TÍTULOS NÁUTICOS DE LECER

Titulacións náuticas de recreo existentes: 

• Capitán de Iate. 
• Patrón de Iate. 
• Patrón de Embarcacións de Recreo (PER). 
• Patrón de Navegación Básica ( PNB).
• Licenza de Navegación

As titulacións náuticas de recreo non teñen carácter profesional e habilitan exclusivamente para o goberno das embarcacións de recreo e das motos náuticas abanderadas ou rexistradas e matriculadas en España, que sexan utilizadas exclusivamente para actividades de recreo ou, no seu caso, as que permitan as habilitacións anexas. Non se poderán realizar actividades de transporte de carga ou de pasaxeiros con carácter comercial, nin pesca non deportiva.

Os titulados profesionais poderán desempeñar nas embarcacións de recreo as atribucións que o seu título profesional confírelles. 

Os programas de exames teóricos e o contido das prácticas están determinados nos Anexos do Real Decreto 875/2014, do 10 de outubro, polo que se regulan as titulacións náuticas para o goberno das embarcacións de recreo. 

Superado o exame e condicións de obtención de cada título, solicitarase do órgano no que se aprobou o exame teórico (Dirección Xeral da Mariña Mercante ou Comunidade Autónoma) unha tarxeta acreditativa da posesión do título. 

As tarxetas teñen un período de validez de 10 anos, transcorrido o cal poderán renovarse coa achega dun novo certificado médico. Non obstante o anterior, as persoas maiores de 70 anos de idade deberán renovar o título cada 5 anos.