Jules VERNE, Vinte mil leguas baixo dos mares
(capítulos IV, V e VI)
Capítulo IV: Ned Land
O comandante Farragut era un bo mariño. El e o seu navío eran un todo. El era a alma do navío. Non tiña ningunha dúbida sobre o asunto do cetáceo e non permitía que se discutise a existencia do animal. O monstro existía e xurara que libraría os mares del. Ou ben o comandante Farragut mataría o narval, ou ben o narval mataría o comandante Farragut.
Do 30 de outubro ata o 15 de novembro (inclusive) podes participar no concurso de microrrelatos fantásticos e de terror que organiza a nosa biblioteca. Clica na imaxe para consultar as bases.
Desde 1997 celébrase este día, o 24 de outubro, o Día da Biblioteca, en recordo da destrución da de Saraxevo en 1992 durante a Guerra dos Balcáns.
Nesta data preténdese salientar a importancia das bibliotecas como lugar de encontro entre lectores de todas as idades coa cultura e tamén concienciar á sociedade da importancia da lectura, da importancia dos libros para a memoria colectiva e como un instrumento de mellora da formación e a convivencia humana.
Nas Bibliotecas Escolares de Galicia, rede á que pertence a do noso instituto, escóllese cada ano un lema ("Aprender a pensar na biblioteca escolar") e redáctase un pregón explicativo.
Este ano iniciamos a HORA DE LER coincidindo coa celebración, o 24 de outubro, do "Día da Biblioteca". Moitos, avisados, viñeron preparados cun libro; outros colleron das CAIXAS VIAXEIRAS e outros aproveitaron para ler os textos que a través desta páxina se proporcionan da novela de J. VERNE Vinte mil leguas baixo dos mares.
Capítulo I. Un farallón fuxidío
O ano 1866 estivo marcado por un estraño acontecemento, un fenómeno inexplicado e inexplicable que ninguén, sen dúbida ningunha, esqueceu.
Dende había algún tempo varios navíos atoparan no mar unha “cousa enorme”, un obxecto longo, ás veces fosforescente, infinitamente máis grande e máis rápido que unha balea. Se era un cetáceo, superaba en volume todos os que a ciencia clasificara ata entón. Podíase afirmar que ese ser fenomenal, de existir realmente, sobrepasaba moito todas as dimensións admitidas polos ictiólogos ata o momento.
No concurso que se promoveu desde a Biblioteca con motivo do Día Internacional da Tradución, o alumnado foi requirido para averiguar a lingua á que correspondían as reproducións de edicións da obra de Jules VERNE que este ano recordamos especialmente, Vinte mil leguas baixo dos mares.
Foron moitos os que se animaron a probar sorte (máis de setenta!!) e algúns achegáronse moito: seis participantes acertaron 17 dos 18 casos.
Mais só un fixo pleno de acertos, enchendo correctamente a resposta á lingua na que estaban as 18 versións que se ofrecían.
El é, polo tanto, o gañador. A ver que lingua escolle para ler esta obra!
O alumnado novo xa visitou "oficialmente" a biblioteca. Desenvolveuse o pasado martes día 3 de outubro a xornada de presentación para cada un dos grupos de 1º da ESO.
En primeiro lugar, foron informados dos servizos que presta a biblioteca do centro, das súas normas de funcionamento e mais da organización e colocación dos fondos. Ao final da sesión, eles mesmos tiveron que atopar un libro dos que se lles proporcionaban os datos precisos, cos que previamente foran familiarizados.
Pola súa parte, o alumnado de bacharelato de novo ingreso no centro, recibiu xa na semana anterior, a derradeira de setembro, a Guía da biblioteca 2017 / 2018.
Tivemos a sorte de poder asistir o mércores día 21 de xuño á representación dunha adaptación de Romeo e Xulieta de William Shakespeare a cargo dun grupo de rapaces do Instituto República Oriental do Uruguai.
Baixo a dirección da súa profesora Estela Lago, este grupiño de actores noveis, "Arte nuevo", demostrou o que se pode conseguir con ganas e esforzo e nós como espectadores puidemos comprobar o resultado: un traballo moi ben feito que merece todos os nosos parabéns.
Nestas últimas semanas do curso desenvolvéronse na biblioteca unhas probas nas que o alumnado de 1º da ESO tivo que demostrar a súa capacidade para manexarse dentro da biblioteca na busca de información en libros (ou sobre libros) e revistas, no ordenador, ...