O IES de Poio ven de ser seleccionado pola Deputación de Pontevedra na convocatoria de procedemento de adhesión de centros de Formación profesional para a formación dun consorcio de mobilidade dentro do proxecto Erasmus+ KA102 "Practicum Depo 2020".
Trátase dun proxecto Erasmus+ que solicitará a Deputación de Pontevedra. Este proxecto permitirá que alumnado do Ciclo medio de Conducción de actividades físico-deportivas no medio natural do instituto realice prácticas laborais en Europa e profesorado do ciclo realice mobilidades relacionadas con esas empresas europeas.