O mércores 04 de outubro de 2017 os alumnos/as de 2º de ESO fixeron a actividade "O sabor da Aventura está no mar".
A saída foi as 09:15 horas en autobús que nos levou ata a zona de marisqueo da praia do Terrón. Nesta visita estivemos acompañados por dous guías, Rita e Gonzalo ademais de Mª Soidade como representante das mariscadoras de Vilanova de Arousa.
O primeiro que fixemos foi cambiar o calzado para poder acceder ó lugar de traballo. Antes nos deron unha charla para explicarnos como funcionaba a cofradía de mariscadoras, que labores tiñan que realizar e como se organizaba o traballo de extracción e limpeza das zonas de marisqueo.
Unha vez explicado isto observamos de forma directa o traballo das mariscadoras, ensináronnos as diferenzas entre os distintos tipos de ameixas, e os distintos tipos de ferramentas empregadas. Tamén os alumnos/as puideron probar a extraer algunha ameixa aínda que non houbo bos resultados.
Despois o autobús levounos á lonxa e alí explicáronnos dunha forma moi clara e visual como é o proceso de separación do marisco e de pesaxe para a subasta posterior do producto. Tamén nos deron información sobre as diferentes artes de pesca empregadas.
Por último, na casa do pescador degustamos uns pratos elaborados cos produtos do mar e presentáronnos os protagonistas da campaña dentro da cal ten lugar esta actividade.
Todas as fotos na galería