ATRIBUCIÓNS

Exercer como patrón/patroa en buques mercantes de arqueo bruto non superior a 100 GT que realicen navegacións sempre que non se afasten máis de tres millas dun porto ou dunha zona de refuxio e que, no seu caso, transporten un máximo de 150 pasaxeiros.

Poderá exercer simultaneamente o mando da embarcación e o servizo de máquinas a condición de que o permitan as características da embarcación e a potencia propulsora non pase os 375 kw nun só motor ou o dobre da citada potencia propulsora en dúas ou máis motores.

Coa titulación profesional de Patrón Portuario non se pode exercer como xefe de máquinas ou outro cargo na sección de máquinas, só permite o compaxino de mando coas atribucións que devandito título outorga.

CONDICIÓNS PARA A OBTENCIÓN DO TÍTULO PROFESIONAL

- Superar o curso, e as probas prácticas, aprobados pola Dirección Xeral da Mariña Mercante, cuxo contido estará de acordo coas normas da sección A-II/3 do Código STCW ou estar en posesión dun título ou un curso de especialización de formación profesional ou estar en posesión dos correspondentes certificados de profesionalidade que inclúan a formación requirida para a obtención da titulación profesional de patrón portuario.

- Cumprir 20 anos de idade ou 19 no caso de estar en posesión dun título ou un curso de especialización de formación profesional, dos indicados no apartado anterior.

- Realizar un período de embarque non inferior a 12 meses, debendo acreditar polo menos seis meses no servizo de ponte e seis meses no servizo de máquinas.

- Ter en vigor o recoñecemento médico realizado polo Instituto Social da Mariña conforme á regra I/9 do anexo do Convenio STCW e a sección A-I/9 do código STCW, no momento da solicitude do título. O anterior certificado non será necesario se o interesado xa dispón dun certificado médico de aptitude para o embarque, en vigor, expedido polo Instituto Social da Mariña.

- Estar en posesión dos certificados de especialidade de formación básica en seguridade, operador restrinxido do sistema mundial de socorro e seguridade marítima e certificado de formación sanitaria específica inicial.

CONVALIDACIÓN

Disposición transitoria primera. Títulos de Patrón de Tráfico Interior y Motorista Naval.(Orden FOM/2296/2002, de 4 de septiembre)

Durante los 2 años siguientes a la entrada en vigor de este real decreto, quienes posean conjuntamente los títulos de Patrón de Tráfico Interior y de Motorista Naval o, en lugar de este último, el de Patrón Costero Polivalente, Patrón Local de Pesca, Mecánico de Litoral, Mecánico Naval de Segunda Clase, Mecánico Naval de Primera Clase, Mecánico Naval Mayor, Mecánico Mayor Naval, Mecánico Naval, Jefe de Máquinas, Oficial de Máquinas de Primera Clase u Oficial de Máquinas de Segunda Clase, y hayan ejercido al menos durante 24 meses como patrón en buques de navegación interior que cumplan con las condiciones requeridas para la obtención del título de Patrón Portuario, podrán solicitar la convalidación de ambos títulos por la tarjeta profesional de Patrón Portuario y quedarán habilitados para ejercer en las mismas condiciones relativas al buque y la zona de navegación en que estuviesen autorizados y enrolados, si éstas fuesen superiores a la del título de Patrón Portuario.

DOCUMENTACIÓN NECESARIA PARA A MATRÍCULA

As persoas candidatas interesadas no curso de patrón/a portuario/a de ponte achegarán a seguinte documentación para realizar a matrícula:

- Modelo de solicitude. Descarga a solicitude AQUI.

- Copia do DNI/NIE polas dúas caras.

- Copia compulsada do certificado de formación básica

As solicitudes deberán presentarse:

- nos centros oficiais de ensino pesqueiro onde se examinen os/as aspirantes, ou

- por calquera dos medios establecidos no artigo 16.4 da Lei 39/2015, do 1 de outubro, do procedemento administrativo común.

IMPORTANTE: Con anterioridade á formalización da matrícula, as persoas interesadas informaranse nas secretarías dos centros para coñecer as datas dispoñibles de realización do curso.

PROGRAMA: MÓDULOS FORMATIVOS E TEMPORALIZACIÓN SOBRE OS COÑECEMENTOS TEÓRICO-PRÁCTICOS

Competencias, coñecementos e aptitudes (duración mínima 110 h).

- Planificar unha travesía, incluídos consumos.

- Navegación por estima.

- Determinar situacións mediante liñas costeiras.

- Determinar situacións e derrotas mediante sistemas de axudas náuticas electrónicas.

- Interpretación das condicións meteorolóxicas a través de mapas e instrumentos de a bordo. Previsión do tempo meteorolóxico.

- Regulamento Internacional para Previr Abordaxes na mar. Interpretación de situacións.

- Interpretación de cartas e publicacións náuticas. Libro de mareas.

- Protección e seguridade dos pasaxeiros en situacións de emerxencia.

- Utilización do Vocabulario Normalizado de Navegación Marítima en idioma inglés.

- Mantemento da estanqueidad e a estabilidade do buque.

- Medidas a tomar en caso de emerxencias.

- Principios de manobra e goberno do buque.

- Prevención da contaminación do medio mariño.

- Responsabilidades legais do patrón de buque.

- Funcionamento das máquinas principais e auxiliares en buques pequenos.

- Mantemento dos motores. Reparación de avarías máis importantes. Plan de mantemento preventivo.

Probas prácticas mínimas para avaliar a competencia (duración mínima de 40 h).

- Realizar exercicios de goberno dunha embarcación real ou mediante simulador mantendo o rumbo con diferentes condicións de vento, corrente e visibilidade.

- Realizar exercicios reais consistente en tres liñas de posición (demora, marcación, enfilación, etc).

- Realizar manobras de goberno de acordo co Regulamento Internacional para Previr Abordaxes na mar cunha embarcación ou simulador.

- Simular situacións de emerxencia (colisión varada, vía de auga, incendio, home á auga, salvamento ou abandono de buque).

- Simular diferentes casos de comunicacións en idioma inglés.

- Realizar probas de reparación de avaría simuladas nos motores, sistema de goberno, sistema eléctrico.

- Realizar probas de revisión básica do equipo antes de saír á mar (propulsor, material de seguridade, baterías, etc).

NORMATIVA

* Real Decreto 973/2009, do 12 de xuño, polo que se regulan as titulacións profesionais da mariña mercante

*Real Decreto 269/2022, de 12 de abril, por el que se regulan los títulos profesionales y de competencia de la Marina Mercante.

* Orde FOM/2296/2002, do 4 de setembro, pola que se regulan os programas de formación dos títulos profesionais de Mariñeiros de Ponte e de Máquinas da Mariña Mercante, e de Patrón Portuario, así como os certificados de especialidade acreditativos da competencia profesional

* Orde do 21 de xuño de 2001 sobre cartóns profesionais da Mariña Mercante