Primeiro trimestre

I CONCURSO DE RELATOS DE TERROR

 

Parabéns a todos e a todas os que participastes no concurso promovido pola biblioteca e o EDLG, especialmente a Ainara Villanueva, Carmen Oubiña e Valeria Outeda que conseguiron o 1º, 2º e 3º premio respectivamente. As tres aceptaron compartir con nós os seus relatos e léronnolos en todas as aulas durante a "Hora de ler" desta semana. Grazas rapazas.

Podes ver aquí as imaxes.                                                                                                                                             

     

VISITA Ó XACEMENTO ARQUEOLÓXICO DE CÁLAGO

  O alumnado de 3º ESO acudimos en dúas quendas, o día 11 e o 16 de outubro, a Cálago para participar nunha visita guiada antes de que se pechase a segunda fase da escavación no xacemento arqueolóxico. Os responsables da escavación explicáronnos como conseguiron localizar os restos e insistíronnos na importancia da información que estes nos dan sobre os nosos antepasados: costumes, alimentación, xoias, diferenzas entre as vivendas da época castrexa e da época romana, relacións comerciais con outros pobos,…

  Como podedes ver nas imaxes, a visita espertou o noso interese e algúns mesmo quixeron "botar unha man". Os arqueólogos e o alcalde animáronnos a coidar o noso patrimonio e a non infravalorar a importancia deste lugar no que naceu a nosa vila e que, quen sabe aínda o que nos pode ofrecer en próximas escavacións.                                                                                                                                                                      

 

 

RUTA DO CARREIRÓN. TEI

O venres 28 de setembro os/as  alumnos/as de 1º e 3º de ESO fixeron a ruta do Carreirón ( na Illa de Arousa). Esta actividade se encadra dentro do programa de Titoría entre iguais. A pesar de que na primeira parte do percorrido tivemos algo de néboa puidemos disfrutar dun día soleado e con boa temperatura.  Na parte final tivemos un pequeno despiste posto que nun dos cruces despistámonos e tivemos que retroceder. Os/as alumnos/as tiñan que cubrir por parellas compostas do titor-titorizado unha ficha con preguntas que se podían resolver durante a camiñata. 

Os profesores acompañantes foron: Adolfo Barcía, Marta Cobas,Begoña Ferreiro e Mónica Vélez.

 

 

I Concerto de Nadal do IES Faro das Lúas

Este ano  tivemos un fetival de nadal moi especial e  David Regueiro, profesor de música do noso centro organizou un concerto protagonizado polo alumnado do Faro das Lúas, que o fixeron xenial. Antes do concerto se leron os relatos gañadores do I concurso de relatos contra a Violencia de Xénero do IEs Faro das Lúas.

O podedes comprobar vendo o seguinte video:

  

Día da discapacidade

O Departamento de Orientación traballou o día tres de decembro a discapacidade. A idea era cambiar o concepto e en lugar de  DISCAPACIDADE entender que todos temos capacidades máis ou menos desenvoltas poñendo así o noso interés en DI-CAPACIDADE. E, do mesmo xeito, todos atopamos aspectos nos que temos limitacións.
Con este obxecto formulouse un traballo dentro das titorías de cada grupo no que visionaron varios vídeos: "El cazo de Lorenzo", "Lo incorrecto. Una nueva mirada hacia la discapacidad" e unha canción do Langui. Despois cada grupo tiña que facer un mural co título anterior propoñendo aquelas cousas para as que todos temos capacidades (di capacidade de sentir, di capacidade de soñar, di capacidade de imaxinar, di capacidade de chorar...). Este mural complementouse con outro feito polo Departamento de Orientación ó que contribuiu o de Educación Física con láminas, fotos e frases relacionadas con todo o formulado.

Atlantis. A ciencia do mito

 

O alumnado de 4º asistiu a unha charla programada dende o Departamento de Xeografía  e Historia  titulada : Atlantis. A ciencia do mito.
Dita charla foi impartida polo periodista Emilio Varela o día 18 de decembro na aula de tecnoloxía do centro. O tema foi un repaso pola actividade dos volcáns mais coñecidos do Mediterráneo a súas repercusións e unha posible relación co mito da Atlántida, súa situación e desaparición. Ao final da exposición levouse a cabo un debate sobre o cambio climático e a repercusión no noso planeta.

   

Día da Constititución

O departamento de Xeografía e Historia encárgase da conmemoración do "Día da Constitución". Traballouse nas aulas co alumnado de 3º e 4º de ESO. Fixeron unha presentación sobre o feito constitucional. En setembro foron informados do proxecto a realizar, para poder facelo ó longo da 1ª avaliación, e poder empezar a expoñelo na semana anterior á celebración. A participación tanto en 3º como en 4º foi moi boa e os resultados do traballo tamén resultou altamente satisfactorio.
Algunhas das presentacións foron proxectadas na pantalla do recibidor do instituto durante os días previos á celebración. Aquí tendes algúns exemplos

 

 

Magosto

O venres 10 de novembro celebramos o magosto. Primeiro xogamos ao brilé, ao pano, a relevos e ao bombardeo ou KO, mentres un grupo de alumnos e alumnas de 4º preparaban os cucuruchos e asasban as castañas. Despois desfrutamos dunhas estupendas castañas. Deixamos aqui o vídeo que fixemos desta actividade:

Lectura de textos de Valle-Inclán

 

O venres 27 de outubre un grupo de alumnos de 1º, 2º e 3º de ESO foron á casa de Valle-Inclán en Vilanova de Arousa acompañados por Mónica Vélez Tena. Alí fixeron a lectura dun texto de Valle. Previamente fixeron a lectura as autoridades do concello e da Xunta cun texto da Media Noche.

Aquí tendes as fotos das actividades:

   
 
Distribuir contido