Actividade de Ioga no nocturno
Os alumnos de nocturno disfrutaron de un taller de ioga impartido por unha profesora que da clases de hataioga no val Miñor, Teresa Prados, e un voluntario da asociación DEVI que difunde o dhyanaioga polas escolas da bisbarra de Vigo, Mario Bonaroti.
A actividade foi pensada como complemento ás clases do ámbito científico nas unidades didácticas do corpo humano.
Consistiu en darnos a coñecer os distintos tipos de ioga, reparando máis no dhyanaioga.
Explicaron en que consiste o hataioga, o ioga das posturas corporais, indicando como intervén no funcionamento do corpo humano, tanto na musculatura como na relaxación dos órganos internos. Despois trataron do dhyanaioga, que é o ioga da meditación explicando como inflúe na concentración e no control das nosas actuacións. Fixeron especial fincapé no pranayama, que é a palabra que utilizan para referirse á respiración consciente.
Ao final da actividade tivemos unha sesión de relaxación.
O alumnado implicado foi:
En xaneiro: 3º ESA B, PCPI B.
En febreiro: PCPI A
Participaron as profesoras Pilar Gil, Inés Pereiro e Pura González.
