IES Castelao

          UN POUCO DE HISTORIA

          O 8 de marzo celébrase en todo o mundo desde 1977 o Día Internacional da Muller. Conmemórase tamén desde as Nacións Unidas e é festa nacional en moitos países.
          O Día Internacional da Muller refírese ás mulleres correntes como artífices da historia e afunde as súas raíces na loita plurisecular da muller por participar na sociedade en pé de igualdade co home.

[Clica aquí para seguir lendo]

         
          Lucía Pereira resultou a afortunada.

          Dado que este ano se cumpren 75 da morte de MIGUEL HERNÁNDEZ, quixemos empezar a recordalo con algúns dos seus poemas de amor con motivo do día de San Valentín, o 14 de febreiro.

          Ao redor de San Valentín organizouse unha votación para escoller un poema de amor de Miguel Hernández.

          O resultado foi o seguinte:

          A xuízo dos 36 participantes, sacando os 9 votos que foron nulos (por non teren nome ou xustificación razoada ou por non indicaren ningún poema entre os posibles), estes resultaron os poemas con máis aceptación:

7 votos: Me tiraste un limón, y tan amargo

            Entre os ilustradores actuais destaca sen dúbida a man de Miguelanxo Prado.

          Expóñense no vestíbulo con motivo do Día da Ilustración algunhas obras súas, libros ilustrados por el e mais algunha información arredor do seu traballo.

          O día 30 de xaneiro de 1886 nacía en Rianxo Alfonso Daniel Rodríguez Castelao.

          Desde 2014 celébrase en Galicia nesa data, cada 30 de xaneiro, o Día da Ilustración, recordando o seu nacemento.

        Xa que o noso instituto leva o seu nome, desde a biblioteca adicamos uns días a coñecelo un pouco mellor, sobre todo o alumnado novo no centro.

          Hai quince anos, o 17 de xaneiro do ano 2002, falecía en Madrid Camilo José Cela Trulock.

          Foi escritor (novelista, poeta, dramaturgo, articulista  -colaborador predilecto de ABC-), pintor, actor, viaxeiro-vagabundo, axitador cultural...

          Naceu en Iria Flavia (Padrón) o 11 de maio de 1916.

          Continúa lendo para ver a súa biografía ou clica aquí se queres ler algún texto.

     Como cada ano, á fin de cada trimestre elíxese por sorteo un gañador entre os lectores da Biblioteca que devolveron en tempo os libros prestados.

     O sorteo desenvolveuse o derradeiro día do trimestre, o mércores día 21 de decembro; unha man inocente extraeu o papel gañador da urna na que se van depositando as papeletas de préstamo que reúnen as condicións.

     Resultou gañadora do vale de 25 € para a compra dun libro a alumna de 1º ESO C

Cristina Rodríguez Aballe

     Parabéns e a seguir lendo!!

     Os días 20 e 21 de decembro, antes de marchar de vacacións, festexamos o Nadal desde a Biblioteca lendo algúns contos.

            
    Nacido en Barcelona en 1943, tras estudar o Bacharelato no colexio dos Maristas, estuda Dereito e convértese no que el considera un avogado non criminalista. Traballou en varias ocupacións: oficinista de banco, empregado en editoriais barcelonesas (coincidindo co  “boom” editorial en Barcelona e mais co da narrativa hispanoamericana e da nova novela española).

     No mes de novembro de 1928 nacera en Gres (Vila de Cruces), Pontevedra, o autor do libro máis lido da literatura galega contemporánea:

     E o 27 de novembro do 2015 faleceu tamén en Gres, na súa casa natal, despois de botar moitos anos na emigración, primeiro en Bos Aires e logo en Cuba. Alá marchara con vinte anos (como el dixo: tiña vinte anos / vinte espadas xusticieiras e honradas  / para esixir / para loitar). Traballou arreo: estudou comercio, música, xornalismo, literatura... Fundou a editorial "Follas Novas" para a difusión en América do libro galego e, en Cuba, dirixiu a Sección Galega do Instituto de Literatura e Lingüística, ademais de ser redactor-xefe da revista infantil Zunzún.

     Coñeceu na emigración a moitos intelectuais galegos e á súa volta o seu inmenso labor persoal e a prol da lingua e a cultura galegas foi recoñecido con diferentes premios e distincións: foi elixido membro numerario da Real Academia Galega, doutor honoris causa pola Universidade da Coruña, Premio da Crítica Española e Galega, Medalla Castelao, Pedrón de Honra... A súa obra está traducida a unha chea de linguas.

     A Fundación Xosé Neira Vilas organizou un emotivo acto de homenaxe ao autor no primeiro aniversario do seu pasamento; nel presentouse a súa obra póstuma Quique na aldea, un novo canto á vida da aldea que supón un colofón perfecto á traxectoria vital e literaria de Neira Vilas.

     No IES Castelao tivemos a sorte de compartir con el unhas horas, pois sempre lle gustou estar rodeado de rapaces e nunca deixaba pasar a ocasión de transmitirlles a súa paixón polo galego e pola literatura. Froito daquela visita  no 2012 é a entrevista recollida no número 11 da nosa revista "Cousas do Castelao".

     En xusto tributo de recoñecemento e homenaxe, recordámolo nesta data. Podemos ler o comezo das Memorias dun neno labrego ou o capítulo dedicado a Pachín.