Avanzado en loita contra incendios
Requirirase a posesión do Certificado de Suficiencia de Avanzado en Loita Contra Incendios aos Capitáns e Oficiais de ponte e de máquinas de buques mercantes; así como aos tripulantes de buques tanques que deban estar en posesión do certificado de familiarización en buques petroleiros e quimiqueros ou do certificado de familiarización en buques gaseros, así como aos tripulantes que teñan asignados deberes específicos e responsabilidades relacionadas coa carga ou o equipo de carga en buques tanque.
- Buques mercantes de arqueo bruto superior a 75 GT.
- Buques pesqueiros maiores de 50 metros de eslora.
Obxectivos
Que o alumno sexa competente para poder tomar as medidas necesarias en canto á seguridade do persoal e do buque e poder utilizar os equipos contra incendios correctamente. Tamén adquirirá coñecementos na prevención de incendios e elaboración de plans de emerxencia.
Capacita aos alumnos para controlar e coordinar as operacións de loita contra incendios a bordo, con especial énfase na organización, tácticas e mando.
Lexislación: Convenio STCW 78 emendado. Curso e probas de avaliación da competencia de conformidade coa Regra VI/3, Sección A-VI/3, Cadro A-VI/3 do Código de Formación na súa versión emendada. Axústase ao prescrito na Orde FOM/2296/2002 do 4 de setembro do Curso regulado pola Orde do Ministerio de Fomento 2296/2002, do 4 de setembro.
Programa do curso
Módulo de control das operacións de loita contra incendios a bordo.
- Procedementos de loita contra incendios a bordo no mar e en porto: organización, tácticas e mando.
- Efectos sobre a estabilidade.
- Precaucións e medidas correctoras.
- Comunicación e coordinación durante as operacións de loita contra incendios.
- Control dos ventiladores, incluídos os extractores de fume.
- Control e dos sistemas eléctricos e sistemas de alimentación de combustible.
- Riscos do proceso de loita contra incendios.
- Loita contra incendios nos que interveñen mercadorías perigosas procedementos loita contra incendios na mar.
- Riscos relacionados co almacenamento e a manipulación de materiais.
- Tratamento e control de feridos.
- Procedementos de coordinación coas operacións de loita contra incendios efectuadas desde terra.
Módulo de organización e capacitación de cuadrillas da loita contra incendios.
- Elaboración de plans de continxencias.
- Formación e asignación do persoal ás cuadrillas de loita contra incendios.
- Estratexias e tácticas para a loita contra incendios nas distintas partes do barco.
Módulo de inspección e mantemento dos sistemas e o equipo de detección e extinción de incendios estratexias e tacticas de loita contra incendios.
- Sistemas de detección de incendios Sistemas fixos de extinción de incendios.
- Equipo portátil e móbil de extinción de incendios Bombas contra incendios.
- Equipo de rescate, salvamento e protección persoal e comunicación.
- Requisitos dos recoñecementos regulamentarios e de clasificación.
Módulo de investigación e recompilación de informes sobre incidentes nos que se produzan incendios.
- Avaliación das causas que dan lugar a incidentes nos que se produzan incendios.
Duración
O curso é presencial e ten unha duración de 24 horas, das cales, 12 horas son de contido teórico e 12 horas de contido práctico.
Só se permite falta de asistencia do 10% da horas teóricas. A parte práctica deberá completarse na súa totalidade.
Certificado
O Certificado de suficiencia de Avanzado en Loita Contra Incendios terá unha validez de 5 anos e conterá a data de caducidade. Para que o certificado non caduque, é importante realizar a renovación do mesmo en calquera capitanía marítima e antes da data de caducidade. Para renovar o Certificado de Especialidade de Avanzado en Loita Contra Incendios é necesario cumprir con algún dos seguintes requisitos:
- Ter 3 meses de embarque no último ano do título, realizando labores relacionados co mesmo.
- Ter 1 ano de embarque nos 5 anos do título, realizando labores relacionados co mesmo.
Unha vez caducado o Certificado de Especialidade de Avanzado en Loita Contra Incendios, haberá que realizar un Curso de Actualización de 8 horas de duración, sen necesidade de realizar o curso completo de novo.