IES Castelao

Fun Home. Unha Familia Traxicómica    Alison Bechdel

Fun Home. Unha Familia Traxicómica é unha novela gráfica que fai un relato autobiográfico da familia da debuxante estadounidense Alison Bechdel. Narra a súa infancia e xuventude na Pensilvania rural, centrándose na complexa relación co seu pai.

Os meus mangas preferidos (2)

P.A.R. comentounos na seguinte  reunión do Club de Manga outros  dos seus libros favoritos:

Lovely complex

Escrita e debuxada por Aya Nakahara, é  unha historia máis ben romántica. Trata sobre dous estudantes de preparatoria, a moza Koizumi que ten a peculiaridade de ser alta para o seu contorno (1,70),  e Otani, de 1,56, bastante baixo para un rapaz da súa idade.

Lévanse mal dende o principio pero acaban sendo amigos por medio dunha “aposta”: debían axudarse mutuamente para atopar cadansúa parella. Co paso de tempo descobren que teñen máis cousas en común do que cren e algo máis… Aínda así pasan a vida normal coas dificultades de calquera estudante de preparatoria e acabarán namorándose.

Doraemon

Si, pode parecer un pouco infantil pero a que non lle gusta este magnífico gato robot do futuro?

Doraemon sae un día do caixón da mesa de Nobita Nobi, un neno de 10 anos que vive nun dos barrios residenciais do Xapón. O gato robot intentará axudar a Nobita en todo o que poida, animándoo para que estude e protexéndoo dos abusos de Xigante e Suneo. Xunto a Doraemon e ós seus aparellos, Nobita e os seus amigos vivirán todo tipo de emocionantes aventuras.  O manga paréceme moito mellor có anime.

O autor é Fujio Fujiko.

Os meus mangas preferidos (1)

Unha das integrantes do Club de lectura de Manga, P.A R., de 2º ESO A,  falounos no mes de abril dos seus mangas favoritos:

Toradora

Da autora Kuyuko Takemiya, a historia, que se desenvolve ao longo de sete volumes, trata sobre a vida de dous estudantes de segundo ano de preparatoria. Os protagonistas, Taiga e Ryûji, tamén son veciños e ao principio trátanse fatal, pero é incrible como ao longo da historia van evolucionando  e mellorando a súa relación.

El profesor Layton y sus divertidos misterios

A autora desta colección de catro volumes é Naoki Sakura. Este manga encantoume porque o profesor Layton pon os seus dotes deductivos ao servizo da humanidade, resolvendo  casos complicados. A trama é moi graciosa. Ademais inclúe varios puzles moi entretidos e pode lerse sen ver os videoxogos  do mesmo título.

El dulce hogar de Chi

Kanata Konami escribe a historia da gata Chi, unha doce cría de gata que se perde na cidade e que é recollida por unha familia. Aí comezan as súas aventuras e convivencia coa familia na súa nova casa. Cóntannos momentos da vida da gatiña: o seu primeiro encontro cun coche, un can…

  El increíble caso de Barnaby Brocket                   John Boyne

Esta novela é moi entretida pola particularidade que presenta o protagonista que o fai cambiar de lugar tantas veces e coñecer a tantas persoas diferentes. É un neno que desobedece a lei da gravidade, que viaxa flotando polo mundo.

            Seus país trátano mal, di Cristina, excluíndoo da vida social e sen permitirle saír da casa; non deberían tratalo así por ser diferente xa que se cadra os diferentes son eles mesmos e non Barnaby.

                                         Hoyos                                Louis Sachar                                        

Esta novela convídanos a reflexionar sobre o bo que é traballar en equipo, segundo Hiwot, xa que Zero e mais Stanley, malia o moitísimo que lles custou saír do campamento Lago Verde, xuntos conseguírono. Tamén nos fai reflexionar sobre o importante que son os amigos, porque eles o eran.

O 2 de abril, os grupos de 3º da ESO A, B e 3º de PMAR, acompañados polas  profesoras Irene Mera, Helena Fernández e Gloria Paredes, dos Departamentos e Historia e Lingua e Literatura Galega, visitamos o Museo de Pontevedra e a Casa Museo de Rosalía de Castro.

A primeira parada foi no Sexto Edificio do Museo de Pontevedra, onde unha guía nos explicou as  pezas de pintura e escultura dalgunhas salas e un dos cadros estrela prestado polo Museo do Prado: “Retrato de médico”, de El Greco.

A continuación levounos ás salas onde teñen a exposición permante de Castelao, un dos obxectos da nosa visita. Ensináronnos a súa obra gráfica, os álbums de cegos, algún dos seus  cadros e mesmo as carautas e deseños para a representación de Os vellos non deben de namorarse  que alí gardan celosamente.

Álbum: Curso 2018/2019 -> Visita ao Museo de Pontevedra e casa de Rosalía de Castro

A visita do inspector                      J. B. Priestley 

No mes de marzo alumnos de 1º de bacharelato A e C analizaron esta peza de Priestley.

A obra comeza cunha cea na casa da familia Birling, na que  celebran compromiso entre Sheila, a filla dos Birling, e Gerald Croft. De súpeto aparece o Inspector Goole que lles comunica que unha moza se suicidou cun desinfectante. Co transcorrer da obra, descóbrese que todos os integrantes da familia e o noivo de Sheila tiveron algunha relación con esa moza, que ía cambiando o nome. Foi empregada do Sr. Birling e despedida; Sheila fíxoa botar por bobadas, Gerald tivo unha relación como amante, a Sra. Birling non a quixo axudar cando foi a pedir axuda a un fogar de mulleres e o fillo que esperaba a moza era de Eric, fillo da familia. Vaise o inspector e decátanse de que non existe ningún policía chamado así e que ningunha moza morrera dese xeito. Pero cando parecía que todo era unha broma ou o home era un tolo, soa o teléfono e comunícanlle a Birling que morreu unha moza por tomar desinfectante e que un inspector de policía irá á súa casa para interrogalos.

Anagnórise                                  Mª Victoria Moreno

Un grupo de alumnos de 3º A lemos e comentamos este trimestre a obra Anagnórise de Mª Victoria Moreno.