ó  alumnado do IES Illa de Saron á asistir o próximo día 22 de maio ó espectáculo MAXIA LAB no Salón de Actos do Concello.

Trátase dun espectáculo interactivo de divulgación científica. Consiste nun percorrido pola historia da ciencia e da tecnoloxía, desde o Big Bang ós buratos negros etc.. Unha mestura dun show de ciencia con maxia e interactividade co público,  da man de José Ricardo Paredes Pampín, o mago Richard. 

 

INTERCAMBIO FRANCIA CURSO 2016/17 ALUMNADO 3º - 4º ESO

Dende o 30 abril ó 7 de maio o alumnado de Francés  de 3º e 4º de ESO do IES Illa de Sarón e do IES Marqués de Sargadelos,  acompañados polo profesor de Francés Alberto Aguado e o profesor de Educación Física Tomás Porto, participaron nun intercambio con alumnado francés do Collège Les Clorisseaux,  da ciudad de Poilly-lez-Gien, Francia. Con esta actividade preténdese mellorar a comunicación oral en lingua francesa do noso alumnado así como afondar no coñecemento das costumes e patrimonio cultural do pais veciño, convivindo con familias francesas.

Aproveitaron a viaxe para coñecer París, visitaron os lugares emblemáticos da capital e realizaron un percorrido en barco polo Sena. Visitaron tamén Fontaineblau e participaron nun obradoiro de Esgrima, deporte que ningún dos partipantes practicara antes.

Chegaron agotados, pero moi contentos da experiencia e con ganas de recomendala ós compañeiros de outros cursos que  poderán repetir esta experiencia  en vindeiros anos.

Mais informacion sobre esta actividade na páxina web do Departamento de Francés.

 

 PARÍS. ALUMNADO ILLA DE SARÓN E MARQUÉS DE SARGADELOS

INTERCAMBIO FRANCIA 2016/17

 FOTOGRAFIA CREATIVA TORRE EIFFEL

 

GRUPO ALUMNADO 4º ESO ILLA DE SARÓN

INTERCAMBIO FRANCIA 2016-17

IX CONCURSO GALEGO DE ROBÓTICA

O alumnado de Tecnoloxía de 4º de ESO e de 1º do Ciclo medio de  de Sistemas Microinformáticos e Redes participaron o día 27 de abril no IX CONCURSO GALEGO DE ROBÓTICA,organizado por Igaciencia, contando coa colaboración da Fundación Barrié.

O resto do alumnado de 4º de ESO que non participaba no curso, aproveitaron a viaxe a Coruña para visitar a Casa das Ciencias e pasaron unha mañá moi entretida en PURO SWING, unha exposición sobre péndulos con experiencias interactivas.