Estimadas familias,
O inicio do curso 2020-2021 é inminente e poñémonos en contacto con vós para informarvos que nestes primeiros días do mes de setembro a comunidade educativa do IES de POIO revisará o “PLAN DE ADAPTACIÓN Á SITUACIÓN COVID-19 NO CURSO 2020-2021” que se redactou seguindo as instrucións da Consellería de Educación e no que se recollen tódalas medidas de seguridade recomendadas polas autoridades educativas e sanitarias.
Dadas as cambiantes circunstancias nas que estamos traballando, as modificacións de dito plan estanse facendo ata última hora. Nembargantes, antes do inicio da actividades lectivas e, tan pronto como a comunidade educativa o aprobe, convocarase vía a aplicación ABALAR MÓBIL ás familias a reunións nas que se informará das concrecións do devandito plan e resolverán as dúbidas que poidan ter.
Atentamente,
A Dirección do IES de POIO
Tamén poden atopar o comunicado no documento adxunto.
| Adxunto | Tamaño |
|---|---|
| Inicio curso.pdf | 46.44 KB |
