http://youtu.be/XjZBkySC37c

Este video amosa unha situación continuada de maltrato dende o punto de vista da vítima. Reflicte o ámbito íntimo e privado dunha moza, sen a presenza doutras persoas, incluido o agresor, co que mantén unha relación de afecto e dependencia.
O relato da protagonista debuxa o ciclo da violencia, con incidentes agudos de maltrato e situacións reiteradas de reconciliación e perdón. Salienta un aspecto característico da violencia de xénero: a ocultación aos ollos externos e percorre o estado emocional dunha persoa maltratada (a negación, o perdón, a esperanza no cambio da outra persoa, a angustia, o temor, a culpabilización...). De igual xeito, pon de manifesto os sinais do maltrato, o poder e o control: a manipulación, a intimidación, a ameaza, o illamento, a dependencia...
A repetición de actos vai menguando e minando a vontade da moza e a súa capacidade de reacción o que contribúe a soster e manter a relación de violencia.
«CRÉDITOS» Idea orixinal: CIM de Poio. Aportacións imprescindibles: Raquel Morales, Lidia Salgueiro, Lidia Fazanes, Maica Nesta. Guión e edición: Beatriz Otero. Colaboracións e agradecementos: Ana Piñera, Lidia Sueiro, Ana Raña, Alicia Veiga.
O video forma parte da campaña de sensibilización do Centro de Información á Muller do Concello de Poio con motivo do Día Internacional contra a Violencia de Xénero (25 de novembro de 2011).

A través deste espazo, os pais e nais poden realizar o seguimento académico en liña dos seus fillos/as e comunicarse cos titores/as dos mesmos. A partir de agora, os responsables dos nenos/as matriculados nos centros Abalar, poderán realizar diferentes accións, tales como a consulta das faltas de asistencia e as incidencias dos seus fillos/as, xustificar as ausencias ou solicitar citas de titoría, entre outras.

• Os docentes, os pais e as nais poderán coñecer todas as funcionalidades dispoñibles no espazo Familias e no espazo Profesores e aprender a navegar polas diferentes pantallas que compoñen ambas aplicacións, por medio da Guía rápida para familias e da Guía para profesores.

• Tutorial de acceso ao Espazo Abalar co DNI electrónico e co Certificado dixital da FNMT

• Repositorio de recursos de Abalar