A actividade, organizada pola asociación Agorae e promovida pola Dirección Xeral de Xuventude, convocou a dez centros de ensino de toda Galicia. A edición galega dos debates escolares Modelo Parlamento Europeo (MEP) reuníu medio cento de alumnos de nove centros galegos. O equipo carballinés, Lucía España, Yeray Diéguez e Dana Michaelis, obtiveron moi boa puntuación mentras que Ana Fernández Justo acadou a categoría de finalista entre o conxunto de oradores. Este éxito obtido non sería posible sen o traballo interdisciplinar desenvolvido no IES Chamoso Lamas polos departamentos de FOL , Administrativo, Ciencias Naturais e Bioloxía, Economía, Filosofía, Inglés, Historia, Normalización Lingüística, Lingua e Literatura Galega e o apoio da Dirección do centro.
O pasado 29 de marzo celebrouse no auditorio do Carballiño o I Club de Debate, onde escolares pertencentes aos dous institutos da vila debateron sobre a independencia de Galicia.
O equipo do noso centro formado por Elisa Nóvoa, Patricia Henriques, Rebeca Rodríguez, Noemí García, Álvaro Suárez, Francisco Javier Silvares, Alba Iglesias, Lucía España, Santiago Estévez e Ana Fernández, preparados por Clara Vázquez e Miguel Pereira, acadou 377 puntos fronte os 296 que acadou o grupo do instituto Número 1.
Parabéns aos integrantes do noso equipo e sorte aos dous centros para a fase final que terá lugar en Ferrol o sábado 26 de abril, onde competirán contra os mellores equipos de Galicia.
