Aumento de atribucións de mecánico/a maior naval
Aumento de atribucións de mecánico/a maior naval
O artigo 10 do Real Decreto 36/2014, de 24 de xaneiro, polo que se regulan os títulos profesionais do sector pesqueiro, no seu apartado 2.f), establece que o/a mecánico/a maior naval poderá exercer como Xefe/a de máquinas en buques pesqueiros de potencia propulsora non superior a 6.000 quilowatts, sempre e cando acredite:
- un período de embarque non inferior a 24 meses como oficial de máquinas, dos cales polo menos 12 meses deberá cumprilos desempeñando funcións de primeiro oficial, en buques de potencia propulsora de entre 500 e 3.000 quilowatts; e
- ter superado o curso cuxo contido se establece no Anexo I da Resolución do 31 de maio de 2010, da Dirección Xeral da Mariña Mercante, pola que se establecen os cursos de acreditación de Mecánicos Maiores Navais e Mecánicos Navais para o exercicio profesional en buques mercantes ata 6.000 quilowatts.
CONDICIÓNS DE ACCESO AO CURSO
Para o acceso ao curso de aumento de atribucións ata 6.000 quilowatts como xefe/a de máquinas, o alumnado deberá estar en posesión da tarxeta de mecánico/a maior naval.
No caso de que o número de solicitudes sexa maior que o número de prazas ofertadas, achegaranse os días de embarque a efectos de selección. Terán preferencia o alumnado que acredite un período de embarque non inferior a 24 meses como oficial de máquinas, dos cales polo menos 12 meses deberá cumprilos desempeñando funcións de primeiro oficial, en buques de potencia propulsora de entre 500 e 3.000 quilowatts.
DOCUMENTACIÓN NECESARIA PARA A MATRÍCULA
As persoas candidatas interesadas no curso de aumento de atribucións ata 6.000 quilowatts como xefe/a de máquinas achegarán a seguinte documentación para realizar a matrícula:
- Modelo de solicitude. Descargue a solicitude AQUÍ.
- Copia do DNI/NIE polas dúas caras.
- Copia compulsada da tarxeta de mecánico/a maior naval.
- Xustificante do aboamento das taxas que outorgan o dereito ao exame.
As solicitudes deberán presentarse:
- nos centros oficiais de ensino pesqueiro onde se examinen os/as aspirantes, ou
- por calquera dos medios establecidos no artigo 16.4 da Lei 39/2015, do 1 de outubro, do procedemento administrativo común.
IMPORTANTE: Con anterioridade á formalización da matrícula, as persoas interesadas informaranse nas secretarías dos centros para coñecer as datas dispoñibles de realización do curso.
PAGO DE TAXAS
Para obter o Modelo AI. Autoliquidación de Taxas preme na imaxe.
INSTRUCCIÓNS
1. Prema en Iniciar taxa.
2. Na pantalla "Datos da taxa" deberá cubrir o seguinte:
| Consellería de: O Mar | Código: 12 |
| Delegación de: Ferrol | Código: 11 |
| Servizo de: Desenvolvemento Pesqueiro | Código: 05 |
| Taxa: denominación | |
| Probas profesionais de pesca | Código: 301900 |
| Obxecto de pago | Aumento de atribucións mecánico/a maior naval |
| Datos de pago | 84,81 € |
3. Prema en Continuar.
4. Na pantalla "Datos identificativos" deberá indicar os seus datos persoais. Prema en Continuar.
5. Por último, na pantalla "Modo de pago" poderá escoller entre a opción de Pago telemático (Se desexa efectuar o pago telemático con tarxeta ou cargo en conta) e a opción de Descargar modelo presencial (Permite a descarga do modelo de autoliquidación cuberto cos datos recén capturados para imprimir e efectuar o pago presencial nunha entidade financeira colaboradora).
ASISTENCIA AO CURSO
A asistencia ao curso por parte do alumnado matriculado será obrigatoria. Si se falta máis de un 10% causará baixa do curso. (O curso ten unha duración de 175 horas 210 sesions)
PROGRAMA: MÓDULOS FORMATIVOS E TEMPORALIZACIÓN SOBRE OS COÑECEMENTOS TEÓRICO-PRÁCTICOS
1. Xestión do mantemento e control de respectos (20 horas).
Conceptos de: Avaría e mantemento.
Estratexias de planificación do mantemento.
Mantemento programado.
Compoñentes dun sistema de programación do mantemento.
Xestión do mantemento programado.
Control de respectos.
2. Xestión de combustibles (10 horas).
Combustibles mariños actuais: Características.
Carga de combustible.
Toma de mostras de combustible.
Análise de combustible en laboratorios e probas a bordo.
Preparación e tratamento dos combustibles.
Aditivos.
Prevención dos riscos e a contaminación nas operacións con combustibles.
3. Prevención da contaminación (15 horas).
Normativa actual: Nacional e internacional.
Separación de augas oleosas.
Tratamento de augas residuais. Tratamento de residuos sólidos.
4. Prevención de riscos laborais (10 horas).
Concepto de: Perigo e risco.
Identificación de perigos e avaliación de riscos nas instalacións de máquinas.
Medidas para a prevención e resposta a continxencias.
Normativa actual.
5. Control: Regulación e mando automático (30 horas).
Principios de mando e regulación.
Estudo dos sistemas de mando e regulación a bordo.
Os controladores lóxicos programables: Aplicación a bordo.
6. Planta propulsora e xeración eléctrica (40 horas).
Novas tendencias na construción e operación de plantas propulsoras e sistemas de xeración.
Estratexias de conservación de enerxía a bordo.
7. Refrixeración e conxelación (20 horas).
8. Plantas de xeración de vapor (30 horas).
Caldeiras, a súa operación e mantemento.
Plantas de vapor a bordo.
Turboalternadores e turbobombas.
A avaliación
Superar as probas dos módulos cunha nota mínima de 5 puntos.
NORMATIVA
*Real Decreto 269/2022, de 12 de abril.
