DATAS DE INICIO DE CURSO
Debido a que o 24 de setembro é festivo en Poio, foi necesario facer algunhas modificacións no calendario de comezo da actividade lectiva. No IES de Poio, as datas de inicio son as seguintes:
- MÉRCORES 23 – 1º ESO, 2º ESO, 1º BACHARELATO, 1º CICLO MEDIO
- VENRES 25 – 3º ESO, 2º BACHARELATO
- LUNS 28 – 4º ESO
No día de inicio de curso correspondente, todos os niveis comezarán no horario ordinario do centro (9.00h) e permanecerán no centro toda a xornada (ata as 14.30h e o luns tamén de 16.30h a 18.10h). Os días seguintes o alumnado continuará vindo ao centro no horario ordinario.
Para vir ao centro, xa dende o primeiro día, o alumnado de ESO con transporte subirá á liña que lle corresponde. Antes do inicio das clases confirmaráselle ao alumnado de Bacharelato se dispón de praza no transporte.
DISTRIBUCIÓN DO ALUMNADO POR NIVEIS
Todos os grupos terán docencia presencial, mantendo a distancia de seguridade na aula. Despois de realizar os desdobres correspondentes e reducir as ratios por aula, contamos coa seguinte distribución de grupos:
- 6 grupos de 1º ESO
- 6 grupos de 2º ESO
- 5 grupos de 3º ESO
- 4 grupos de 4º ESO
- 3 grupos de 1º BACHARELATO
- 2 grupos de 2º BACHARELATO
PROGRAMA DE ACOLLIDA
Polo momento, só é posíbel realizar reunións de acollida coas familias e alumnado de 1º ESO. Terán lugar o luns 21 pola tarde. Enviarase a convocatoria a través de Abalar e publicarase na páxina web.
Para o alumnado de 2º ESO en diante subirase toda a información á páxina web para que poidan consultala antes de comezar as clases.
Ademais, o día de inicio de curso cada grupo será recibido pola súa titora ou titor, quen lle explicará as cuestións relacionadas coa nova organización e funcionamento do centro.
