CHARLAS NOV@S INVESTIGADOR@S VENRES 18

SAÍDA DE CONVIVENCIA NO BEQUE

O pasado mércores 9 de outubro fixemos unha excursión con todo o alumnado de 1º da ESO, para coñecérmonos mellor pasar un bo día de andaina e xogos populares. Aquí deixamos unhas fotiños da xornada.

OBRADOIROS DE INGLÉS

Comezamos cos nosos obradoiros de Inglés guiados polo noso lector Marcelo Jáuregui. Animádevos a participar!

TEMOS UMA LÍNGUA UNIVERSAL!

Aí vai unha fotiño da charla co mozambicano Onofre Muianga para 3º da ESO.

2ª CHARLA NOV@S INVESTIGADOR@S

Seguimos co ciclo de Normalización Lingüística sobre Nov@s Investigador@s. Neste caso será para 4º da ESO, o venres á 3ª hora.

REUNIÓN CLUB DE LETRAS

O próximo luns 7 de outubro no recreo teremos a primeira reunión do Club de Letras das Barxas, que este ano tratará o tema da igualdade entre sexos e a importancia da figura da muller na historia da humanidade. Leremos, escribiremos, veremos filmes, traballaremos en proxectos e moito máis! 

TEMOS UMA LÍNGUA UNIVERSAL

No ano 2020 celebraremos o Día das Letras Galegas na honra de Ricardo Carvalho Calero, escritor, profesor e intelectual galeguista e unha das figuras máis salientábeis das nosas letras durante o século XX. Para conmemorar a súa contribución á naturalización da internacionalidade da nosa lingua, realizaremos actividades ao longo do ano que permitan pór en valor o galego como lingua universal. 
 
Así, arrancaremos o próximo martes día 8 conversando con Onofre Muianga, moçambicano. Esta charla, realizada coa colaboración da Concellaría de Normalización Lingüística do Concello de Moaña, irá destinada ao alumnado de 3º da ESO e terá lugar no Salón de Actos.
 

CICLO DE CHARLAS NOV@S INVESTIGADOR@S

O vindeiro venres día 4 de outubro comeza o noso Ciclo de charlas de Nov@s Investigador@s cunha charla sobre "As matemáticas do noso mundo" para 1º da ESO. Serán charlas impartidas por mozos e mozas investigador@s en diversas áreas científicas que realizan o seu labor en galego. Porque en galego tamén se fai ciencia!

 

NOTA INFORMATIVA SOBRE A FOLGA DO VENRES 27

Estimadas nais/pais:
 
Temos a ben comunicarlles que este venres, día 27 de setembro, está convocada unha folga de estudantes que se enmarca dentro da reivindicación internacional do movemento Fridays for Future (FFF) para reivindicar medidas efectivas contra o cambio climático. En Galicia, o colectivo Movemento Galego polo Clima, que agrupa a diferentes asociacións e colectivos de estudantes, súmanse á convocatoria de folga e mobilizacións de carácter internacional para salvar o planeta.
A aceptación da convocatoria por parte da Dirección do centro guiouse rigorosamente pola lexislación educativa vixente no relativo ao dereito a reunións e folga do alumnado. O profesorado non fai folga, así que vai estar no centro para atender aos asistentes.
Procedemos a informar que o alumnado de 1º e 2ºda ESO non ten recoñecido o dereito á folga. A súa ausencia ás aulas terá a consideración de falta non xustificada.
O alumnado de 3º e 4º da ESO e o de Bacharelato poderá exercer o seu dereito á folga. Non precisan autorización de pais, nais ou titores legais e a falta de asistencia ao centro será considerada como xustificada. Así mesmo, o profesorado deberá pospoñer calquera proba ou exame previstos para ese día.
Enviaremos aviso polo TokApp da ausencia do alumnado.
 
 
O EQUIPO DIRECTIVO                               Moaña, 26 de setembro de 2019

REUNIÓN NAIS/PAIS SOBRE EDIXGAL


A dirección do IES AS Barxas convócaos/as a unha reunión para nais e pais do alumnado de 1º da ESO o luns 30 de setembro ás 18:30. Nesa reunión informaremos sobre o proxecto dos ordenadores EDIXGAL, entregarémoslles a documentación pertinente e os equipos informáticos dos seus fillos/as. Moitas grazas

Theme by Danetsoft and Danang Probo Sayekti inspired by Maksimer