Novidades
Algunhas novidades máis antes da Primavera
Enviado por Anónimo o Mar, 10/03/2009 - 12:09Febreiro prepara as maletas mentres marzo peta na porta. Axiña nos visitará a Primavera, e será para quedar. Á biblioteca continúan chegando novidades que a enriquecen un pouco máis. Todas non collen neste pequeno espazo web; as que presentamos a continuación queren ser un "gancho", unha pequena mostra que esperte a vosa curiosidade, que vos conduza irremisiblemente á biblioteca. | ||
|
||
O curioso incidente do can a media noite/ Mark HaddonRinoceronte, 2008
|
||
Christopher Boone ten quince anos, é un experto en ciencias e matemáticas, sabe as capitais de todos os países do mundo e os número primos ata 7.507, pero ten dificultades para relacionarse con outras persoas. Unha noite atopa a Wellington, o can da veciña, atravesado por unha forca de xardín, e decide comezar unha investigación para descubrir o asasino. Mentres leva a cabo as súas pescudas, que converte nunha novela policial, cuestionará a lóxica do mundo que o rodea e desvelará certos misterios que van alterar a súa vida metódica e ordenada. Obra escollida polo clube de lectura do centro. Tamén dispoñible a edición en lingua castelán. Dispoñible na sección de Lingua galega. Sinatura: GAL-N/HAD/cur |
||
A Prehistoria explicada a los jóvenes / Jean Clottes
|
||
Esta obra, orientada aos mozos e mozas, trata sobre unha etapa da humanidade que fascina a novos e adultos por igual. Así, desfilan polas preguntas deste libro as diferentes épocas da Prehistoria, a evolución dos seres humanos, os costumes e a vida cotiá dos nosos antecesores, a organización social das tribos e o nacemento da espiritualidade e a razón. En definitiva, un atractivo paseo polas orixes do ser humano. Dispoñible no expositor de novidades e destacados.
|
||
|
||
La Edad Media explicada a los jóvenes / Jacques Le Goff
|
||
Sen dúbida a Idade Media foi violenta, escura e intolerante, pero existe tamén, e sobre todo, unha Idade Media "fermosa", que os nenos e mozos adoran e os adultos recreamos en moitas lecturas. É a dos cabaleiros e as xustas, os castelos e as catedrais, os xograres e os trobadores, as feiras e as peregrinacións. A Idade Media tamén é a procura do Grial, a lenda dos cabaleiros da Táboa Redonda, o apaixonado amor de Tristán e Isolda, a Virxe María, os ánxos, os santos, as fadas e os monstros, o combate de Carnaval e Coresma... En definitiva, Europa neceu na Idade Media, época na que se constituiu a unidade cultural dos diversos países e linguas. Esta obra é un paseo por este tempo da man do mellor acompañante: o mestre Jacques Le Goff. Dispoñible no expositor de novidades e destacados.
|
||
Solo un beso = Just a Kiss [DVD-Vídeo]/ dirixida por Ken Loach
|
||
Qasim é un mozo escocés de orixe musulmán. É un bo pinchadiscos e un apaixonado da música. Soña con abrir xunto a un bo amigo un club de seu. Estudou contabilidade, pero non quere exercer. Os seus pais emigraron dende Paquistán a Reino Unido nos anos sesenta, e rexentan unha tenda de comestibles e prensa en Glasgow. Devotos musulmáns, queren que Qasim case coa súa prima Jasmine. Teñen outras dúas fillas, a maior comprometida cun home do agrado da familia; a pequena, de dezaoito anos, é a típica rebelde adolescente que acaba de rematar os estudos de secundaria nun colexio católico. Nel traballa Roisin, unha moza irlandesa profesora de música, que coñece a Qasim a través de súa irmá pequena. Entón, xorde o amor entre ámbolos dous, que comezan unha relación secreta ao marxe da familia de Qasim, por riba das diferencias de orixe e relixión. Sen embargo, isto suporá un inconveniente para outras persoas,especialmente para a familia de Qasim e o entorno de Roisin, que amosan prexuízos cara a relación de ambos mozos. Película cinematográfica. Nacionalidade: Reino Unido, 2004. -- Int.: Eva Birthistle, Shamshad Akhatar, Atta Yakub, Shabana Bhakish, Riaz Ahmed.
Dispoñible na sección de Audiovisuais e multimedia. Sinatura: DV-791 /SOL |
||
Cine, cine, cine... máis cine, por favor!
Enviado por Anónimo o Mar, 27/01/2009 - 12:57Ao longo de xaneiro incorporamos novos títulos que, pouco a pouco, están facendo medrar a nosa cinemateca. A idea é potenciar esta sección - a de audiovisuais e multimedia - que consideramos ten moita importancia en calquera biblioteca. De seguido, un adianto dalgunhas das novidades cinematográficas que xa podes atopar na túa biblioteca.
Quiero ser como Beckham = Bend it like Beckham / dirixida por Gurinder Chadha
|
||
Jess ten 18 anos e os seus pais queren que sexa unha encantadora e convencional rapaza india. Pero ela só quere xogar ao fútbol coma o seu heroe, David Beckham, a estrela do Manchester United. Para Jess, eso significa darlle patadas a unha pelota no parque cos seus amigos, ata que a descubre Jules, unha rapaza que a convida a unirse ao equipo de fútbol feminino local. Película cinematográfica. Nacionalidade: Reino Unido, 2002. Int.: Parminder Nagra, Keira Knightley, Jonathan Rhys Meyers, Anupam Kher, Archie Panjabi, Shaznay Lewis, Frank Harper, Juliet Stevenson Dispoñible na sección de Audiovisuais e multimedia. Sinatura: DV-791 /QUI |
||
Billy Elliot (Quiero bailar) / dirixida por Stephen Daldry
|
||
Se-lo fillo dun mineiro no Norte de Inglaterra durante a folga de 1984 era duro, pero a casualidade fixo que Billy, un neno de once anos, descubrise o diferente que podería se-la súa vida. Tras caer engaiolado polos movementos dunhas bailarinas da súa idade, decide cambia-las súas clases de boxeo polas de ballet, impartidas pola Sra. Wilkinson. A profesora recoñece axiña o talento de Billy e concéntrase en ensinarlle ás costas do pai e do seu irmán maior Tony, mineiros en folga, que pasan a maior parte do día en piquetes Película cinematográfica. Nacionalidade: Reino Unido-Francia, 2000. -- Int.: Julie Walters, Gary Lewis, Jamie Bell, Jamie Draven, Adam Cooper y Stephen Daldry Dispoñible na sección de Audiovisuais e multimedia. Sinatura: DV-791 /BIL |
||
|
||
La joven de la perla = Girl with a Pearl Earring / dirixida por Peter WebberDeAPlaneta, 2008
|
||
Delft, Paises Baixos, 1665. Despois de que o seu pai quede cego tras unha explosión, Griet, de dezasete anos, ten que porse a traballas para menter á familia. Comeza como criada na casa de Johannes Vermeer. Este, consciente da intuición da moza coa luz e a cor, irá introducíndoa pouco a pouco no misterioso mundo da pintura. A sogra do pintor, consciente de que Griet o inspira, permite a relación entre ambos a fin de que o seu xento aumente a súa exigua producción de cuadros Película cinematográfica. Nacionalidade: Gran Bretaña-Luxembrugo, 2003. -- Int.: Chris McHallem, Scarlett Johansson, Alakina Mann, Essie Davis, Judy Parfitt, Anna Popplewell, Tom Wilkinson, Gabrielle Reidy, Colin Firth, Cillian Murphy Dispoñible na sección de Audiovisuais e multimedia. Sinatura: DV-791 /JOV
|
||
Las invasiones bárbaras = Les invasions barbares/ dirixida por Denys Arcand
|
||
Rémy, divorciado de 50 anos e pico, está hospitalizado. Louise, a súa ex-muller, chama a Sébartien, fillo de ambos, que vive en Londres. Sébastien pensa que facer; hai tempo que el e seu pai non teñen nada de que falar. Por fin decide volver a Montreal para axudar a súa nai e apoiar moralmente a seu pai Película cinematográfica. Nacionalidade: Francia-Canadá, 2003. -- Int.: Toni Cecchinato, Lise Roy, Macha Grenon, Dorothee Berryman, Jean-Marc Parent, Dominique Michel, Gilles Pelletier, Stephane Rousseau, Markita Boies, Sylvie Drapeau Dispoñible na sección de Audiovisuais e multimedia. Sinatura: DV-791 /INV |
Ano novo, novas lecturas [Xaneiro '09]
Enviado por Anónimo o Xov, 08/01/2009 - 12:02Benvido 2009!! E con el, comeza un novo trimestre con máis novidades bibliográficas e audiovisuais que poderás consultar, coma non, na túa biblioteca escolar. Queres un adianto, pois aquí o tés. Pero non esquezas visitarnos, atoparás máis sorpresas no expositor de novidades ou consultando o catálogo on-line.
Los revolucionarios industriales / Gavin WeightmanAriel, 2008
|
||
A Revolución Industrial preséntasenos normalmente como a historia das máquinas ou do implacable proceso de innovación que parte do pensamento científico forxado no Século das Luces. Esta obra céntrase nos entusiastas personaxes que contribuíron coas súas innovadoras ideas a transformar o mundo. O autor presenta unha sucesión de pioneiros xeniales, mentes inquedas, inventores visionarios, brillantes enxeñeiros, industriais emprendedores e hábiles artesáns, incluínso persoeiros fundamentales coma Watt, Edison, Trevithick, Stevenson, Wedgwood, Daimler o Bessemer e a outros menos coñecidos pero igualmente fascinantes. Dispoñible no expositor de novidades e destacados |
||
Madre tierra, hermano hombre / Máximo Sandín
|
||
Agora que a palabra ecoloxía está na boca de todos e todas, é bo profundizar sobre o que realmente significa este termo. Para iso, o autor presenta, de xeito ameno, os problemas que sofre e sufriu o noso planeta a través da historia. Dispoñible na sección de Ciencias Naturais. Sinatura: CN-504 / SAN / mad
|
||
|
||
Biografía de la Tierra/ Francisco Anguita
|
||
Neste libro non só se revisan cronoloxicamente 4.500 millóns de anos da historia do noso planeta, senón tamén os últimos 100 anos de actividade dos científicos que xeneran coñecementos sobre a Terra. Segundo pasamos páxinas, desfilan ante nos dende a Terra arcaica ata a actual, e incluso, a futura. Ao longo deste eixo temporal, descubrimos historias de descubrimentos e controversias sobre a deriva continental e a tectónica de placas, a orixe da lúa, os impactos de obxectos extraterrestres, a evolución da atmosfera... e moito máis. Dispoñible na sección de Ciencias Naturais. Sinatura: CN-523 / ANG /bio
|
||
La leyenda del indomable = Cool Hand Luke [DVD-Vídeo]/ dirixida por Stuart RosembergWarner Home Video, 2008
|
||
Luke Jackson é sentenciado a dous anos de cadea por romper postes para o estacionamento de automóbiles estando bébedo. É enviado a unha prisión sudeña a cumplilos como membro dunha encadeada cuadrilla de peóns de camiños e ao pouco tempo, a inxeniosa e fría actitude de Luke impresiona desfavorablemente a Dragline, lider do grupo. A tirantez entre ámbolos dous da como resultado unha pelea na que Dragline golpea a Luke ata facelo sangrar, pero sen conseguir que este se dea por vencido. O bastón de mando pasa a Luke Película cinematográfica. Nacionalidade: EE.UU., 1967. Int.: Donn Pearce, Rance Howard, Morgan Woodward, James Jeter, Jo Van Fleet, Strother Martin, Robert Luster, Marc Cavell, Ralph Waite, Eddie Rosson, Paul Newman. Esta película forma parte da colección de DVD-vídeo, adicada ao gran actor Paul Newman, que poderás atopar íntegra na túa biblioteca escolar.
Dispoñible na sección de Audiovisuais e multimedia. Sinatura: DV-791 /LEY
|
||
Terra [CD-DA]/ MarizaEMI Portugal, 2008
|
||
"Terra" é o título do último traballo discográfico desta intérprete caboverdiana afincada en Portugal.
Títulos das cancións incluídas neste album: 1. Já me deixou / 2. Minh’alma / 3. Rosa branca / 4. Recurso / 5. Beijo de saudade / 6. Vozes do mar / 7. Fronteira / 8. Alfama / 9. Tasco da mouraria / 10. Alma de vento / 11. Se eu mandasse nas palavras / 12. As guitarras / 13. Pequeñas verdades / 14. Morada aberta.
Dispoñible no departamento de Lingua galega e Literatura.
|
||
Novidades para o Nadal
Enviado por Anónimo o Ven, 19/12/2008 - 13:09Chegou o Nadal, e con el moito tempo de lecer para desconectar do estudo e adicarllo ás cousas que máis nos gustan. Os amigos e a familia, a videoconsola, a televisión... e, por suposto, os libros. Que mellor oportunidade que as vacacións para ler esas historias que deixamos aparacadas por falta de tempo.
Dende a biblioteca propoñemosche algunhas novidades que chegaron aos nosos andeis ao longo deste trimestre. Se che parece pouco, tanquil@, a volta haberá máis. Boas vacacións e FELIZ NADAL A tod@s!!
O Reino en Perigo / Herbie BrennanXerais, 2007 |
||
Henry visita o Reino dos Elfos por terceira vez, pero alí todo é diferente. Holly Blues está á fronte do Reino e parece que Lord Hairstreak quere propoñerlle unha tregua entre os elfos da noite e os elfos da luz; porén, corren rumores dunha invasión dos demos encabezada por Beleth, o Príncipe das Tebras. Mentres, o príncipe Pyrgus descubre unhas flores de cristal máxicas que inflúen no transcurso do tempo, unha arma secreta aparentemente formidable. A raíña Blue, que desconfía da rara xenerosidade do seu tío Lord Hairstreak, visita o labirinto do Mestre Especieiro para tratar de adiviñar o posible futuro do Reino. Blues, Pyrgus e Henry atoparanse inmersos nunha aventura apaixonante na que deberán loitar con todas as armas que teñen a man para protexer o Reino e garantir que o trono continúe en mans da súa lexítima raíña. O Reino en perigo é a terceira parte da serie iniciada con O portal dos elfos e seguida por O emperador púrpura, novelas fantásticas publicadas na colección Fóra de Xogo. Herbie Brennan combina maxistralmente fantasía, mitoloxía e ciencia para ofrecer un universo de aventuras trepidantes.Dispoñible no expositor de novidades e destacados |
||
As mans do medo / Xosé Miranda
|
||
Desde o primeiro día que puxo os pés na casa da praia comezaron a sucederlle dúas cousas que, aparentemente, parecían non estar relacionadas: empezou a proerlle, arderlle a man esquerda e comezou a pensar compulsivamente en cambiar de lugar o pozo negro. Máis tarde, notou que os dedos perderan sensibilidade e foi quedando abraiado pola súa torpeza cando cavaba un foso no Cemiterio das Pedras Brancas, onde atopará unha caixa dourada que atesoura unha man. Unha man humana, enteira, perfecta. Viva. Xosé Miranda recolle neste volume algúns dos seus mellores relatos de medo e terror. A dexeneración e rexeneración dos corpos, as vellas tradicións naturistas, os labirintos de ocultismo, o home peixe… son algúns dos temas destes contos cheos de intriga que meten ao lector dentro de cada un dos relatos e dificilmente o deixa fuxir. Dispoñible no expositor de novidades e destacados
|
||
|
||
A noite que Wendy aprendeu a voar/ Andreu Martín
|
||
Roger Dueso e Wendy Aguilar inician a garda cun sesenta, o código que na comisaría alerta dun asasinato, mais este caso non será de xente corrente. O homicidio levaráos a descubrir unha cámara secreta onde desapareceu unha valiosa alfaia envolta nun misterio, cuxo roubo non foi denunciado por ninguén. Esta é unha novela trepidante na que a moza policía deberá enfrontarse por si mesma con asasinos perigosos; terá que correr, loitar e facer uso da pistola; coñecerá o fondo do mar, saltará abismos pavorosos e verá a morte de moi preto. Esta será a noite na que Wendy aprenda a voar. Esta novela de Andreu Martín foi merecedora do Premio Bancaixa de Literatura Xuvenil 2007. Dispoñible no expositor de novidades e destacados
|
||
A casiña azul/ Sandra CominoGalaxia, 2007
|
||
Premio Iberoamericano de Novela A obra máis azul e conmovedora dunha das autoras máis interesantes da actual literatura infantil e xuvenil arxentina. Cintia non é feliz. Pero a avoa Pina, a amizade especial de Bruno e os libros conseguen mitigar a súa sensación de soidade e desamparo. Todo isto e, por suposto, o misterio e a maxia que se agochan na casiña azul. Dispoñible no expositor de novidades e destacados
|
||
Un recuncho cheo de novidades para o curso que comeza
Enviado por Anónimo o Ven, 19/09/2008 - 12:19Este curso que comeza dende a túa biblioteca de centro ofertámosche unha morea de novidades para que non pares de ler. Poderás gozar coas fantásticas aventuras de Narnia, comezar un novo curso en Hogwarts xunto a Harry Potter ou facerte amigo do neno do pixama de raias. Todo esto e moito máis espera por ti no recuncho de novidades da biblioteca do centro... a túa biblioteca.
Harry Potter e as reliquias da morte / J. K. RowlingGalaxia/salamandra, 2008 |
||
Harry Potter encoméndanlle unha tarefa perigosa e aparentemente imposible: atopar e acabar cos Horcrux que faltan por destruír. Nunca se vira tan só ante unha misión chea de sombras ameazantes. Pero deberá atopar dentro de si a fortaleza necesaria para levar a cabo o que lle foi encomendado. Sétima entrega e final da exitosa serie da autora británica J.K. Rowling onde se develan moitas preguntas que os lectores levan tempo desexando coñecer. Dispoñible no expositor de novidades e destacados |
||
O neno do pixama a raias / John Boyne
|
||
Neste libro lerás a historia dun neno de 9 anos, que se atopa cun aramado. No mundo hai milleiros de aramados coma este. Esperamos que ti nunca te atopes con ningún e que, se o fas teñas forza para liberarte del. Non che imos contar máis desta historia escrita polo irlandés John Boyne, deberás descubrila por ti mesmo/a. Dispoñible no expositor de novidades e destacados
|
||
|
||
Las crónicas de Narnia/ C.S. Lewis
|
||
As crónicas de Narnia é unha colección de sete libros infantiles escrita polo anglo-irlandés C.S. Lewis entre 1949 e 1954, e ilustrado, na súa versión orixinal, por Pauline Baynes. Nárrannos as aventuras de Narnia, terra de maxia e fantasía descrita polo autor e poboada de animais que falan e outras criaturas mitolóxicas que se ven partícipes na eterna loita entre o ben e o mal. Son catro irmáns os rapaces que serven de fío conductor na maioría das historias desta fascinante saga, cheas de aventuras. Dispoñible no expositor de novidades e destacados
|
||
O señor Ibrahim e as flores do Corán/ Eric-Emmanuel Schmitt
|
||
Momo é un rapaz adolescente xudeu, desorientado, e orfo do agarimo dos seus pais. Ibrahim e un tendeiro musulmán, de caracter reflexivo e pausado, cunha visión marcada pola experiencia dos anos. Dous habitantes solitarios da rúa Azul, no París dos anos 60, traban unha entrañable amizade que trascende as súas respectivas crenzas. Un aporta a vitalidade, o outro a sabedoría.
Un texto que apela ao multiculturalismo, á tolerancia a ao entendemento entre iguais. Un relato áxil e sinxelo que nos abre a porta á esperanza sobre o futuro no que vivimos. Dispoñible no expositor de novidades e destacados
|
||
O castelo regadeira/ Norberto Fernández Serrano
|
||
Corenta e dúas historias publicadas na revista O Castelo Regadeira está considerado como a mellor obra do debuxante Norberto, nela guión e debuxo compleméntanse dun xeito clave para o éxito da mesma. As viñetas están mimadas ao detalle, e unha revisión pormenorizada pode levar ao lector a descubrir en cada recuncho personaxes históricas do mundo do cómic e a animación, pequenas escenas que se desenvolven paralelamente á principal. Para os que gozaban con estas historias no Golfiño, agora podenas recuperar grazas a esta recopilación, dispoñible na túa biblioteca.
Dispoñible no expositor de novidades e destacados
|
||
Golfiño en portada/ Fausto
|
||
O número 1 de Golfiño sae á rúa no Nadal do ano 2000. No seu interior, nunha historieta de tres páxinas, o pequeno habitante de Golfinia fai a súa primeira aparición. Tras catorce números mensuais, a revista interrumpía a súa publicación para resurxir en forma de semanario no 2001, baixo o sello de La Voz de Galicia. Foi xunto a este diario cando se converteu no maior logro da historia do cómic galego. Agora Fausto Isorna preséntanos un excepcional libro "Golfiño en portada": un acontecemento editorial que reúne decenas de ilustraciós e portadas que fixeron época naquela mítica revista da banda deseñada galega.
Dispoñible no expositor de novidades e destacados |
||
Novidades de decembro: uns cantos libros para ler no Nadal
Enviado por Anónimo o Mér, 05/12/2007 - 12:07Chegou decembro, e o outono vira castañas as follas das árbores que se ispen para recibir o inverno. Pouco a pouco imos cara o Nadal, datas nas que gozamos dun especial ambiente festivo e familiar, ademais dunhas merecidas vacacións na que o tempo de lecer se fai máis agradable na compañía dunha boa lectura.
Como non, dende a biblioteca do centro propómosvos unha pequena selección de libros para que as tardes de decembro resulten un pouco máis cálidas.
Manuel Rivas: Cuentos de un invierno
Col. Serie Roja
Alfaguara. Madrid, 2006
No inverno poden pasar moitas cousas: cun emigrante volte coa muller que cre o segue esperando, que alguén queira retirarse da súa vida de narcotraficante, cun mozo con síndrome de Down se sinta inmensamente feliz... porque o Nadal tinxe todo de esperanza. Sección de Lingua española e Literatura |
||
Pascual Alapont: Barrotes douradosCol. Fóra de xogo
|
||
A vida de Alexandre atópase nunha calella de difícil saída. Carolina, a súa moza, morreu nun accidente de moto. Dende entón, para el xa nada ten sentido. Nestas circunstancias coñece a Nuria, unha rapaza que pertence a unha asociación de amigos de Exipto. O contacto con esta xente abre a Alexandre as portas a un mundo novo, mais tamén fai que se adentre nunha rede esotérica onde a súa propia vida pode estar en perigo. Do mesmo xeito que O inferno de Marta, esta novela de Pasqual Alapont compleméntase cun interesante texto divulgativo. O xornalista Pepe Rodríguez, especialista no mundo das seitas, amósanos no epílogo (“Seitas: Un camiño fácil a ningunha parte”) os mecanismos internos que se agachan detrás dunha seita destrutiva. Unha obra que combina con acerto unha novela conmovedora e un estudo útil sobre este problema que pode afectar a algúns mozos e mozas.
Sección de Lingua galega e Literatura |
||
Xosé Miranda: As mans do medoCol. Fóra de xogo
|
||
Desde o primeiro día que puxo os pés na casa da praia comezaron a sucederlle dúas cousas que, aparentemente, parecían non estar relacionadas: empezou a proerlle, arderlle a man esquerda e comezou a pensar de xeito compulsivo en cambiar de lugar o pozo negro. Máis tarde, notou que os dedos perderan sensibilidade e foi quedando abraiado pola súa torpeza cando cavaba un foso no Cemiterio das Pedras Brancas, onde atopará unha caixa dourada que atesoura unha man. Unha man humana, enteira, perfecta. Viva. Xosé Miranda recolle neste volume algúns dos seus mellores relatos de medo e terror. A dexeneración e rexeneración dos corpos, as vellas tradicións naturistas, os labirintos de ocultismo, o home peixe… son algúns dos temas destes contos cheos de intriga que meten ao lector dentro de cada un dos relatos e dificilmente o deixa fuxir.
Sección de Lingua galega e Literatura |
||
An Alfaya: A lenda da lúa de MontealtoCol. Docexvintedous
|
||
Se vas a Montealto, achégate onda o Manuel, e pregúntalle por que se mantén asomado ao peitoril da súa xanela, sen atreverse a baixar á praza. ¿Será que lle asusta pescudar a escuridade no mundo da Morena? ¿Por que non creu na premonición da Milagreira? Dille que Oliva provén dun misterio e medroulle un soño no ventre con forma de media lúa fouciña. ¿De quen será a semente? Coméntalle que Eusebio, o Comecabrascrúas de Montealto, ten unha alma que ansía a gloria, aínda que semella un brután cun corazón de mazá. Quizais se atreva a falarche da tola do muíño, de Candela, do párroco Aniceto, da señorita Flora, do salgueiro ou da voracidade do río Galeno. Se cadra, o Manuel quedou preso nas redes daquel prodixio do pasado que tinguiu a Montealto de inquedanzas, e non ten respostas, senón preguntas, igual ca min, igual ca ti tras mergullarte nesta lenda que agocha os segredos da lúa. Sección de Lingua galega e Literatura |
||
Mª Isabel Molina: El herrero de la luna llenaCol. Juvenil
|
||
Pese a ser novo, Yago de Lavalle domina os segredos da fragua e os metais. Convencido de que "só o medo ao descoñecido fai crer na maxia", ignora os antigos ritos propios do seu oficio. Como castigo pola súa actitude, o gremio de ferreiros obrigao a peregrinar ata Santiago de Compostela. Sección de Lingua castelá e Literatura |
||
José María Plaza: Me gustan y asustan tus ojos de gataCol. Nautilus
|
||
|
A partir da atracción que sinte Miguel por unha rapaza estraña, a novela amosa a vida dun adolescente do Madrid actual, a través das súas citas e rutinas diarias. Así vaise construíndo unha dobre historia na que a realidade mestúrase coa fantasía, o mito e a literatura. O protagonista, incapaz de diferenciar entre a realidade e a ficción, persigue á misteriosa Ágatha ao mesmo tempo que tenta romper o feitizo de todos os gatos que se cruzan no seu camiño. Sección de Lingua castelá e Literatura |
|
|
Novidades de novembro: descobre a maxia dos libros
Enviado por Anónimo o Lun, 29/10/2007 - 12:13Novembro, mes máxico coma ningún. Avanza o outono, e as árbores mudan a cor verde polas castañas e ocres que anticipan a chegada do inverno. Co Samaín reaparecen as luces que alumean os camiños que conducen ao máis aló, a un mundo de misterio e maxia que habita na memoria dos nosos maiores. Recuperemos este espírito perdido guiados pola mellor compañía: a dun libro.
Antón Riveiro Coello: A voz do lago
|
||
En setembro de 1927 María Mariño e os seus deixan Noia para ir a vivir a Escarabote, preto do pazo de Goiáns, onde traballa de cociñeira unha parenta súa, herdeira da fortaleza cercana ao Lago do Mar. Irene, unha nena de dez anos, coñece os novos veciños e repara na elegancia de María, quen, amais de vestidos, cose versos e apaña bolboretas no vento. As dúas fan boas migas e María Mariño decide compartir con Irene un segredo: o misterio dun libro que provoca un murmurio no lago. Atoparalo na sección de Literatura en Lingua Galega.
|
||
J.M. Olaizola "Txiliku": El tío Bin Floren
|
||
Un día de néboa, o tío Florentino roda escaleiras abaixo. A vendaxe que lle pon o doutor, en forma de turbante, obra no enfermo un efecto marabilloso. Para ledicia dos seus sobriños, o tío Florentino pasará a ser o tío Bin Floren, e a súa mente, un arca chea de increíbles historias. Atoparalo na sección de Literatura en Lingua Castelá. |
||
Jorge Gómez Soto: La chica del andén de enfrente
|
||
Miguel e Eduardo son os típicos xemelgos que, en realidade, non se parecen en nada. A Miguel encántalle salir de troula cos seus amigos todos os fins de semana; mentras, seu irmán queda na casa lendo, escribindo, vendo un programa de televisión onde aparece a moza dos seus soños e chateando diante da computadora. Os dous irmáns lévanse mal e só están de acordo en evitarse. Pero un día, Yolanda e Irene entrarán nas súas vidas para amosarlles que teñen moito en común. Atoparalo na sección de Literatura en Lingua Castelá. |
||
Alessandro Taverna: La Ópera y su historia
|
||
Introducción clara e sinxella, para todas as idades, sobre a historia da Ópera e os grandes compositores do mundo. Asimesmo, expón unha importante clasificación dos xéneros musicais e explica como se compón e representa a Ópera. Con ilustracións de gran formato que axudan a comprender e visualizar cada un dos apartados do libro. Atoparalo na sección de Música. |
||
Stefano Catucci: La Historia de la Música
|
||
Unha guía amplamente ilustrada para seguir a evolución da música dende ferramenta de comunicación ata arte propiamente dita. Un doado percorrido dende os primeiros instrumentos ata as técnicas máis modernas de reprodución do son. As ideas, a sociedade, a historia, as formas e os xéneros das tradicións musicais máis diversas de Oriente e Occidente, dende a prehistoria ata os nosos días.
Atoparalo na sección de Música.
|
||
|
Saber para vivir... temas que che interesan tratados en profundidade.
Enviado por Anónimo o Lun, 22/10/2007 - 11:38Cuestións de actualidade que afectan a mozos e mozas dende o punto de vista da educación en valores. Coñecer o proceso e as consecuencias para decidir con intelixencia. Todo isto atoparalo nunca colección dispoñible na biblioteca que agora medra e se actualiza. | ||
|
Setembro, un mes de cine
Enviado por Anónimo o Xov, 11/10/2007 - 11:57 |
Do 20 ao 29 de setembro celebrouse o Festival Internacional de Cine de San Sebastián. Donostia converteuse na capital internacional do cine por uns días, nunha edición na que houbo estreas, homenaxes, e premiouse ás mellores películas e actores. Para saber máis deste recoñecido evento visita esta link: Festival Internacional de Cine de San Sebastián No comezo de curso, a biblioteca quere facer a súa pequena homenaxe ao mundo do cine cunha selección de películas cinematográficas e documentais que acabamos de incorporar ao noso fondo. |
Una verdad incómoda: una advertencia mundialDir.: Davis Guggenhein
|
||
O ex-vicepresidente Al Gore presenta unha visión esclarecedora e convincente do futuro do planeta (e da nosa civilización) no documental "que hai que ver" do ano. É unha chamada de atención que desbota mitos e ideas trabucadas, para transmitir a mensaxe de que o quencemento mundial é un perigo real e presente Película documental. Nacionalidade: EE.UU. 2006. Aut. para todos os públicos Para saber máis: Yahoo Cine |
||
El Show deTruman
|
||
Truman Burbank, un cidadán modelo, ten a sensación de que o vixían e non se equivoca. Cada segundo de día, dende o momento en que naceu, foi o protagonista inadvertido da telenovela máis longa da historia sen que el o soubese. Película cinematográfica. Nacionalidade: EE.UU. 1998. Aut. para todos os públicos Para saber máis: Yahoo Cine |
||
Family Man
|
||
Jack Campbell é un executivo financeiro que vive na cidade de Nova York. O seu ritmo de vida exitoso e acelerado, deixoulle unha grande fortuna, centos de mulleres que pasaron fugazmente pola súa vida, e un corazón baleiro. Unha noite, accidentalmente, a vai involucrado nun roubo. De súpeto a súa vida dá un xiro sobrenatural e esperta vivindo nunha casa aos arredores da cidade, con dous fillos, casado cunha noiva que tivo trece anos atrás, e á cal debeu abandonar para poder seguir ascendendo na súa carreira. Película cinematográfica. Nacionalidade: EE.UU. 2000. Aut. para todos os públicos Para saber máis: Yahoo Cine |
||
El Pianista
|
||
Historia de Wladyslaw Szpilman, pianista xudeu polaco, que evita ser deportado, pero remata vivindo no gueto de Varsovia. Alí vive os sufrimentos, humillacións e a loita dos seus correlixionarios, ata que logra fuxir para refuxiarse nas ruinas da cidade, fóra do barrio-prisión. Un oficial alemán, amante da súa arte, acabará salvándolle a vida. Película cinematográfica. Nacionalidade: Alemaña, Francia, Polonia e Reino Unido. 2002. Non recomendada a menores de 13 anos. Para saber máis: Yahoo Cine |
Lecturas de xuño: leva os libros de vacacións
Enviado por Anónimo o Mar, 29/05/2007 - 11:18Xuño, axiña chegan as vacacións de verán. Con elas tempo de lecer para facer o que máis che gusta, ir a praia, sair cos amig@s... E, por suposto, ler eses libros que tan bos momentos che fan pasar. De seguro estarás en boa compaña.
F. Lalana e J. M. Almárcegui : Los hijos del trueno
|
||
Unha historia de humor que narra como o Goberno decide acabar co fracaso escolar, limitando na ESO o número de alumnos por aula a 22. Os que sobren, irán a parar aos recén creados Institutos Remanentes. Sección Lingua castelá e Literatura |
||
Elvira Lindo: Manolito tiene un secreto
|
||
Neste sétimo libro Manolito ten 10 anos e, como sempre, van acontecerlle moitas cousas: a súa clase é seleccionada para recibir unha ilustre visita por Nadal: o Alcalde. A función de Nadal foi un completo éxito e, por último, Manolito decátase dun importante segredo: vai ter un irmanciño ou irmanciña o próximo ano. Sección Lingua castelá e Literatura |
||
Ursula Wölfel: 28 historias para rir
|
||
Unha vez un home tiña tanta présa que quería non precisar ningún tempo para nada. Había un paxaro tan voraz que non aturaba ver que outros paxaros tivesen algo que picar.Unha vez había unha porca que sempre se enfadaba cando a xente lle chamaba "porca". Prefería que lle chamasen Rosa.Historias sinxelas, que invitan a debuxar un sorriso; baséanse no "nonsense" e teñen moita carga surrealista, pero sempre deixan un pouso de lóxica. Por moi inverosímil e disparatada que soe a historia, o lector acabará sendo solidario e comprensivo cos comportamentos estraños dos personaxes: actúan como actúan porque así ten que ser, con toda a razón do mundo.
|
||
VV.AA: Relatos fantásticos
|
||
Se a literatura invítanos a penetrar nunha fonda realidade que se atopa máis alá dos nosos sentidos, as imaxes que o xénero fantástico nos ofrece desa realidade son arrepiantes. Nun mundo que ansiamos de seguridades e certidumes,irrompe outro de orixe escura, ainda que de orde interior, que desata o conflito, abanea os esquemas cos que apresamos a realidade e lévanos cara a incertidume e o desacougo. Sección Lingua castelá e Literatura |
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- seguinte ›
- última »